1 Korintus 9:13 - Surat Ralan na'a Vaidida

¹³ Terang a valing averi! Mia mkyaꞌa roak ne, tamata ovi rkarya naꞌa Yahudi rira Rahan Dawan Falurut, ira vali rafnaꞌan-rafnenu tali rira karya yai. Tamata ovi rasusan wan i baꞌi rasnuri dida korban ra verin Ubu naꞌa, ira rala vali rira wahat kedan a naꞌa inyai.

1 Korintus 9:13 ပူးပေါင်းရင်းမြစ်များ

Roma 6:16

Mia mkyaꞌa roak ne, wean i mtyorung ma myot-orang afa ovi tamata isa nfalak, na mia myeluk tamata sansinir verin tamata yai. Wean i baꞌi myotu salasilan, na inyai nfaturu ne, salasilan nfareta roak mia, wean tamata isa nfareta ni tamata sansinir. Ba wean inyai, na veka myata kakiwal. Naꞌuk wean i myot-orang afa ovi Ubu nfalak ra, na mia veka myeluk tamata ovi rira vavaꞌat ra rmalola.

1 Korintus 10:18

Eka minovak naꞌa bangsa Israel ra. Ira raꞌan afwatan ihin ovi tamata ra rala ma reluk rira korban verin Ubu. Afa avyai tamata ra rfadoku roak naꞌa wan i ba'i rasnuri rira korban ra verin Ubu. Ira rotu wean inyai, boma isa roak ira ovu wan yai.

1 Korintus 9:24

Mia mkyaꞌa roak ne, wean i tafla silalia, na tamata ovi rovu ma rafla, musti rafla munuk lahir, naꞌuk tamata isa watan veka ni rangrangwaha. Ba wean inyai, na mkyiwal ma mifla urun ia, boma myala rangrangwaha.