1 Korintus 9:20 - Surat Ralan na'a Vaidida

²⁰ Naꞌa Yahudi waharira ralan ra, na ning vavaꞌat a wean lahir tamata Yahudi ra. Otu wean inyai, boma bis utung tamata Yahudi rivun ma rorang Kristus. Wean i unaꞌa tamata ovi rorang aꞌuk Musa ni inukun ra, na ot-orang vali wean ira, velik ne yaꞌa wol usoak roak nulu Musa Ni inukun ra. Yaꞌa otu wean inyai, boma bis utung ira ma rorang Kristus.

1 Korintus 9:20 ပူးပေါင်းရင်းမြစ်များ

Kisah 16:3

Paulus inan ma Timotius novu vali ma irmunuk, ba rsunat ia, tevek Yahudi ovi rnaꞌa wan yai rkaꞌa ne, Timotius yaman ntali Yunani.

Kisah 18:18

Paulus mnanat vali ia naꞌa Korintus, beti nti talik tamata ovi rorang Yesus naꞌa inyai. Irmunuk Priskila ovu Akwila rti kota isa naran Kengkrea, ma Paulus nacukur lahir ni vut ma nfaturu ne, nfakena roak ni tnorung verin Ubu. Nata rarata kabal lar ma robal rti propinsi Siria.

Roma 11:14

Otu wean inyai, na snain ot-nala ma ning tamata Yahudi ra inar urun kalolin ovi mia, tamata ovi wol Yahudi ra bira roak, tevek Ubu notu ma bira vavaꞌat ra rmalola. Inak ma tamata Yahudi rsiꞌik kalolin i myala roak yai, boma boku tali ira inar ma rorang vali Duilaꞌa Yesus, wean lahir mia. Wean i rorang Ia, na Ubu veka nsikat ira tali rira salasilan ra, ma rira vavaꞌat kakiwal.

Roma 3:19

Ba ita tkaꞌa ne, Ubu nfalak lahir vaivatul avyai naꞌa Musa ni inukun ra verin tamata Yahudi ra, ma rasusan rira vavaꞌat ra tali inukun avyai. Wean inyai, na wol tamata isa vali naꞌa lanit ivavan ini bisma ndava ni lola, ma Ubu deka nukun ia.

Galatia 2:19

Lan ana orang Musa ni inukun ra, naꞌuk inukun avyai wol rotu ma ning vavaꞌat a malinan ewal ovu Ubu. Ba wol orang Musa ni inukun ra, tevek inyai wean i umata roak naꞌa inukun avyai, boma uvaꞌat verin Ubu ma ot-orang afa ovi ralan nfalak ra. Fiang ini yaꞌa wean i umata ovu Yesus Kristus naꞌa aa walwalur.

Galatia 4:21

Terang a valing averi, tali bir tinemun, na boku mane myot-orang Musa ni inukun ra munuk, naꞌuk fyan-aran inukun avyai ihirira ra te wahal?

Galatia 4:5

Ia nma ma nfatalik ita tali Musa ni inukun ra, boma Ubu nala vali ita ma teluk yanan ra.

Galatia 5:18

Naꞌuk wean i Ubu Ni Roh nfareta mia, na wol msyoak roak nulu Musa ni inukun ra.