1 Petrus 5:8 - Surat Ralan na'a Vaidida

⁸ Msyiꞌik wabira ma lolin, tevek nitdawan ni sian mia. Ia wean singa i vain dawan ma nbana tia ma watan ala ndava fanaꞌan.

1 Petrus 5:8 ပူးပေါင်းရင်းမြစ်များ

Matius 13:39

Tamata i ni sian tamata vaꞌi yai, nitdawan ia. Ia navuri lavurun vatul avyai. Amar fadiar yai nfaturu amar i lanit ivavan veka namwear. Tamata fadiar avyai, Ubu Ni sansinir ra tali lanit ratan.

Matius 24:42

Ba wean inyai, na msyiꞌik wabira ma lolin, tevek wol mkyaꞌa ne, lafira ki bira Duilaꞌa nma.

Matius 25:41

Yaꞌa veka ufalak vali verin ovi rnaꞌa Ning lihir balit a ne, ‘Yamang a veka near nfasoba mia, ba miti vatuk mia tali ini, ma ti mnyaꞌa yafwan kakiwal. Wan yai Ubu nfadoku roak verin nitdawan ovu ni sansinir ra.

Matius 4:1

Ira rotu afa avyai munuk roak, beti Ubu Ni Roh novun Yesus nti wan lean vu dawan isa ma nitdawan nlabir teman Ia.

Matius 4:11

Ba nitdawan nti talik lahir Yesus, na Ubu Ni sansinir ra rtali lanit ratan rma ma rfatuang Ia ma rlobang Ia.

Markus 4:15

Tamata ovi rarenar Ubu Ni vaivatul ra, wean nabat ovi rleka naꞌa lingaꞌan ralan. Naꞌut i rarenar, na nitdawan nma lahir ma nal-ewal Ubu Ni vaivatul avyai ma wol rnaꞌa ralarira ra.

Lukas 21:34

“Msyiꞌik wabira ma lolin, boma deka fyikir lalawatan ma myotu snoba ma boranavut mia, ovu deka ralabira raruan naꞌa bira vavaꞌat ra. Wean i fyikir lalawatan wean inyai, na veka mibrian naꞌa amar i Yaꞌa, Tamata Yanan a uma, tevek brian munuk, na uma lahir.

Lukas 21:36

Ba msyiꞌik wabira ma lolin ovu miflurut lalawatan, boma byan-lia afa ovi veka rvotuk naꞌa amar yai, ovu bisma mdyiri nala Tamata Yanan wahan ralan a.”

Lukas 22:31

Nata Yesus nfalak verin Simon Petrus ne, “Simon, Simon, eka mrenar ma lolin! Ubu ntorung roak ma nitdawan veka nlabir teman mia. Ia veka nwi-nwa mia, ma wean lahir gandum ovi tamata ra rtafi.

Yohanes 8:44

Yamabira verin nitdawan a, ovu inabira ma myot-orang watan ni ininan ra. Tali lalan a, nitdawan nsifedan lalawatan, ovu ni vavaꞌat wol nanaꞌa afa ovi kena ra, tevek nafena lahir ma notu afa ovi kena ra. Wean i nsiklabir, na notu watan afa ovi ralan nfalak a, tevek ia baꞌi nsiklabir, ovu afa siklabir ra munuk rtali ia.

2 Korintus 2:11

Ufalak ma musti tabun ia, boma nitdawan a deka nweang nala ita, tevek tkaꞌa roak afa ovi nitdawan notu ra.

Efesus 4:27

boma nitdawan wol ndav-nala lingaꞌan ma nweang mia ma myotu salasilan.

Efesus 6:11

Suldadu ra wean i mane rti rotu rihi, na rasusan munuk lahir rira bakreat ra ma rung a reluk ira, boma al rteri ira tali rira musu ra. Mia weabira vali suldadu avyai, ba musti myung-myeluk mia ovu afa ovi Ubu nala roak verin mia ma ala myangal nitdawan ni siweang ra.

1 Timotius 2:15

Velik ne wean inyai, naꞌuk Ubu veka nsikat vata ra tali rira salasilan ra, ma rira vavaꞌat kakiwal naꞌa amar i rarali yanarira ra. Ia notu wean inyai, asal ne rorang lalawatan Yesus ovu rlobang tamata ra, ovu rira vavaꞌat ra rmalola, ovu vali ma rtahang nal ralarira ra naꞌa afaka watan.

1 Timotius 2:9

Ufalak vali ma wean i vata ra rung a reluk ira, na reluk kadaravit ovi inovan verin vata ra, boma rfaturu ne, rira vavaꞌat lolin. Deka rtebung rira vut ra ma nlia daꞌin. Deka reluk kadaravit ovi fyawar urun, te rfakloꞌi masa te mutiara naꞌa tenarira ra.

1 Timotius 3:11

Awarira vali musti rkaꞌa warira ma tamata liak ralang ira. Deka rangrihi tia ma watan ma rfalak sian tamata ra. Ira vali musti rtahang nal ralarira naꞌa afaka watan, ovu rotu lalawatan afa ovi rfalak ra.

1 Timotius 3:2

Brana i inan ma neluk dawan kareda i nban-ulu verin ni sidovung a, na ni vavaꞌat musti nmalola, boma tamata ra deka rfasala ia. Awan ikisa watan, ovu ntahang nal ralan naꞌa afaka watan, ovu vali nkaꞌa wan. Ia musti nalang tamata ra, inan ma tamata ra rma ma rlolak ia naꞌa ni rahan, ovu nkaꞌa ma nair tamata ra.

2 Timotius 4:17

Naꞌuk Duilaꞌa nfatuang yaꞌa ma nfangrebat yaꞌa, ba ufamalik Ni Ivar Lolin a verin tamata ovi wol Yahudi ra ma rarenar munuk. Ubu nlobang yaꞌa ma tamata ovi mane rfedan yaꞌa wol rot-nala.

Titus 1:8

Ira musti inar ma tamata ra ralola ira naꞌa rira rahan ra. Ira musti inar vali ma rotu aꞌuk afa lolin, rtahang nal ralarira naꞌa afaka watan, rasusan ma lolin rira vavaꞌat ra, rira vavaꞌat ra rmalola ovu rmerat.

Titus 2:12

Ubu nair ita ovu Ni rala lolin a, ma deka totu afa ovi wol inan ra, ovu deka torang afa sian ovi rnaꞌa lanit ivavan ini. Ni rala lolin notu ma tatahang nal ralad ra naꞌa afaka watan, ovu torang urun Ia, ovu vali dida vavaꞌat ra rmalola.

Titus 2:2

Oa musti msurak brana ovi tuvu roak ira, boma rkaꞌa ma rsiꞌik ma lolin rira vavaꞌat ra. Ira musti rkaꞌa warira vali, boma tamata ra ralang ira, ovu musti rira fikiran ra blawat. Ira musti ralarira urun ma rorang Ubu Ni vaivatul ra, ovu vali ralar lolin ma rlobang tamata ra. Ira musti rtahang nal ralarira ra naꞌa afaka watan, boma rira inorang nangrebat.

Titus 2:4

Itvata ra rotu wean inyai, boma rair vata tuvmarmuri ra ma rkaꞌa ma rlobang awarira ra ovu yanarira ra,

Titus 2:6

Msurak vali brana tuvmarmuri ra wean inyai, boma rtahang nal ralarira naꞌa afaka watan.

Yakobus 4:7

Ba mia musti fyakabava tenabira ra verin Ubu, ovu myorang afa ovi nfalak ra. Myotu wean inyai, na myangal roak nitdawan ni afa ovi notu ra, ba veka nafla talik mia.

1 Petrus 1:13

Ba wean inyai, bi misusan bira fikiran ra ovu msyiꞌik wabira ma lolin, boma myot-orang munuk afa ovi Ubu ralan nfalak a. Fyakloꞌi aꞌuk bira vavaꞌat ra verin Ubu, tevek myorang urun ne, Ia veka naflahar mia naꞌut i Yesus Kristus veka nma ewal.

1 Petrus 4:7

Terang a valing averi, lanit ivavan sarseri mane namwear roak, ba misusan wabira ovu bira fikiran ra, ovu vali mtyahang nal ralabira naꞌa afaka watan, boma bisma miflurut lalawatan.

Wahyu 12:10

Nata urenar vai isa dawan urun ia, ntali lanit ratan nma. Vai yai nfalak ne, “Amar ini, nitdawan wol ndiri roak Ubu wahan ralan a ma nfalak sian ovu nmangadu lalawatan ita ovu terad a valid ra, tevek Ubu nvatuk roak ia tali lanit ratan, ma nsuta lanit ivavan ini. Ba fiang ini Ubu notu lingaꞌan ma nsikat tamata ra tali rira salasilan ra, ma rira vavaꞌat kakiwal. Ubu nfaturu Ni ngrebat a ma neluk raja ma nfareta! Raja i ntevut dida salasilan ra nfaturu vali Ni fareta a naꞌa lanit ivavan a!

Wahyu 12:12

Ba ovi mnyaꞌa lanit ratan munuk myotu inabira lolin. Naꞌuk sian urun i lahir verin tamata ovi mnyaꞌa lanit ivavan ini, ovu ovi mnyaꞌa tahat ralan veka mtyuan susa dawan ilaꞌa, tevek nitdawan nanaꞌa roak wahabira ralan a. Ia wol ntahang nal ralan roak, tevek nkaꞌa roak ne, ni amar mamahin roak ma nwi-nwa tamata ra.”

Wahyu 12:9

Ira rvatuk roak niftaltolar dawan yai ovu ni sansinir ra ma rsuta rnaꞌa lanit ivavan a. Niftaltolar yai rfanara ia ne, Iblis te nitdawan i nlabir waweang tamata ra, ma rotu aꞌuk salasilan ra.

Wahyu 20:10

Ba rasba vatuk nitdawan i nsiklabir sian yai, ma nti nanaꞌa wan i yafu nonga lalawatan, tevek ngnea yai ntali belerang. Afwatan sian a ovu ni nabi siklabir a rnaꞌa vali wan yai, ma ira munuk veka rfarnuang wawaꞌuk i dawan urun a ovan ovu amar, nata ti wol ni wahan.

Wahyu 20:2

Ubu Ni sansinir yai ntaha lahir niftaltolar dawan i itrana roak ia yai ma nkeak ia. Niftaltolar yai, rfanara ia ne, Iblis te nitdawan. Ubu nkeak niftaltolar yai ovu kakeak tmaꞌan ma nasba vatuk ia naꞌa tivat matmatan i bilaman urun a, beti nkus teri tivat matmatan yai, ovu notu faneak ma al nfaturu ne, wol bisma rvadil. Ia nanaꞌa inyai, ti naran varat rivun isa, boma wol nlabir waweang roak tamata ovi rnaꞌa lanit ivavan ini. Ba ti naran varat rivun isa yai nbosal, beti rfatalik ia, naꞌuk ni amar ra wol mnanat roak.