1 Tesalonika 4:9 - Surat Ralan na'a Vaidida

⁹ Teramam-valimami averi, naꞌa surat ini, na ami wol amsurak mia ma wean inba ma mlyobang tamata inorang ra, tevek Ubu nair roak mia ma msyilobang mia.

1 Tesalonika 4:9 ပူးပေါင်းရင်းမြစ်များ

Matius 22:39

Inukun isa vali i norang i ula lalean yai wean ini, ‘Oa musti mlobang vali tamata liak ra, wean watan i mlobang tenam a.’

Yohanes 14:26

Naꞌuk Yamang a veka nala Ni Roh ma al nkati Yaꞌa ma nala lablobang verin mia. Ni Roh yai veka nair mia naꞌa afakataka munuk, ovu nfangnanang mia naꞌa afa ovi air munuk roak verin mia.

Kisah 4:32

Tamata ovi rorang Yesus munuk ralarira isa, ba wol tamata isa tali ira nafena ma nala ni metan ra verin rira sidovung.

Roma 12:10

Fara mia tamata ovi myorang Yesus, msyilobang mia wean lahir mlyobang aꞌabir-waribira ra, ovu vali musti ula mia ma fyaturu bira sialang a verin tamata liak.

2 Korintus 9:1

Terang a valing averi! Ukaꞌa roak ne, ralabira ra lolin urun, bi myala bira kubang ra verin tamata ovi rorang Yesus naꞌa Yudea. Wol lolin ma utulis kubang avyai naꞌa ning surat a, tevek lyawan roak ovu ukaꞌa ne, inabira ma mlyobang ira, bi ufadawang roak mia verin tamata Makedonia ra. Ufalak verin ira ne, “Varat i nti roak veli, na terad a valid ovi rnaꞌa propinsi Akhaya rasdovuk roak rira kubang ra, ma veka rala ma al rlobang tamata ovi rorang Yesus.” Wean inyai, bi tamata rivun naꞌa Makedonia mane rot-orang mia, ma rasdovuk vali rira kubang ra.

Filipi 3:15

Fara ita munuk, tamata ovi torang roak Yesus, dida inorang a nangrebat roak ma tfikir aꞌuk ne, weadida isa wean inyai. Naꞌuk wean i tamata isa tali did tinemun ni fikiran liak, na Ubu veka nfavotuk afa yai verin ia.

1 Tesalonika 5:1

Teramam-valimami averi naꞌa Yesus Kristus, naꞌa surat ini, na ami wol amfalak ne, naꞌut amar aka Yesus Kristus veka newal Ia.

Ibrani 10:16

tevek nfalak ne, “Ini Yaꞌa Ning tnorung i veka otu verin Ning tamata ra naꞌa amar ovi veka rma ini: Yaꞌa veka ufadoku Ning inukun ra naꞌa ralarira ra, ovu utulis inukun avyai naꞌa rira fikiran ra.” Duilaꞌa nfalak wean inyai. Ia nfalak roak wean inyai, beti nfalak vali ne,

Ibrani 13:1

Terang a valing tamata inorang averi, fara msyilobang lalawatan mia.

1 Petrus 3:8

Afa ovi beti ufalak munuk yai, ihin a wean ini. Era ma mia munuk mian vai isa ovu myotu ralabira isa watan naꞌa bira fikiran ra, ovu musti fyaloling tamata ovi ralarira lalau ra. Era vali ma kaꞌi msyilobang mia, tevek tamata inorang munuk mia. Fyaturu bira rala lolin ovu msyiotu lolin mia, ovu vali fyakabava tenabira ra ma fyikir tamata liak ra.

1 Petrus 4:8

Naꞌuk afa i nlia tali afa akataka munuk wean ini: mia musti ralabira urun al msyilobang mia. Tevek wean i tsilobang ita, na wol tfikir roak salasilan rivun ovi tamata ra rotu verin ita.

2 Petrus 1:7

Ralabira urun ma myot-orang afa ovi Ubu nfalak ra, ovu mlyobang urun vali terabir-valibira ovi rira inorang a wean mia. Myotu wean inyai, ovu vali mlyobang munuk tamata ra.

1 Yohanes 2:10

Tamata i nlobang teran a valin ra, na ia nanaꞌa roak lyawan ralan, ba afa ovi notu ra wol rweang nala ia ma notu salasilan.

1 Yohanes 3:11

Ivar i mryenar roak tali amar i beti myorang Yesus wean ini: musti tsilobang ita.

1 Yohanes 3:23

Ia nfalak verin ita ma tot-orang afa ovi: torang aꞌuk Yanan a Yesus Kristus, ovu tsilobang ita, wean i nfareta roak ma totu a.

1 Yohanes 4:21

Ba Ia nfareta ami ma nfalak ne, tamata ovi rlobang Ubu, na ira musti rlobang vali terarir-valirira ra.