1 Korintus 15:57 - Surat Ralan na'a Vaidida

⁵⁷ Naꞌuk ita musti tfalak fara weninyai verin Ubu, tevek notu ma utudida lalawatan tali dida Duilaꞌa Yesus Kristus.

1 Korintus 15:57 ပူးပေါင်းရင်းမြစ်များ

Yohanes 16:33

Ufalak munuk afa avyai verin mia, boma ralabira ra malinan watan, tevek bira vavaꞌat ra isa roak ovu Yaꞌa. Naꞌa lanit ivavan a mia veka mtyuan susa. Naꞌuk mtyahang ralabira watan, tevek utung munuk roak ngrebat ovi rnaꞌa lanit ivavan a.”

Kisah 27:35

Paulus nangrihi munuk wean inyai, beti nala roti a ma nfalak fara weninyai verin Ubu naꞌa waharira ralan ra. Nata nvisul kedan ma naꞌan.

Roma 7:25

Ufadawang Ubu i nfatalik yaꞌa tali matmatan ni ngrebat a, nahu dida Duilaꞌa Yesus Kristus. Ba tali ralang ilaꞌa a, na usoak verin Ubu Ni inukun ra, naꞌuk tali ning fikiran wean tamata a, na usoak verin salasilan a.

Roma 8:37

Naꞌuk velik ne tatuan susa avyai munuk, na susa avyai wol rfalek-nala ita, naꞌuk utudida lahir, tevek Yesus Kristus nlobang ita.

1 Korintus 15:51

Eka mryenar ma lolin ma ufamalik afa fanfonak ini verin mia: Tali did tinemun, na ita veka wol tmata munuk, naꞌuk Ubu veka notu ma ita munuk feladida ra ngorvaꞌan ewal.

2 Korintus 1:11

tevek mtyorung ma mlyobang ami naꞌa bira falurut ra. Wean inyai bi, tamata rivun veka rfalak fara weninyai verin Ubu, tevek naflahar ma dawan ami tali bira falurut avyai.

2 Korintus 2:14

Velik ne wean inyai, na ami amfalak fara weninyai verin Ubu, tevek Ia nban-ulu lalawatan verin ami, ma notu ma utumami. Ia notu wean inyai, tevek mami vavaꞌat isa roak ovu Kristus. Ubu nala ami ma amfamalik Ni Ivar Lolin ma tamata ra rkaꞌa Kristus, ti nsoru wan inba watan, wean afa voan lolin i voan a ti nsoru munuk tamata ra naꞌa wan inba watan.

2 Korintus 9:15

Terang a valing averi! Mya ma tfalak fara weninyai verin Ubu, tevek nala roak Yanan a verin ita. Dida vaivatul ra wol raran ma tfamalik nala afa ovi nala roak verin ita.

Efesus 5:20

Naꞌa afaka watan, na miflurut ma fyalak fara weninyai verin Yamadida Ubilaꞌa naꞌa Duilaꞌa Yesus Kristus naran a, tevek afa ovi Ia notu roak verin ita.

Ibrani 2:14

Ubu yanan ra tamata vali ira, ba amar isa veka rmata. Wean inyai bi, Yesus neluk tamata ma nvaꞌat wean ita, boma tali Ni matmatan a, na not-visal nitdawan i ni ngrebat ma nfareta matmatan a.

Wahyu 12:11

Terad-valid ra rfaleka roak nitdawan a, tevek Domba Yanan nmata roak, ma laran a nvoat al ntevut rira salasilan ra, ovu vali wol rbobar ma rmata, naꞌuk rtafal ma rfamalik Ubu Ni vaivatul ra naꞌa Yesus. Velik ne tamata rwi-rwa te rfedan ira, na ira rorang lalawatan Ubu.

Wahyu 21:4

Ia veka naꞌi vatuk munuk lurira ra tali matarira ra. Tamata ra veka wol rmata roak. Tamata ralarira ra wol lalau roak, te wol rvakar roak, ovu wol rfarnuang wawaꞌuk roak. Afa avyai rlia rmamu munuk roak.”