1 Tesalonika 3:11 - Surat Ralan na'a Vaidida

¹¹ Amaflurut verin Yamadida Ubilaꞌa ovu dida Duilaꞌa Yesus, ma fara nfamalola mami lingaꞌan a ma tsituan ewal ita.

1 Tesalonika 3:11 ပူးပေါင်းရင်းမြစ်များ

Matius 6:14

Wean i myabun tamata ovi rotu salasilan verin mia, na Yamadida i naꞌa lanit ratan veka naꞌi vatuk vali bira salasilan ra.

Matius 6:18

boma tamata ra deka rkaꞌa ne, mtyolat. Yamabira i tamata ra wol rarea Ia yai saꞌi nkaꞌa ne, mtyolat. Ia saꞌi nrea nkaꞌa munuk afa fanfonak ovi myotu ra, ba veka naval mia naꞌa bira rala lolin.”

Matius 6:26

Eka msyiꞌik manut nangan ra. Ira wol ravuri-rava nabat ra, wol rafdiar, ovu vali wol rasdovuk afamtahan naꞌa manlenan ra, naꞌuk Yamabira naꞌa lanit ratan nala afamtahan verin ira ma raꞌan. Mia wol mkyaꞌa ne, fyawabira nlia manut nangan ra, ovu Ia nlobang mia nlia manut nangan ra?

Matius 6:32

Tamata ovi wol rorang Ubu rdava lalawatan afa avyai, naꞌuk mia deka myotu wean inyai, tevek Yamabira i naꞌa lanit ratan nkaꞌa munuk afa ovi mdyava naꞌa bira vavaꞌat ra.

Matius 6:4

Myala fanfonak watan, tevek Yamabira i nkaꞌa munuk afa fanfonak ra veka naval mia naꞌa bira rala lolin.”

Matius 6:6

Naꞌuk wean i mane miflurut, na miti kamar ralan ma fyolat falfolat a veki, beti miflurut verin Yamadida i wol trea Ia. Tevek Ia nsiꞌik afa fanfonak ra munuk, ovu Ia veka naval mia naꞌa bira rala lolin.

Markus 1:3

Tamata isa nafwak naꞌa wan lean vu dawan ne, ‘Misusan lingaꞌan verin Duilaꞌa, fyamalola lingaꞌan ra!’ ”

Lukas 12:30

Tamata ovi wol rorang Ubu rdava lalawatan afa avyai, naꞌuk Yamabira nkaꞌa munuk afa ovi mdyava naꞌa bira vavaꞌat ra.

Lukas 12:32

Tamata ovi myorang Yaꞌa, velik ne bira sidovung a koꞌu watan, naꞌuk ralabira ra deka kakoꞌu! Tevek Yamabira inan ma nala Ni kalolin ra verin mia tali Ni Fareta a.

Yohanes 20:17

Yesus nfalak verin ia ne, “Deka mtaha Yaꞌa, tevek wol urata verin Yamang obin. Muti ma mtuan terang a valing ra ma fwalak verin ira ne, ‘Yaꞌa veka uti verin Yamang a ovu Yamabira a, ovu vali verin Ning Ubu a ovu bira Ubu a.’ ”

Roma 1:3

Ubu Ni Ivar Lolin yai nfamalik Ubu Yanan a Yesus Kristus i dida Duilaꞌa verin Ia. Eka tanovak naꞌut i Yesus nleal lanit ivavan a ma neluk tamata, na Ia ubun-nusin Raja Daud. Naꞌuk eka tanovak ne, Yesus Duilaꞌa Ia. Ubu nfaturu lahir ovu Ni ngrebat ne, Yanan Ia naꞌut i nfavaꞌat ewal Ia tali matmatan ovu Ni Roh i nmerat urun.

2 Korintus 6:18

Yaꞌa veka eluk Yamabira, ovu mia veka myeluk yanak brana ra ovu yanak vata ra. Vaivatul avyai rtali Duilaꞌa i Ni ngrebat a nlia munuk.”

Galatia 1:4

Ia not-orang afa ovi Yamadida Ubilaꞌa ralan nfalak a ma nmata, tevek dida salasilan ra. Notu wean inyai ma naling ita tali tamata rira afa sian ovi rotu ra ovu ranovak ra.

1 Tesalonika 3:13

Amera vali verin Duilaꞌa ma nfangrebat ralabira ra ma notu ma ralabira ra rmerat urun, ovu vali wol bira sala naꞌa Yamadida Ubilaꞌa wahan ralan a, naꞌut i dida Duilaꞌa Yesus nma ewal ovu Ni tamata ovi rorang Ia.

1 Tesalonika 4:16

Tevek naꞌut amar i Duilaꞌa Yesus ntali lanit ratan nsuta ma nfareta ovu vain dawan, na ita veka trenar Ni sansinir ra tali lanit ratan rira dawan a nangrihi, ovu Ubu Ni tarompet a ngoan. Tamata inorang ovi rmata roak yai veka rvaꞌat ewal, ma ula ira.

1 Tesalonika 5:23

Fara Ubu i notu ma dida vavaꞌat ra malinan, notu ma raladida ra munuk rmalola. Amera vali ma fara Ubu nlobang mia, boma tenabira ra, ovu ralabira ra, ntafal vali bira roh a rmalola, boma wol bira sala, ti naran amar i dida Duilaꞌa Yesus Kristus nma ewal.

2 Tesalonika 2:16

Fara dida Duilaꞌa Yesus Kristus ovu Yamadida Ubilaꞌa nfaloling ovu nfangrebat ralabira ra, boma afa ovi myotu ra, ovu bira vaivatul ra lolin watan. Tevek Ubu nlobang ita ovu Ni rala lolin a, ovu nfaloling lalawatan raladida ra. Ita tfakloꞌi aꞌuk dida vavaꞌat ra verin Ia, tevek tkaꞌa basil ne, veka tnaꞌa lanit ratan.

2 Tesalonika 3:16

Ubu aꞌuk saꞌi nala malinan verin ita. Fara Ubu notu ma bira vavaꞌat ra malinan naꞌa afaka watan. Fara Ia novun bir tinemun.

2 Tesalonika 3:5

Fara Ubu notu ma fyan-aran Ni silobang a verin mia, boma mtyahang nal ralabira, wean vali Duilaꞌa Yesus Kristus ntahang nal ralan.

1 Yohanes 3:1

Eka minovak! Yamadida Ubilaꞌa Ni silobang a dawan urun verin ita, ba nala ita ma teluk yanan ra. Ubu yanan urun ita. Tamata ovi rnaꞌa lanit ivavan ini wol rkaꞌa ne, Ubu yanan ita, tevek ira wol rkaꞌa Ubu.

Wahyu 21:3

Urenar vali vai dawan isa ntali wan i Ubu ndoku ma nfareta a nma. Vai yai nfalak ne, “Fiang ini, Ubu wan i nleal a nanaꞌa roak wan i Ni tamata ra rleal a, ba Ia nanaꞌa ovu ira. Ira rsoak ma rfadawang aꞌuk Ubu, tevek rira Duilaꞌa verin Ia.