1 Korintus 10:28 - Surat Ralan na'a Vaidida

²⁸ Naꞌuk wean i tamata isa nfalak verin mia ne, “Afwatan ihin ini rala roak ma naꞌa rira persembahan ra verin walut ra,” na deka mian afwatan ihin yai. Myotu wean inyai, boma fyikir tamata yai ovu afa ovi nafngamuꞌur roak naꞌa ralan ilaꞌa.

1 Korintus 10:28 ပူးပေါင်းရင်းမြစ်များ

Roma 14:15

Wean i motu ma teram-valim isa ralan nwaꞌuk, tevek afa ovi muan ra, na afa ovi motu ra rfaturu roak ne, wol mlobang ia. Deka muan afamtahan i not-visal teram-valim ra ma wol rorang roak Ubu, tevek Kristus nmata roak ma al nakvanak ira.

1 Korintus 10:26

Mingnanang afa ovi rtulis roak naꞌa Surat Ralan ne, “Duilaꞌa Nia lanit ivavan ini ovu afa ovi rnaꞌa ralan a munuk.”

1 Korintus 8:7

Velik ne wean inyai, naꞌuk tamata ovi rorang Yesus boku wol rkaꞌa ne, walut avyai ubu siklabir watan, ovu vali wol rira ngrebat akataka. Lan ana, tamata avyai baꞌi rsoak nulu walut ra, ba afa yai ira kaꞌi rotu watan. Ba ma naran amar ini, na ira rnarin ne afwatan ihin i raꞌan yai, neluk roak rira korban ra verin walut ra. Ira ranovak ne, wean i raꞌan afwatan ihin yai, na rira salasilan, tevek rira inorang wol rangrebat obin.

1 Korintus 8:9

Naꞌuk mingnanang, tevek tamata boku rira inorang a wol nangrebat obin, ba betane rira salasilan vali, tevek rot-orang afa ovi myotu ra. Velik aba, Ubu wol ntab-teri mia naꞌa afa ovi myotu yai, naꞌuk tamata avyai ranovak obin ne, myotu wean inyai, na salasilan roak.