1 Korintus 1:28 - Surat Ralan na'a Vaidida

²⁸ Ubu nfili vali tamata ovi tamata ra wol kaꞌi ralang ira, ovu nfili tamata ovi rfalak ne, wol fyawarira ovu vali tamata ovi wol rira van akataka lahir. Ia kaꞌi notu wean inyai, boma afa ovi tamata ranovak ne, fyawarira naꞌa lanit ivavan ini veka wol fyawarira lahir.

1 Korintus 1:28 ပူးပေါင်းရင်းမြစ်များ

Roma 4:17

Ia nfalak verin Abraham naꞌa Surat Ralan wean ini, “Yaꞌa ufadoku roak ma oa meluk bapa verin bangsa rivun.” Ubu nala Ni tnorung yai verin Abraham ma neluk bapa verin ita naꞌa Ubu wahan ralan a, tevek norang Ia. Ia Ubu i nfavaꞌat matmatan ra, ovu tali Ni vaivatul ra, na afa ovi wol rnaꞌa ra, notu ma rnaꞌa.

1 Korintus 1:20

Ba wean inba ovu tamata batbitar ra, ovu tamata ovi rira kakaꞌa dawan a, dawan ovi rair Ubu Ni inukun ra, ovu vali tamata ovi rkaꞌa rangrihi ma uturira tamata liak rira fikiran ra? Ubu nfaturu roak ne, tamata ovi wol rorang Ia rira kakaꞌa yai wol fyawan akataka.

1 Korintus 2:6

Wean i amfamalik Ubu Ni vaivatul ra verin tamata ovi rira inorang nangrebat roak verin Yesus, na amfamalik ovu kakaꞌa dawan ntali Ia. Naꞌuk, mami afa ovi amanovak ra wol rtali lanit ivavan ini, te wol rtali dawan ovi fiang ini rnaꞌa obin, tevek amar isa, na ira veka rmamu munuk.

2 Korintus 12:11

Kena ma yaꞌa weang tamata boda ra, tevek mkyiwal ma otu wean inyai. Velik aba, musti fyadawang yaꞌa, velik ne wol fyawang akataka. Naꞌuk naꞌa afaka watan, na bira rasul ovi fyalak ne, dawan urun ira, na rasul avyai rira dawan a wol nlia yaꞌa.

2 Tesalonika 2:8

Naꞌut amar yai watan, na tamata ktufan yai veka nvotuk. Naꞌut amar i Duilaꞌa Yesus nma, na veka nfedan ia ovu Ni vaivatul ra watan, ovu vali nala Ni ngrebat i nfitik nyadat ma nkusar nwear ia.

Ibrani 2:14

Ubu yanan ra tamata vali ira, ba amar isa veka rmata. Wean inyai bi, Yesus neluk tamata ma nvaꞌat wean ita, boma tali Ni matmatan a, na not-visal nitdawan i ni ngrebat ma nfareta matmatan a.

Wahyu 18:17

Naꞌuk jam isa watan, na metan rivun avyai veka rmamu lahir!’ Tamata i ntaha fareta naꞌa kabal, ovu ni tamata ovi rkarya naꞌa kabal, ntafal vali tamata ovi rafnavul kabal a, rdiri ma raroa ira.