1 Korintus 4:4 - Surat Ralan na'a Vaidida

⁴ Ufikir naꞌa ralang a ne, wol ning sala akataka naꞌa karya i Ubu nala roak verin yaꞌa ini. Naꞌuk afa yai wol mane nfaturu ne, wol ning sala. Duilaꞌa saꞌi nfadoku ne, ning karya verin Ia yai, kena te sala.

1 Korintus 4:4 ပူးပေါင်းရင်းမြစ်များ

Yohanes 21:17

Yesus norat ewal ia ma fatelu roak ne, “Simon, Yohanes yanan oa. Oa mlobang Yaꞌa?” Petrus ralan lalau, tevek Yesus norat fatelu ia roak ne, “Oa mlobang Yaꞌa?” Ba Petrus nfalak ne, “Duilaꞌa, Oa mkaꞌa munuk afakataka. Oa mkaꞌa ne, yaꞌa ulobang Oa.” Yesus nfalak verin ia ne, “Fwaꞌan ma lolin Ning domba ra.

Kisah 23:1

Paulus nsiꞌik nanuang tamata ovi rdoku naꞌa Yahudi rira sidovung dawan yai ma nfalak ne, “Terang a valing averi! Ralang ilaꞌa lolin watan naꞌa afa ovi otu ra verin Ubu, ma naran amar ini.”

Roma 2:13

Tamata ra rira vavaꞌat ra wol rmalola naꞌa Ubu wahan ralan, wean i rarenar watan Musa ni inukun ra. Naꞌuk Ia ntorung ma tamata ovi rot-orang Musa ni inukun avyai, rira vavaꞌat ra rmalola naꞌa wahan ralan a.

Roma 4:2

Wean i Ubu ntorung ma nala Abraham wean tamata i ni vavaꞌat nmalola tali afa ovi notu ra, na ni lola roak ma nfakaratat tenan a. Naꞌuk wol bisma notu wean inyai naꞌa Ubu wahan ralan a.

1 Korintus 4:3

Naꞌuk verin yaꞌa, velik ne mia kaꞌi fyaleka inukun verin yaꞌa, te myala yaꞌa ti udiri tamata i baꞌi nfaleka inukun verin tamata ra wahan ralan a ma al mdyava ning sala a, na ralang a wol sian naꞌa afa avyai. Yaꞌa vali wol mane kaꞌi ufaleka inukun verin yaꞌa tali karya i otu ra verin Ubu.

1 Korintus 4:5

Ba terang a valing averi, deka fyamalik tamata liak rira karya ra ne, lolin te sian. Mnyaban ma Duilaꞌa nma ewal. Ia veka nfavotuk afa fanfonak ovi rnaꞌa ngarmeran ralan a, ovu vali Ia veka nfalyawang afa fanfonak ovi tamata ra ranovak naꞌa ralarira ra. Amar yai vali, na Ubu veka nraning tamata ra lokat ira, ma inovan ovu afa ovi rotu ra.

2 Korintus 1:12

Ami ralamami dawan naꞌa afa ini: ralamami ilaꞌa ra rfalyawang roak ne, afa ovi lokat amar amotu roak verin mia rmerat urun, wean lahir afa ovi Ubu ntorung roak a. Afa ovi amotu ra wol rtali tamata rira fikiran ra, naꞌuk amotu ovu ralamami urun, tevek rtali lahir Ubu Ni rala lolin a. Amotu wean inyai verin mia ovu vali verin tamata liak ra munuk.

2 Korintus 5:10

Ita munuk veka ti tdiri Kristus wahan ralan a ma nfaleka inukun verin ita. Ba lokat ita veka tatuan afa ovi inovan ovu afa lolin te afa sian ovi totu ra.