1 Korintus 2:12 - Surat Ralan na'a Vaidida

¹² Naꞌuk Ubu nala Ni Roh verin ami. Wean inyai bi, ami wol amorang kakaꞌa ovi rtali lanit ivavan a. Wean vali inyai bi, ami bisma amkaꞌa munuk afa ovi Ubu nala roak verin ami.

1 Korintus 2:12 ပူးပေါင်းရင်းမြစ်များ

Roma 8:1

Fiang ini Ubu wol nukun roak tamata ovi rira vavaꞌat isa roak ovu Kristus Yesus,

Roma 8:32

Ubu wol nfalak teri ma Yanan a deka ntuan sian a, naꞌuk Ia ntorung ma nala Yanan a ma tamata ra rfedan Ia. Ba Ia nala roak Yanan verin ita ovu tkaꞌa ne, veka nala vali afakataka munuk verin ita.

1 Korintus 1:27

Naꞌuk Ubu nfili tamata ovi lanit ivavan a nfalak ira ne, rboda, boma nfamaꞌit tamata ovi rira kakaꞌa dawan ra. Ia nfili vali tamata ovi tamata liak ra rfalak ne wol fyawarira, boma nfamaꞌit tamata ovi tamata ra baꞌi rsoak nulu ira.

1 Korintus 2:6

Wean i amfamalik Ubu Ni vaivatul ra verin tamata ovi rira inorang nangrebat roak verin Yesus, na amfamalik ovu kakaꞌa dawan ntali Ia. Naꞌuk, mami afa ovi amanovak ra wol rtali lanit ivavan ini, te wol rtali dawan ovi fiang ini rnaꞌa obin, tevek amar isa, na ira veka rmamu munuk.

1 Korintus 3:22

Ubu nera yaꞌa, Apolos ovu Petrus ma amlobang mia, ba mia bira vali ami. Lanit ivavan ini ovu bira vavaꞌat ra, ovu bira matmatan ra, amar ini ovu amar ovi veka rma ini, Ubu nfadoku munuk roak afa avyai verin mia.

2 Korintus 4:4

Nitdawan nlabir nala roak rira fikiran ra, ba wol rsiꞌik lahir lyawan i ntali Ivar Lolin. Ivar yai nfamalik Kristus vanan i nfitik nyadat a. Kristus wean lahir Ubu felan a.

Efesus 2:2

Naꞌut inyai, na mia myot-orang watan afa sian ovi rtali tamata ovi wol rkaꞌa Ubu, rira afa ovi rotu ra. Bira vavaꞌat i wean inyai nfaturu ne, myorang nitdawan i nfareta nait sian ovi rnaꞌa lanit. Nitdawan yai, fiang ini nkarya naꞌa tamata ovi rangal Ubu, ralarira ra.

Yakobus 4:5

Mia deka minovak ne, afa ovi Ubu nfalak naꞌa Ni Surat Ralan a wol ihin. Ubu Ni Roh nleal lahir raladida ra, ba inan urun ma torang aꞌuk Ia, ma wol tot-orang afa ovi rnaꞌa lanit ivavan ini.

1 Yohanes 2:20

Naꞌuk Kristus nala roak Ubu Ni Roh a verin mia, boma fyan-aran munuk afa mngaꞌun ovi nair ra.

1 Yohanes 2:27

Naꞌuk Kristus nala roak Ubu Ni Roh a verin mia ma nleal lahir ralabira ra. Ba wean inyai, na deka myera tamata ra ma rair mia, tevek Ubu Ni Roh a nair mia naꞌa afaka watan. Ni afa ovi nair ra kena munuk, ba Ia wol nsiklabir naꞌa afaka watan. Ba myot-orang afa ovi nair roak verin mia yai, ovu vali fara bira vavaꞌat isa lalawatan ovu Kristus.

Wahyu 12:9

Ira rvatuk roak niftaltolar dawan yai ovu ni sansinir ra ma rsuta rnaꞌa lanit ivavan a. Niftaltolar yai rfanara ia ne, Iblis te nitdawan i nlabir waweang tamata ra, ma rotu aꞌuk salasilan ra.

Wahyu 22:6

Ubu Ni sansinir tali lanit ratan yai nfalak ewal verin yaꞌa ne, “Vaivatul ini kena, ovu bisma myorang lahir. Ubu nala Ni Roh verin nabi ra, ma nsinir Ni sansinir ntali lanit ratan nma ma nfaturu verin Ni tamata sansinir ra naꞌa afa ovi veka rvotuk lahir a.”