1 Korintus 4:11 - Surat Ralan na'a Vaidida

¹¹ Ami mami kadaravit ra viar watan, ovu tamata ra baꞌi rvaval ami. Ami wol mami rahan ma amleal ovu wol afamtahan ma amaꞌan, ovu vali wol wear ma amenu. Ami wol mami afa avyai munuk ma naran amar ini.

1 Korintus 4:11 ပူးပေါင်းရင်းမြစ်များ

Matius 8:20

Yesus nfalak verin ia ne, “Serigala ra warira ma rnaꞌa, ovu manut nangan ra rira renga, naꞌuk Yaꞌa, Tamata Yanan Yaꞌa, wol wang ma uyari Yaꞌa.”

Kisah 14:19

Nata Yahudi boku rtali Antiokhia ovu Ikonium rma Listra, ma rweang tamata rivun naꞌa inyai ma rteva Paulus, beti rving soli-sasan ia ma rti kota murin. Ira rnarin ne, Paulus nmata roak.

Kisah 16:23

Rvaval ma dawan roak ira, beti rovun ira ma ti rvatuk ira naꞌa buꞌi ralan. Nata rfareta tamata dawan i nfareta buꞌi ma nsiꞌik ma lolin ira.

Kisah 23:2

Nangrihi munuk wean inyai, na Yahudi rira Mela Falurut Ilaꞌa i naran Ananias nfareta lahir ma tamata ovi rdir-ebang ia rfari sumarn.

Roma 8:35

Wol tamata isa vali nangal nala Kristus Ni silobang a verin ita. Velik ne tatuan susa dawan, tamata ra rwi-rwa ita, lafar dawan kena ita, dida kadaravit wol naran ma tung a teluk ita, rworuk-rwak te rfedan ita, na afa avyai munuk wol rangal nala Kristus Ni silobang a verin ita.

1 Korintus 9:4

Inovan ma ami tamata ovi amfabana Duilaꞌa Ni karya a, amala fanaꞌan-fanenu tali mami karya yai.

2 Korintus 11:20

Mia mtyahang ralabira watan ma tamata ra rotu mia wean tamata sansinir ra, ovu rfaruki mia, ovu vali rfareta tia ma watan mia. Mia mtyahang vali ralabira ma tamata ra rfakaratat tenarira ra ma rfamaꞌit mia, ovu rtafitil wahabira ra.

2 Korintus 4:8

Ami amtuan sian afaka watan, naꞌuk afa avyai wol rotu teri nala ami ma wol amfabana karya ini. Ami wol amkaꞌa roak ne veka amotu aka, naꞌuk amfakloꞌi aꞌuk mami vavaꞌat ra verin Ubu.

Filipi 4:12

Utuan afa rivun roak, ba wean i wol ning akataka te ning vali, ublafar te wol ublafar, yaꞌa wol ukamlabir naꞌa afakataka, tevek usahak roak ma ralang a malinan watan.

2 Timotius 3:11

Oa msiꞌik roak ne tamata ra rwi-rwa yaꞌa, ovu ning susa ra. Ira rotu afa ovi naꞌa kota Antiokhia, kota Ikonium ovu kota Listra. Tamata ra rotu sian urun yaꞌa, naꞌuk Duilaꞌa novun yaꞌa ma wol akataka.