1 Korintus 10:1 - Surat Ralan na'a Vaidida

¹ Terang a valing averi! Yaꞌa ini Paulus inak ma mingnanang afa ovi rvotuk roak verin ubud-nusid ra, naꞌut i rovu vali Musa. Naꞌut inyai, na Ubu nala mutan ma nteri ira, ovu vali rban-etal tahat i rfanara ia ne Tahat Valvulin, ovu lolin watan.

1 Korintus 10:1 ပူးပေါင်းရင်းမြစ်များ

Yohanes 4:20

Ami tamata Samaria ubumam-nusimami ra rsangatur ma raraning Ubu naꞌa vuar ini, naꞌuk Mu tamata Yahudi ra rfalak ne, Yerusalem aꞌuk neluk wan ma tamata ra rsangatur ma raraning Ubu.”

Roma 1:13

Terang a valing averi, inak ma mkyaꞌa ne, yaꞌa baꞌi udava lingaꞌan ma ti ulola mia, boma ufamalik Kristus ma tamata rivun rorang Ia, wean tamata ovi wol Yahudi ira naꞌa wan liak, rorang vali Ia. Naꞌuk ma naran amar ini, na utuan lalawatan angangal ra.

Roma 11:21

Ba wean i Ubu wol nlobang tamata Yahudi ovi wol rorang Ia, ma nalaꞌing ira wean aa zaitun ni sanan ovi retal roak ira, na Ia veka wol nlobang vali mia, wean i wol myorang Ia.

Roma 4:11

Rsunat Abraham ma neluk faneak ne, Ubu nfadoku lan roak ma nala ia wean tamata i ni vavaꞌat nmalola, tevek ni inorang a. Ubu notu wean inyai naꞌut i wol rsunat Abraham obin. Afa yai nvotuk ma nfaturu ne, Abraham neluk bapa verin tamata ovi rorang Ubu munuk, velik ne wol rsunat ira, ovu Ubu nfadoku ma nala ira ma wean tamata ovi rira vavaꞌat ra rmalola.

1 Korintus 12:1

Terang a valing averi, fiang ini, yaꞌa Paulus, inak ma mkyaꞌa urun yabi ovi Ubu Ni Roh a nala roak verin mia.

1 Korintus 14:38

Naꞌuk wean i tamata boku wol rtorung afa ovi ufalak ini, na deka mryenar ira.

Galatia 3:29

Kristus Ni munuk roak mia, ba Abraham yanan vali mia. Ubu veka nala Ni kalolin a verin mia, wean i ntorung roak verin Abraham.

Ibrani 11:29

Tamata Israel rorang Ubu, ba rban-etal roak Tahat Valvulin a, wean i rbana naꞌa lanun i near a. Naꞌuk Tahat Valvulin yai nkum-teri munuk tamata Mesir naꞌut i rlabas ira, ma rakduvul ma rmata.