1 Korintus 10:11 - Surat Ralan na'a Vaidida

¹¹ Afa avyai rkena munuk roak ira ma naꞌa faneak verin ita. Rtulis munuk roak afa avyai ma al nfangnanang ita, tevek fiang ini tvaꞌat naꞌa amar ovi lanit ivavan a mane namwear roak.

1 Korintus 10:11 ပူးပေါင်းရင်းမြစ်များ

Matius 13:39

Tamata i ni sian tamata vaꞌi yai, nitdawan ia. Ia navuri lavurun vatul avyai. Amar fadiar yai nfaturu amar i lanit ivavan veka namwear. Tamata fadiar avyai, Ubu Ni sansinir ra tali lanit ratan.

Matius 13:40

Ba wean lavurun ovi rasdovuk ma rasnuri ira naꞌa yafralan, na wean inyai vali naꞌut amar i lanit ivavan veka namwear.

Roma 13:11

Mia musti myotu wean inyai, tevek mkyaꞌa roak ne, naran roak ni amar a ma deka weadida tamata ovi rtuba watan, naꞌuk byatar ma myorang urun Yesus. Tevek amar i beti torang Yesus nti roak, ovu amar i Ubu veka nsikat ita tali dida salasilan ra, ma dida vavaꞌat kakiwal, sarseri roak.

Roma 13:12

Ita bisma tfalak ne, dida vavaꞌat fiang ini wean i ovan a mnanat roak, ovu lyawan sarseri roak. Ba tatalik lahir ma deka totu afa ovi sian ra, wean tamata ovi rira vavaꞌat ra rnaꞌa watan dedan ralan. Naꞌuk dida vavaꞌat rnaꞌa lyawan ralan, ba musti totu aꞌuk afa ovi lolin ra, wean i tataha minak ma al tangal afa ovi sian ra.

Roma 15:4

Ba afa ovi rtulis munuk roak naꞌa Surat Ralan, rair ita ma tatahang nal raladida, ovu dida inorang ntafal ma nangrebat, boma tfakloꞌi aꞌuk dida vavaꞌat ra verin Ubu.

Roma 4:23

Vaivatul ovi rtulis ne, “Abraham ni inorang verin Ubu notu ma Ubu nala ia wean tamata i ni vavaꞌat nmalola,” wol mane rtulis watan verin Abraham.

1 Korintus 10:6

Terang a valing averi! Afa avyai munuk rvotuk roak verin tamata Yahudi ra ma al nfangnanang ita ovu nair ita, boma deka tot-orang dida ininan sian i wean lan a ira rotu.

1 Korintus 7:29

Terang a valing averi! Yaꞌa ufikir ne, dida amar a mamahin, ba tali amar ini, na deka fyikir daꞌin awabira ra.

1 Korintus 9:10

Wahal! Afa ovi rfalak yai betane rala al rtaꞌing ita? Kena urun, tevek rtulis roak afa yai verin ita. Tamata ovi rotu vaꞌi ovu tamata ovi rfamerat gandum ra, ira ranovak roak ne, veka rala rira farea enan a tali rira karya ra. Wean vali inyai verin tamata ovi rfabana Duilaꞌa Ni karya. Ira veka rala vali rira farea enan tali rira karya yai.

Galatia 4:24

Tomu ini nfalyawang verin ita wean ini. Vata irua yai wean tnorung irua tali Ubu. Hagar wean tnorung i Ubu nala naꞌa vuar Sinai. Tnorung yai nkiwal tamata ra ma rtorung Ni inukun ra, ba wean vali inyai, vata sansinir yanan ra veka rnaꞌa watan sansinir.

Filipi 4:5

Fara tamata ra munuk bisma rsiꞌik bira rala lolin a. Wean i rotu sian mia, na deka myangal ira, tevek wol mnanat, na Duilaꞌa veka nma ewal.

Ibrani 10:25

Fara deka fyaroa tenabira ra tali tamata ovi rorang Ia rira sidovung ra, wean lahir tamata boku baꞌi rotu. Naꞌuk ivaꞌudida ma tsisurak ovu tsilobang ita, tevek tkaꞌa roak ne, wol mnanat, na Duilaꞌa veka nma ewal.

Ibrani 10:37

Rtulis roak naꞌa Surat Ralan ne, “Wol mnanat, na Ia veka nma. Ia wol nanaban ma mnanat, na veka nma lahir.

1 Yohanes 2:18

Yanak averi, amar a sarseri roak ma lanit ivavan ini namwear. Wean i amfalak lan roak verin mia ne, tamata i mane nangal Yesus Kristus veka nma. Velik aba, fiang ini tamata rivun ovi rangal Kristus rvotuk roak. Inyai neluk faneak ne, lanit ivavan a sarseri mane namwear roak.