1 Korintus 2:8 - Surat Ralan na'a Vaidida

⁸ Tali tamata ovi rban-ulu verin tamata ra naꞌa lanit ivavan ini, na wol tamata isa vali nkaꞌa kakaꞌa dawan yai. Ubu nfadoku roak afa yai naꞌa Yesus. Wean i afa yai lyawan roak verin ira, na wol rfedan Duilaꞌa i baꞌi raraning Ia, naꞌa aa walwalur a.

1 Korintus 2:8 ပူးပေါင်းရင်းမြစ်များ

Matius 11:25

Nata Yesus naflurut ma nfalak ne, “Duilaꞌa, Yamang Oa! Oa fwareta lanit ratan ovu lanit ivavan a! Ufalak fara weninyai verin Oa, tevek wol fwalyawang munuk afa avyai verin tamata ovi rira kakaꞌa dawan a, ovu tamata ovi rbitar ra. Naꞌuk Oa fwalyawang verin tamata ovi kaꞌi rfikir ne, ira wearira kasikoꞌu ra.

Matius 13:22

Nabat ovi rleka naꞌa kadkadir ralan, ira wearira tamata ovi rarenar Ubu Ni vaivatul ra, naꞌuk ralarira ra raruan naꞌa afa rivun, ma inar ma rira metan rivun. Ba Ubu Ni vaivatul ra wol wan roak naꞌa ralarira ra, ma rira vavaꞌat ra wol vuarira.

Lukas 23:34

Yesus nfalak ne, “Bapa, maꞌi vatuk rira salasilan yai, tevek wol rkaꞌa afa i rotu a.” Rotu munuk wean inyai, beti rotu undi ma rtanang Ni kadaravit ra.]

Yohanes 16:3

Rotu wean inyai, tevek wol rkaꞌa Yamang a ovu wol rkaꞌa vali Yaꞌa.

Yohanes 7:48

Mia mryenar ne, tamata isa tali dawan Yahudi ra te tamata Farisi ra rorang Ia?

Yohanes 8:19

Ba ira rfalak verin Ia ne, “Yamam a nanaꞌa ba?” Yesus nfalak ne, “Mia wol mkyaꞌa Yaꞌa ovu vali wol mkyaꞌa Yamang a. Wean i mkyaꞌa Yaꞌa, na mia veka mkyaꞌa vali Yamang a.”

Kisah 13:27

Tamata Yahudi ovi rnaꞌa Yerusalem ovu rira dawan ra wol rkaꞌa ne, Yesus yai Tamata i nabi ra rfamalik lan roak. Lokat amar i ryari ira, na rbas vaivatul ra tali nabi ra, naꞌuk wol rfan-aran. Ira rukun Yesus ma nmata, ba rfakena vaivatul avyai.

Kisah 7:2

Stefanus nfalak ne, “Terang a valing ovu yamang averi, eka mryenar! Ubud-nusid Abraham wol nleal ahu Haran obin, na nleal wan dawan isa naran Mesopotamia. Naꞌut inyai, na Ubu i saꞌi dawan Ia nfavotuk Ia verin Abraham.

1 Korintus 1:20

Ba wean inba ovu tamata batbitar ra, ovu tamata ovi rira kakaꞌa dawan a, dawan ovi rair Ubu Ni inukun ra, ovu vali tamata ovi rkaꞌa rangrihi ma uturira tamata liak rira fikiran ra? Ubu nfaturu roak ne, tamata ovi wol rorang Ia rira kakaꞌa yai wol fyawan akataka.

1 Korintus 2:6

Wean i amfamalik Ubu Ni vaivatul ra verin tamata ovi rira inorang nangrebat roak verin Yesus, na amfamalik ovu kakaꞌa dawan ntali Ia. Naꞌuk, mami afa ovi amanovak ra wol rtali lanit ivavan ini, te wol rtali dawan ovi fiang ini rnaꞌa obin, tevek amar isa, na ira veka rmamu munuk.

2 Korintus 3:14

Tamata Israel ra wean i rkum-teri rira fikiran ra ovu maloli ma rasmotak obin, nata ma naran amar ini, tevek wean i rbas Ubu Ni tnorung mnanat a, na wol rfan-aran. Kristus aꞌuk saꞌi bisma naling vatuk afa i wean maloli yai, wean i tamata ra rira vavaꞌat isa ovu Ia.

Efesus 1:17

Uflurut verin Yamadida Ubilaꞌa i Ni dawan ovu Ni ngrebat a nlia munuk. Dida Duilaꞌa Yesus Kristus nfadawang vali Ia. Era ma Ubu Ni Roh veka nala kakaꞌa dawan verin mia, boma mtyafal ma mkyaꞌa Ubu.

Efesus 4:18

Rira fikiran ra ngarmeran watan, ovu rafena ma rkaꞌa vavaꞌat i Ubu nala verin tamata ovi rorang Ia. Tamata avyai ralarira rasmotak roak, tevek rafena ma rarenar Ubu Ni afa ovi nfalak ra.

1 Timotius 1:13

velik ne lalan ana, ufalak sian ovu ungrihi visal-vasil Ia, ovu vali uwi-uwa tamata ovi rorang Ia. Naꞌuk Ia nfaturu Ni silobang verin yaꞌa, tevek naꞌut inyai wol orang Ia obin, ba wol ukaꞌa afa ovi otu ra.

Yakobus 2:1

Terang a valing averi, mia myorang roak Duilaꞌa Yesus Kristus i baꞌi tfadawang Ia. Ba deka fyakaratat tenabira ra ma myalang aꞌuk tamata boku, naꞌuk boku wahal.