1 Tesalonika 2:2 - Surat Ralan na'a Vaidida

² Bir tinemun mkyaꞌa ne, wol amama kota Tesalonika obin, na tamata ra rwi-rwa ovu rfalak sian ami naꞌa kota Filipi. Velik ne tamata rivun rangal ami, naꞌuk Ubu i traning a, nfangrebat ami ovu nfabrahi ami ma amfamalik Ni Ivar Lolin a verin mia.

1 Tesalonika 2:2 ပူးပေါင်းရင်းမြစ်များ

Kisah 14:3

Paulus irua Barnabas mnanat ira naꞌa inyai. Irua rabrahi ma rfamalik Duilaꞌa. Ba Ubu nala ngrebat verin ira ma rotu mujizat ra, ovu rotu faneak ovi tamata ra wol rot-nala ma al rfaturu ne, afa ovi rfalak naꞌa Ubu Ni rala lolin a, kena.

Kisah 14:5

Tamata ovi wol Yahudi ra, ovu tamata Yahudi ra, ovu vali rira dawan ra raꞌan vai isa mane rotu sian Paulus irua Barnabas ma rtev-fedan ira.

Kisah 16:12

Tali inyai, na amati kota dawan isa naran Filipi naꞌa propinsi Makedonia. Tamata Roma rivun rleal kota yai, ovu amnaꞌa inyai amar ifira vali.

Kisah 16:19

Vata yai duan ra rkaꞌa roak ne, wol rdav-nala roak kubang tali ia. Ba rtaha Paulus irua Silas ma rlia soli-sasan ira rti wan i rfedi-rfaha afa naꞌa, ma rdiri dawan fareta waharira ralan ra.

Kisah 16:37

Naꞌuk Paulus nfalak verin dawan fareta rira tamata avyai ne, “Yaꞌi yo, ami tamata Roma ami, naꞌuk wol fyaleka inukun verin ami obin, na rvaval ma dawan roak ami naꞌa tamata rivun waharira ralan ra, nata rvatuk ami ti buꞌi ralan ma rdadul ami. Ira mane rfareta ami ma amban-talik wan ini, naꞌuk rfonak ma tamata ra deka rkaꞌa. Wol kena lahir! Eka msyinir dawan fareta avyai ma kaꞌi rma ma rfatalik ami!”

Kisah 17:1

Paulus irua Silas rahu lingaꞌan i nti kota Amfipolis ovu kota Apolonia ma rti raran kota Tesalonika. Yahudi rira rahan falurut isa naꞌa inyai.

Kisah 17:17

Ba nti Yahudi rira rahan falurut, ma ia ovu Yahudi ra ovu Yunani ovi rorang Ubu rfamalik afa ala rsiforat ira naꞌa inyai. Lokat amar Paulus notu wean inyai vali verin tamata ovi ntuan ira naꞌa wan i rfedi-rfaha afa.

Kisah 19:8

Paulus nanaꞌa inyai vulan itelu ma baꞌi nti Yahudi rira rahan falurut ma nsiair, ovu wol nbobar tamata ra. Ia ni dardirin nangrebat ma nfamalik Ubu Ni Fareta verin ira, boma rorang Yesus ma nfareta vali ira.

Kisah 4:13

Tamata ovi rnaꞌa sidovung dawan yai rsiꞌik roak ne, Petrus irua Yohanes rabrahi, ovu rkaꞌa vali ne, irua wol raskola, ba rtalkaka. Ira rkaꞌa ne, tamata irua ini rorang lalawatan Yesus.

Kisah 4:20

Ami wol bisma amtalik ma amfamalik afa ovi amsiꞌik ovu amrea roak.”

Kisah 4:31

Ti ma raflurut munuk, na ruru naꞌa wan i rasdovu ira naꞌa yai. Ubu Ni Roh nsoru lahir ralarira ra, ba wol rbobar ma rfamalik Ubu Ni vaivatul ra.

Kisah 5:41

Rasul ra rban-talik sidovung dawan yai ovu inar lolin, tevek Ubu nfili ira ma tamata ra rotu sian ira ovu rfalak sian ira, tevek rorang Yesus.

Roma 1:1

Terang a valing averi, yaꞌa Paulus eluk tamata sansinir verin Kristus Yesus. Ubu nfili roak yaꞌa ma eluk rasul ovu nala varvara verin yaꞌa ma ufamalik Ni Ivar Lolin.

2 Korintus 3:12

Ba amfakloꞌi aꞌuk mami vavaꞌat ra naꞌa Ubu Ni tnorung ngorvaꞌan yai, tevek amkaꞌa basil ne, Ni tnorung ngorvaꞌan yai nanaꞌa, nata ti wol ni wahan. Ba amabrahi urun ma amfamalik Ubu Ni Ivar Lolin a.

Kolose 2:1

Terang a valing averi, yaꞌa inak ma mkyaꞌa ne, ukarya urun verin mia, ovu tamata ovi rorang Yesus naꞌa kota Laodikia, ovu vali tamata ovi wol utuan ira obin.

1 Tesalonika 1:5

Amkaꞌa afa yai, tevek Ubu Ni Ivar Lolin i amfamalik roak verin mia, wol mane vaivatul watan, naꞌuk ngrebat i ntali Ubu Ni Roh nkarya naꞌa ralamami ra, ovu amorang urun vaivatul ovi amfamalik yai. Mia mkyaꞌa roak ne, naꞌut i itmunuk a, na mami vavaꞌat ra rfalyawang lahir Ivar Lolin i amala verin mia.

2 Timotius 1:12

Wean inyai bi utuan susa rivun, ti naran i raꞌabuꞌi yaꞌa, naꞌuk wol umaꞌit, tevek ukaꞌa lahir Yesus, ovu orang urun Ia. Ukaꞌa basil ne, ti naran amar i veka nma ewal a, na Ia veka nsiꞌik yaꞌa ma lolin.

Yudas 1:3

Terang a valing averi, ulobang urun mia. Yaꞌa inak ma utulis surat ini verin mia, boma ufamalik naꞌa i wean inba ma Ubu nsikat roak ita tali dida salasilan ra, ma dida vavaꞌat kakiwal. Yaꞌa ralang urun ma musti utulis afa ini verin mia ma usurak mia, boma mkyiwal urun ma bira dardirin a nangrebat naꞌa bira inorang i Ubu nala roak verin Ni tamata ovi rorang Ia.