Matiyu 4:11 - Mono Agowe

¹¹ Piya omogana kewama atate waogini, enisore kina igeba irosa'ma aogima kabitantawe.

Matiyu 4:11 ပူးပေါင်းရင်းမြစ်များ

Matiyu 26:53

Pigoya, kaeba naekaba nanawe yene. Nabanempapa kanara kampa esotakana pabigo uwoma enisore kina uwaitakini tumima nao'maekibewema, kampa napiyewo.

Matiyu 4:6

maya omintiye: Kaeba Koti Ntagara mintanapa, pa'yo puma tumo. Piya, mono isa'ama maya iye: Koti aeba enisore kina'wa uwaitakini kabigatakibewe, iye. Piya, kaegukena pikibipa, iyatasa kababute tumigina, yabankamaba kagisaba kampa airisakiye iye, untiye.

Maka 1:13

Wamagina 40-wa ntaga ka'me mpari mintogana, Satani amiyo potaogana, Isu kampa abintiye. Pigoya Isuba umugabage miyogana, enisore kina'mi aogima kabitantawe.

Aruku 22:43

(Piya yegana mantabintisa enisore ka tumima tumpa esegi potantiye.

Aruku 22:53

We, naeba asi nasi tabe mono namapi mima mono urimone. Piya, pi ntagaba nana piyema kampa narakurintane. We, ibaba tige kanapa aboragina, tununtanama nkesegiyenaba aboraye, Isu piya untiye.

Aruku 4:13

Piya yogana kana amiyo'ena a'ya waogana, kewama Isupa atate migarakena wantiye.

Yoni 14:30

Naeba mapa uwoma kamanapa kampa amato puma urimukuwe. Mampabisa tabe kumpari yagara kanakena ase'yo pikana, kanama naeta ampa asesepa'urikiye.

1 Timoti 3:16

Eya, taeba abune. Aboraratami mponotepa agasiyaenawe. Pipa mayamawe: Aeba au'yaga aborama kanantiye, iye. Awamusa'amaba: Agowapa arupuyenawe, otantiye, iye. Enisore kina'miba agama ae ageba asagayuntawe, iye. Wasanamiba kamana'wapa maga maga kina'miti uma aborantawe, iye. Mampabisa kina'miba abima imatiti potantawe, iye. Kotiba e'wasaena yaga aba puntiye, iye.

Iburu 1:14

We, enisore kina igeba awamusa kina mima Koti kayokaya potagina, i'ikibi kina iyo'maeyiyema uwaitaye.

Iburu 1:6

Piya, aeba amaru yagarawa mabi ataogana aboraogana maya untiye: A'ya'ma enisore kina'nempitaba, aeti tirakabima agisiyo, untiye, iye.