1 Korintus 4:15 - Surat Ralan na'a Vaidida

¹⁵ Ba velik ne tamata rivun vutu reluk tuan guru ma rair Kristus verin mia, naꞌuk yaꞌa saꞌi eluk yamabira, tevek ufalyawang lan Yesus Kristus Ni Ivar Lolin a verin mia ovu myorang Ia.

1 Korintus 4:15 ပူးပေါင်းရင်းမြစ်များ

Roma 15:20

Inak urun ma ufamalik Ivar Lolin yai naꞌa wan ovi tamata ra wol rkaꞌa Kristus obin, boma deka rfalak ne, ufabana watan karya ovi tamata ra rotu lan roak, wean tamata i nfadiri rahan naꞌa tamata liak ni fanderen.

1 Korintus 1:30

Naꞌuk Ubu kaꞌi notu watan ma isa roak mia ovu Kristus Yesus. Tali Ia, na ita tkaꞌa Ubu Ni kakaꞌa dawan a ovu Kristus nfamerat ita, ovu notu vali ma ita bisma lolin ewal ovu Ubu, ovu vali nfatalik ita tali afa ovi sian ra.

1 Korintus 15:1

Terang a valing averi, fiang ini yaꞌa mane ufangnanang ewal mia naꞌa Ubu Ni Ivar Lolin. Ivar Lolin yai ufalyawang roak verin mia, ma mryenar roak ovu myorang urun Kristus.

1 Korintus 3:10

Ubu nala yabi verin yaꞌa ma ufamalik lan Yesus Kristus verin mia. Ning karya yai wean tamata i ni kakaꞌa dawan ma notu rahan, na nfadoku lan fanderen a. Tamata ovi rair mia, ira wearira tamata ovi rfadiri rahan naꞌa fanderen i otu roak yai ratan a. Naꞌuk tamata ovi rfadiri rahan yai lokat ira musti rsiꞌik ma lolin rira karya ra naꞌa fanderen yai.

1 Korintus 3:6

Naꞌa Ubu Ni vaꞌi ralan a, na yaꞌa, Paulus, ufamalik Yesus Kristus Ni vaivatul ra, wean tamata ovi rotu rira vaꞌi ma ravuri-rava nabat ra. Apolos nair mia ma bira inorang nmela, wean tamata ovi rala wear ma rtitik nabat ra. Naꞌuk Ubu saꞌi nkarya naꞌa ralabira ra, wean i notu ma nabat avyai rarubu.

1 Korintus 3:8

Tamata i navuri-nava nabat ra, ovu tamata i nala wear ma ntitik nabat ra, irua wear isa watan. Ubu veka naval rira rala lolin ra lokat ira ma inovan ovu afa ovi rotu ra.

1 Korintus 9:12

Wean i tamata liak bis watan ma rera afa tali mia, na ami wol bisma amera ma nlia tali ira? Naꞌuk ami wol amotu wean inyai. Ami kaꞌi amvara watan afa avyai, boma deka reluk angangal verin ami ma amfamalik Ubu Ni Ivar Lolin i nfamalik Kristus.

1 Korintus 9:14

Wean vali inyai, Duilaꞌa nfadoku roak ne, tamata ovi rfamalik Ni Ivar Lolin a, ira musti rvaꞌat vali tali rira karya yai.

1 Korintus 9:16

Ba wean i ufamalik Ubu Ni Ivar Lolin a, na yaꞌa wol bisma ralang dawan naꞌa afa ovi otu ra, tevek Ubu nsinir yaꞌa ma musti otu wean inyai. Sian urun i lahir verin yaꞌa, wean i wol ufamalik Ni Ivar Lolin a.

1 Korintus 9:18

Ba wean inyai, na yaꞌa veka utung aka? Inovan ma era kadi tali tamata ovi rarenar Ubu Ni Ivar Lolin i ufamalik, naꞌuk wol otu wean inyai. Yaꞌa utung a nanaꞌa i ufamalik Ni Ivar Lolin a watan ovu tamata ra wol rala kubang verin yaꞌa naꞌa afa i otu a.

1 Korintus 9:23

Yaꞌa otu munuk wean inyai, ba tamata ra rtafal ma rorang Ubu Ni Ivar Lolin i nfamalik Yesus, boma Ia nala ning wahat a tali Ni kalolin a vali.

2 Korintus 4:5

Ami wol kaꞌi amfamalik tenamami ra. Naꞌuk amfalak ne, Yesus Kristus yai dida Duilaꞌa verin Ia, ovu ami ameluk tamata sansinir verin mia, tevek Yesus ralan a nfalak ma amotu wean inyai.

Galatia 3:24

Ba Musa ni inukun ra wean i rbelat teri roak ita, ti naran amar i Kristus nma roak, ma Ubu ntorung ma nala ita wean tamata ovi rira vavaꞌat ra rmalola, tevek torang Yesus.

Galatia 3:25

Fiang ini torang roak Yesus Kristus, ba Musa ni inukun ra wol rbelat teri roak ita.

Galatia 4:19

Yanak averi, ulobang mia. Ralang nwaꞌuk urun tevek mia, ba wawaꞌuk i ufarnuang ini wean lahir wawaꞌuk i vata ra rfarnuang naꞌut i mane rarali ira. Yaꞌa veka utuan susa lalawatan, nata ti naran i bira vavaꞌat a wean Kristus Ni vavaꞌat a.

2 Timotius 4:3

Tevek naran ni amar ana, tamata ra veka rafena ma rarenar tamata ovi rair afa ovi kena ra, naꞌuk veka rorang watan afa ovi inar ra. Ira veka rasdovu guru rivun ma rair afa ovi inar ma rarenar a.

Titus 1:4

Titus, yaꞌa ala oa ma meluk yanak lalean, tevek itrua torang roak Yesus Kristus. Fara Yamadida Ubilaꞌa ovu Yesus Kristus i nsikat ita tali dida salasilan ra, ma dida vavaꞌat kakiwal, nala Ni rala lolin a verin oa, ma mu vavaꞌat malinan watan.

Filemon 1:19

Yaꞌa Paulus kaꞌi ususan surat ini. Wean i Onesimus ni utan naꞌa oa, na veka ubahir munuk. Naꞌuk deka mublufang vali ne, oa mu utan naꞌa yaꞌa, tevek ulobang roak oa ma morang Yesus.

Yakobus 1:18

Ubu ralan a nfalak ma nala Ni Ivar Lolin a verin ita, boma nfavaꞌat ita ovu vavaꞌat ngorvaꞌan a. Ia notu wean inyai ma ita tlia munuk tali afa ovi notu roak.

1 Petrus 1:23

Mia musti msyilobang mia, tevek Ubu notu ma bira vavaꞌat ra ngorvaꞌan ewal. Bira vavaꞌat ngorvaꞌan yai wol ntali tamata ovi rnaꞌa lanit ivavan ini ma veka rmata, naꞌuk ntali Ia i wol nmat-nala. Myala vavaꞌat ngorvaꞌan yai, tevek myorang Ubu Ni vaivatul ovi rala vavaꞌat, ovu rnaꞌa lalawatan.