1 Korintus 15:34 - Surat Ralan na'a Vaidida

³⁴ Msyiꞌik ma lolin tenabira ra ma deka myotu kikyai salasilan ra, tevek tamata boku wol rkaꞌa Ubu rnaꞌa ebang mia. Ufalak wean inyai, boma ufamaꞌit mia.

1 Korintus 15:34 ပူးပေါင်းရင်းမြစ်များ

Matius 22:29

Yesus nfalak verin ira ne, “Mia sala ma dawan mia, tevek wol fyan-aran Surat Ralan a, ovu wol mkyaꞌa Ubu Ni ngrebat a!

Yohanes 5:14

Wol mnanat, na Yesus ntuan ewal tamata yai naꞌa Yahudi rira Rahan Dawan Falurut ralan a. Ba nfalak verin ia ne, “Lolin roak oa ta baba. Deka motu salasilan kikyai, boma deka mtuan sian i nlia tali lan a.”

Yohanes 8:11

Vata yai nfalak ne, “Duilaꞌa, wol tamata rukun yaꞌa.” Ba Yesus nfalak ne, “Yaꞌa vali wol ukun oa. Ba mewal oa, ovu tali amar ini, na deka motu salasilan kikyai.”

Kisah 26:8

Tamata Yahudi averi, afakinimi wol myorang ne, Ubu nfavaꞌat ewal tamata ovi rmata roak i?

Roma 1:28

Tamata ra wol rkamlabir lahir Ubu, bi nsiꞌik watan ira ma wol rkaꞌa ma ranovak ne, inba kena ovu sala, ba rfikir aꞌuk sian a. Wean inyai, na rotu watan afa ovi wol inovan ma tamata ra rotu.

Roma 13:11

Mia musti myotu wean inyai, tevek mkyaꞌa roak ne, naran roak ni amar a ma deka weadida tamata ovi rtuba watan, naꞌuk byatar ma myorang urun Yesus. Tevek amar i beti torang Yesus nti roak, ovu amar i Ubu veka nsikat ita tali dida salasilan ra, ma dida vavaꞌat kakiwal, sarseri roak.

1 Korintus 4:14

Yaꞌa utulis afa avyai verin mia, wol mane al ufamaꞌit mia. Naꞌuk mane ufangnanang lahir mia, tevek weabira roak yanak lalean ra.

1 Korintus 6:5

Ufalak wean ini ma al ufamaꞌit mia, tevek ukaꞌa lahir ne, tali mia, na tamata boku rira kakaꞌa dawan ma rurus nala afa ovi rotu ma msyingarahi ovu terabir-valibira tamata ovi rorang Yesus!

1 Korintus 8:7

Velik ne wean inyai, naꞌuk tamata ovi rorang Yesus boku wol rkaꞌa ne, walut avyai ubu siklabir watan, ovu vali wol rira ngrebat akataka. Lan ana, tamata avyai baꞌi rsoak nulu walut ra, ba afa yai ira kaꞌi rotu watan. Ba ma naran amar ini, na ira rnarin ne afwatan ihin i raꞌan yai, neluk roak rira korban ra verin walut ra. Ira ranovak ne, wean i raꞌan afwatan ihin yai, na rira salasilan, tevek rira inorang wol rangrebat obin.

Efesus 5:14

Lyawan notu ma tamata ra bisma rsiꞌik. Wean inyai bi tfamalik afa ovi kena verin tamata liak ra ma tfalak ne, “Tamata ovi mtyuba naꞌa bira salasilan ra, byatar kikyai tali bira tabtuban ra, ovu tamata ovi myata roak a, byaꞌat kikyai tali bira matmatan ra ma Kristus veka notu ma mnyaꞌa lyawan ralan.”

1 Tesalonika 4:5

Deka myot-orang bira ininan sian ra, wean tamata ovi wol rorang Yesus baꞌi rotu ra.