1 Korintus 7:7 - Surat Ralan na'a Vaidida

⁷ Ni lolin a, wean i tamata ra munuk wearira yaꞌa ma wol rsifa. Naꞌuk Ubu nala roak yabi lokat tamata, ba dida yabi ra rsialing ira.

1 Korintus 7:7 ပူးပေါင်းရင်းမြစ်များ

Kisah 26:29

Paulus nfalak ne, “Asngaꞌut te mnanat, uflurut verin Ubu, boma oa ovu bir tinemun i fiang ini mryenar afa ovi ufalak ini, weabira vali yaꞌa, naꞌuk deka rdadul mia ovu dadadul tmaꞌan wean yaꞌa.”

Roma 12:6

Yabi ovi Ubu nala verin ita rsialing ira, wean lahir Ni rala lolin i nala verin ita. Ita musti tala dida yabi ovi Ia nala roak lokat ita ma al tlobang tamata ra. Wean i Ubu nala yabi verin tamata isa ma nrenar lahir tali Ubu ma ti nfamalik Ni vaivatul ra verin tamata liak ra, ni lolin a nfamalik orang lahir Ubu Ni vaivatul ovi nala roak verin ia, ma wean lahir ni inorang a.

1 Korintus 12:11

Naꞌuk Ubu Ni Roh ikisa watan, ovu kaꞌi notu munuk afa avyai. Ni Roh a nala yabi verin lokat tamata ma rira yabi ra rsialing ira, wean i Ni Roh a nfadoku roak a.

1 Korintus 12:4

Yabi ovi Ubu Ni Roh nala verin ita rsialing ira, naꞌuk rtali Roh isa watan, inyai Ubu Ni Roh.

1 Korintus 7:8

Naꞌuk tamata ovi wol msyifa ra ovu vata varu ra, eka mryenar ma lolin ning snurak ini: ni lolin a deka msyifa kikyai, ma weabira watan yaꞌa.

1 Korintus 9:15

Naꞌuk yaꞌa wol mane otu lahir fasa vali afa avyai. Yaꞌa wol mane utulis surat ini, boma myotu wean inyai verin yaꞌa. Wean i tamata ra rotu teri ning ininan i notu ma ralang a dawan urun a, na ni lolin a umata.

1 Korintus 9:5

Inovan ma awamami ovi rorang roak Kristus, rorang vali ami naꞌa mami banbanan ra ma amfabana mami karya a. Rasul liak ra, ovu Duilaꞌa Yesus warin ra, ovu vali Petrus rotu roak wean inyai.