1 Petrus 2:24 - Surat Ralan na'a Vaidida

²⁴ Yesus Kristus kaꞌi nvara dida salasilan ra naꞌa aa walwalur, boma salasilan wol nfareta roak ita, ma dida vavaꞌat ra rmalola. Ni mngala ra ovu laran a rotu roak ma lolin ita.

1 Petrus 2:24 ပူးပေါင်းရင်းမြစ်များ

Matius 27:26

Nata Pilatus nfatalik Barabas verin ira. Naꞌuk ia nfalak verin ni suldadu ra ma rasveva Yesus veki, beti nala Ia verin ira ma rbaku Ia naꞌa aa walwalur.

Matius 5:20

Ba ufalak verin mia ne, ralabira ra musti rmalola rahi dida dawan ovi rair Musa ni inukun ra, ovu tamata ovi rtali sidovung Farisi. Naꞌuk ne wahal, na wol wabira naꞌa Ubu Ni Fareta a.”

Matius 8:17

Afa ovi Yesus notu ra rfakena lahir Ubu Ni vaivatul ovi nabi Yesaya ntulis roak naꞌa Surat Ralan a ne, “Ia veka nvara dida wawaꞌuk ra, ovu notu ma lolin ita tali dida suhut ra.”

Markus 15:15

Pilatus inan ma nfakena watan ralarira ra, ba nfatalik Barabas verin ira. Nata nsinir ma Roma rira suldadu ra rasveva Yesus veki, beti nala Ia verin ira, ma veka rbaku Ia naꞌa aa walwalur.

Lukas 4:18

“Ubu Ni Roh a nleal Yaꞌa, ba wean inyai bi nfili Yaꞌa ma ufamalik Ni Ivar Lolin verin tamata ovi rira kasian ra. Ia nsinir Yaꞌa ma ufalak verin tamata ovi rkeak roak ira ne, rfatalik roak ira. Ia nsinir vali Yaꞌa ma otu ma tamata ovi rkibu ra rsirea ewal, ovu vali veka ufatalik tamata ovi tamata liak ra rwi-rwa ira.

Yohanes 1:29

Ni ilyan ana, Yohanes nsiꞌik Yesus nma ma ntuan ia, ba nfalak ne, “Eka msyiꞌik! Ubu Ni Domba Yanan i veka nmata al naꞌi vatuk tamata ovi rnaꞌa lanit ivavan a rira salasilan ra.

Yohanes 19:1

Pilatus nangrihi munuk verin tamata Yahudi ra, beti nsinir ni suldadu ra ma rasveva Yesus.

Kisah 10:35

naꞌuk naꞌa lanit ivavan a, Ia inan tamata iki watan i notu afa ovi lolin ra ovu nalang Ia, velik ne ntali bangsa inba watan.

Kisah 10:39

Did tinemun, ami ini amsiꞌik roak afa ovi Yesus notu ra naꞌa Yerusalem ovu naꞌa wan liak ovi tamata Yahudi ra rleal. Ti nata rfakloꞌi Ia naꞌa aa walwalur ma rfedan Ia.

Kisah 13:29

Ba rfakena munuk roak afa ovi lan a rfadoku naꞌa Surat Ralan a, beti rfasuka tenan a tali aa walwalur ma rfanuba Ia naꞌa van matmatan isa ralan.

Kisah 5:30

Mia fyakloꞌi Yesus naꞌa aa walwalur ma fyedan Ia. Naꞌuk Ubu i ubud-nusid ra baꞌi raraning a, notu ma Ia nvaꞌat ewal tali matmatan.

Roma 6:11

Ba mia musti minovak vali ne, isa roak mia ovu Kristus naꞌa Ni matmatan, ba salasilan wol nfareta roak mia. Minovak vali ne, byaꞌat boma myotu watan afa ovi rfaloling Ubu ralan a, tevek bira vavaꞌat isa roak ovu Kristus Yesus.

Roma 6:13

Deka myala eabir-limabira ra, te afa ovi rnaꞌa tenabira ra munuk ma salasilan nfareta mia, ma myotu afa ovi sian ra. Naꞌuk myala tenabira ra verin Ubu, tevek matmatan wol nfareta roak mia, ovu fiang ini bira vali vavaꞌat ngorvaꞌan. Myala tenabira ra munuk lahir verin Ubu, boma myotu watan afa ovi kena ra, ovu wean lahir Ubu ralan nfalak a.

Roma 6:16

Mia mkyaꞌa roak ne, wean i mtyorung ma myot-orang afa ovi tamata isa nfalak, na mia myeluk tamata sansinir verin tamata yai. Wean i baꞌi myotu salasilan, na inyai nfaturu ne, salasilan nfareta roak mia, wean tamata isa nfareta ni tamata sansinir. Ba wean inyai, na veka myata kakiwal. Naꞌuk wean i myot-orang afa ovi Ubu nfalak ra, na mia veka myeluk tamata ovi rira vavaꞌat ra rmalola.

Roma 6:2

Tfalak wean inyai, na wol kena lahir! Ba bisma tfalak ne, ita wean i tmata roak ovu Kristus ma salasilan wol nfareta roak ita. Ba wean inbinimi naꞌa dida vavaꞌat ra, na baꞌi totu watan salasilan ra?

Roma 6:22

Naꞌuk fiang ini, Ubu nfatalik roak mia tali salasilan, ba salasilan wol nfareta roak mia, ovu myeluk roak tamata sansinir verin Ia. Utubira, tevek myala munuk roak bira vavaꞌat ra verin Ubu ma nfamerat mia, ba veka bira vavaꞌat kakiwal.

Roma 6:7

Tevek wean i tamata isa nmata roak, na salasilan a wol nfareta roak ia.

Roma 7:6

Naꞌuk fiang ini Musa ni inukun ra wol rkeak roak ita, tevek ita wead i tmata roak ma wol tot-orang inukun avyai. Ba fiang ini ita wol tsoak roak verin Musa ni inukun ra, naꞌuk tsoak verin Ubu ovu dida vavaꞌat ngorvaꞌan i Ubu Ni Roh a nfaturu verin ita.

1 Korintus 15:3

Afa ovi ufamalik lan roak verin mia yai, Ivar i Ubu nala roak verin yaꞌa. Ivar yai lolin lia munuk, wean lahir i rtulis roak naꞌa Surat Ralan ne, Kristus nmata roak, tevek dida salasilan ra.

2 Korintus 6:17

Wean inyai, bi fyaroa mia tali tamata ovi wol rkaꞌa Ubu, ovu mdyir-talik ira. Deka mkyena lahir tamata avyai rira afa ovi ngra-ngrodi ra, boma ala mia ma myeluk Ning tamata ovi rorang Yaꞌa.

Galatia 3:13

Kristus nmata roak ma al nakvanak ita tali Ubu Ni inukun i near nfasoba ita. Kristus ntorung ma Ubu near nfasoba Ia, tevek dida salasilan ra. Ira rtulis roak naꞌa Surat Ralan ne, “Ubu near nfasoba roak tamata ovi rfakloꞌi ira ma rmata naꞌa aa.”

Efesus 5:9

Ba wean i bira vavaꞌat ra rnaꞌa watan lyawan ralan, na mia veka myot-nala munuk afa ovi kena ra, afa ovi rmalola ra ovu afa ovi lolin ra naꞌa Ubu wahan ralan a.

Kolose 2:14

Ubu naꞌi vatuk roak dida utan ovi ntulis naꞌa Ni buku inukun i nfadoku dida salasilan ra. Naꞌut i rbaku Kristus naꞌa aa walwalur a, na Ubu naꞌi vatuk roak afa ovi totu ma musti nukun ita yai.

Kolose 2:20

Terang a valing averi, mia myorang roak Kristus ma bira vavaꞌat isa roak ovu Ia, ba wean i myata roak ovu Ia. Ia nfatalik mia tali adat ovu inukun ovi rnaꞌa lanit ivavan ini. Ba afakinimi myorang tamata ovi lanit ivavan ini nkeak rira fikiran ra obin? Afakinimi myorang rira fikiran ra te rira adat ra naꞌa afa rivun,

Kolose 3:3

Mia wean i myata roak ovu Yesus Kristus, ba bira vavaꞌat mnanat i naꞌa lanit i vavan a, nlia nmamu munuk roak. Fiang ini, bira vavaꞌat ngorvaꞌan roak ovu Kristus naꞌa Ubu wahan ralan a. Tamata ovi wol rkaꞌa Ubu, wol rfan-aran bira vavaꞌat ngorvaꞌan ini.

Ibrani 10:10

Yesus Kristus not-orang roak afa i Ubu ralan a nfalak a, ma nala tenan a ma nmata fasa watan ma neluk korban. Tali Ni matmatan a, na nfamerat ita tali dida salasilan ra, nata ti wol ni wahan.

Ibrani 10:5

Wean inyai bi, naꞌut i Yesus Kristus nma lanit ivavan ini, na nfalak verin Ubu ne, “Ubu, Oa wol inam lahir afwatan ovi tamata rala ma reluk rira korban, ovu afa liak ovi tamata ra rala ma reluk rira persembahan verin Oa. Naꞌuk Oa mususan tenang a ma neluk korban verin Oa.

Ibrani 12:13

Byana watan naꞌa lingaꞌan ovi manesan ovu rmalola ra, boma tamata ovi rorang mia, velik ne earira ra rsekat, naꞌuk wol rasvotun, ovu earira ra veka lolin lahir.

Ibrani 7:26

Yesus Ni vavaꞌat a lolin urun, ba inovan ma neluk Mela Falurut Ilaꞌa verin ita. Ia Ni vavaꞌat a nmerat urun, wol notu afa sala, ovu wol Ni salasilan. Ia Ni vavaꞌat a naling ia tali tamata salasilan ra, ovu vali Ubu nala Ia ma nrata roak lanit ratan ma naꞌa wan i karatat lia munuk.

Ibrani 9:28

Kristus wean vali inyai. Ia nala tenan a ma nmata fasa watan ma naꞌi vatuk tamata rivun rira salasilan ra. Ia veka nma ewal, naꞌuk wol mane nmata ma ntevut dida salasilan ra. Ia veka nma verin tamata ovi rnaban Ia, ma nsikat ira tali rira salasilan ra, ma rira vavaꞌat kakiwal.

Yakobus 5:16

Ba mia kaꞌi mtyorung ma fyalak bira salasilan ra ovu isa naflurut verin isa, boma lolin mia. Tamata ovi rira vavaꞌat ra rmalola, wean i raflurut, na rira falurut yai ni ngrebat a dawan urun.

1 Yohanes 2:29

Mia mkyaꞌa roak ne, Kristus Ni vavaꞌat nmalola. Ba mkyaꞌa vali ne, tamata iki watan ni afa ovi notu ra baꞌi nfaturu ne, ni vavaꞌat nmalola, na Ubu yanan vali ia.

1 Yohanes 3:7

Yanak averi, msyiꞌik wabira ma lolin, boma tamata ra deka rweang nala mia. Tamata ovi rot-orang afa ovi Ubu ralan nfalak ra, na rira vavaꞌat ra rmalola, wean lahir Yesus.

Wahyu 22:2

Oar yai nava oli lingaꞌan i naꞌa kota yai ralan a. Aa i nvua vavaꞌat a, ndiri oar yai ni lihir mela ovu balit a. Aa yai vuan nala favutu rahin irua naꞌa varat isa, ba lokat vulan, na vuan fasa. Tamata ovi rtali lanit ivavan munuk rala aa yai roan ra ma al rotu ma lolin ewal ira tali rira suhut ra.