1 Tesalonika 5:9 - Surat Ralan na'a Vaidida

⁹ Ubu wol nfadoku ma nfaturu lahir Ni ngrova verin ita, naꞌuk veka nsikat ita tali dida salasilan ra, ma dida vavaꞌat kakiwal nahu Duilaꞌa Yesus Kristus.

1 Tesalonika 5:9 ပူးပေါင်းရင်းမြစ်များ

Matius 26:24

Yaꞌa, Tamata Yanan Yaꞌa, veka umata wean i rfalak roak naꞌa Ubu Ni Surat Ralan a. Naꞌuk sian urun i lahir verin tamata i nfedi Yaꞌa. Ni lolin a, tamata yai deka rarali lahir ia.”

Kisah 1:20

Petrus ntafal ma nfalak ne, “Raja Daud ntulis naꞌa kitab Mazmur ne, ‘Ni lolin ana, ni rahan a vu watan ma deka tamata isa ti nleal.’ Daud ntulis vali ne, ‘Ni lolin ana, tamata liak nkati ia naꞌa ni van a.’

Kisah 1:25

boma neluk rasul ma nkati Yudas i nti talik roak ni karya i mala verin ia, ba nti wan i inovan ovu afa i notu.”

Kisah 13:48

Ba tamata ovi wol Yahudi ira rarenar afa avyai, na inar lolin ma rfadawang Ubu, tevek Ni vaivatul ra naꞌa Yesus. Tamata ovi Ubu nfili roak ira ma rira vavaꞌat kakiwal, rorang Ni vaivatul ra.

Roma 11:30

Lan ana, mia wol myot-orang afa ovi Ubu nfalak ra. Naꞌuk fiang ini, Ia nfaturu roak Ni rala lolin a verin mia, tevek tamata Yahudi ra wol rot-orang afa ovi nfalak ra.

Roma 11:7

Ba ufalak wean ini: Lyawan roak ne, tamata Israel rdava lingaꞌan ma rira vavaꞌat ra rmalola naꞌa Ubu wahan ralan a, naꞌuk wol rdav-nala lingaꞌan yai. Tamata boku tali tamata Israel ra, Ubu nfili roak ira ma rtuan lingaꞌan yai. Naꞌuk tamata Israel liak ra, Ubu notu ma ralarira ra rangrebat urun ma wol rorang Ia.

1 Tesalonika 1:10

Ira rfamalik vali ne, wean inba ma mnyaban watan amar i Ubu Yanan a Yesus veka ntali lanit ratan nma lanit ivavan a. Ubu nfavaꞌat ewal roak Ia tali matmatan. Yesus aꞌuk saꞌi nsikat ita tali dida salasilan ra, boma Ubu Ni ngrova i veka nfaturu yai, deka nkena ita.

1 Tesalonika 3:3

Wean inyai, boma wol tamata isa vali ni inorang a kakoꞌu, tevek afa sian ovi mtyuan a. Mia mkyaꞌa roak ne, Ubu ralan nfalak vali ma tamata ovi rorang Yesus veka rtuan susa vali, tevek rira inorang a.

1 Timotius 1:13

velik ne lalan ana, ufalak sian ovu ungrihi visal-vasil Ia, ovu vali uwi-uwa tamata ovi rorang Ia. Naꞌuk Ia nfaturu Ni silobang verin yaꞌa, tevek naꞌut inyai wol orang Ia obin, ba wol ukaꞌa afa ovi otu ra.

1 Timotius 1:16

Naꞌuk wean inyai, bi Kristus Yesus nala Ni rala lolin verin yaꞌa. Ia notu wean inyai ma nfaturu ne, ntahang ma dawan ralan a verin yaꞌa, tevek ning salasilan ra nlia munuk tamata ra. Ia ntahang ralan verin yaꞌa, boma tamata liak ra rsiꞌik afa lolin ovi notu verin yaꞌa, ma veka rorang Ia ma rira vavaꞌat kakiwal.

2 Timotius 2:10

Wean inyai bi, utahang nal ralang ma uvara watan susa ovi utuan ra. Velik ne tamata ra rotu sian yaꞌa, naꞌuk ufamalik watan Ubu Ni vaivatul ra, ma tamata ovi Ia nfili ra rarenar ma rorang, boma naꞌa amar i veka nma yai, na rira vavaꞌat kakiwal vali naꞌa Kristus Yesus wan i nfitik nyadat.

1 Petrus 2:10

“Lan ana, wol myeluk Ubu Ni tamata ra obin, naꞌuk fiang ini myeluk roak Ni tamata ra. Lan ana, Ubu wol nfaturu Ni silobang a verin mia obin, naꞌuk fiang ini Ubu nfaturu roak Ni silobang yai.”

1 Petrus 2:8

Iki wol norang Yesus, na ia veka ntuan afa ovi Surat Ralan nfalak ne, “Vatu yai neluk angangal verin tamata ma rasvotun ma rleka lahir.” Tamata avyai rasvotun naꞌa vatu yai, tevek wol rot-orang Ubu Ni vaivatul ra. Ia nfadoku roak ma musti wean inyai.

2 Petrus 1:1

Yaꞌa Simon Petrus, eluk tamata sansinir ovu rasul verin Yesus Kristus. Utulis surat ini verin mia tamata ovi myorang Yesus. Mia weabira vali ami ma amorang Ia. Yesus Kristus Ubu Ia ovu nsikat ita tali dida sala silan ra, ma nala vavaꞌat kakiwal. Ia notu ma torang Ia, tevek afa ovi notu ra, kena lalawatan.

2 Petrus 2:3

Tamata avyai rfamalik tomu siklabir ovi kaꞌi rotu watan ma al rdava uturira tali mia, tevek rlobang kubang ma rfikir aꞌuk tenarira ra. Naꞌuk mnanat roak Duilaꞌa nukun ira ma inovan ovu rira afa ovi rotu ra, ovu vali veka wol nanaban ma mnanat, na nvisal lahir ira.

Yudas 1:4

Tevek tamata boku rti fanfonak watan ira naꞌa bira sidovung ralan a, ma rair afa ovi wol kena ra verin mia. Tamata avyai wol rorang Ubu. Ira rair ma rfulak-rvali Ubu Ni rala lolin i nala verin ita, boma bisma rfakena rira ininan sian ra. Ira rafena ma rorang dida Duilaꞌa Yesus Kristus i ikisa watan Ia, ovu nfareta munuk afakataka. Tali lalan rfadoku roak naꞌa Surat Ralan ne, Ubu veka nukun ira.