Matiyu 2:2 - Mono Agowe

² Yuta kina tige aoso Wa'ega ae kumata aboraye. Taeba maroti maretisa yakari potanti noriwa agategi, ampa ae agisabi parokaema ta'mu potakena kanaune, untawe.

Matiyu 2:2 ပူးပေါင်းရင်းမြစ်များ

Matiyu 2:3

Piya yuguna, wa'ega yagara Eroti abima pami pogini, a'ya'ma Yerusaremi kuma ago kina igebe pami puguna,

Matiyu 21:5

Tigeba Saiyoni kumatasa kinapa maya uwaimiyo: Abewo. Wa'egari aeba aguparuyenawaka uma tonki yaga akabapi mima tigeti waye, iye. Pika aikeri yaga akabata mima waye, piyama kaentiye.

Matiyu 27:11

Pigoya, igeba Isu tabe yagara Pairatiti ababute wauguna abigama maya untiye: Yuta kina'mi Wa'ega Yagaraba kaewo, untawe. Piya yogana Isuba: Pabigo yene, untiye.

Aruku 19:38

Piya tabera uma maya untawe: We, Wa'egare Koti nkawamuta taeti kanaika, aeka ta'mu potano. Mantari anta paruyena waiyekana, inatisa kumati asagayukenaena waiyeno, untawe.

Aruku 2:11

Pigoya, Tebiti kumata iba asenabinti, ti'ima aogi puritakena yagara yakari potagina, Karaisiti, Wa'ega Yagara, aeba ago aboraye.

Aruku 23:3

Piya yuguna Pairati: Kaeba Yuta kina'mi Nka'ega yagaragawoma, abigaogana: Pi pabigo yene, Isu untiye.

Aruku 23:38

Pigoya, a'notapa kamana awa'ena mayama kaentawe: Ma ntagara aeba Yutiya kina'mi Nkwa'ega yagarawema kaentawe.

Yoni 1:49

Piya yogana, Nataniyeriba abima to maya omintiye: Tisa, kaeba taga Koti ntagara, Isureyo kina'mi Nkwa'egarekawe, untiye.

Yoni 12:13

Piya kamana abite yanta aerisa maete ke'isa uma kabima ababikena wantawe. Wama uma ababuntini maya uma i'mu potama untawe: We, Wa'egawama nkawamuta taeti kanaika ta'mu potano. Aeba Isureyo kina'mi tabe yagarawe, untawe.

Yoni 18:37

Piya yogana Pairatiba maya untiye: Pigoya kaeba aota Wa'ega yagaragawo, yogana, Isuba maya untiye: Pabigo yene. Naeba taga kamana mabi uma aborakena tumima Wa'ega yagara mikena aborantone. Piya, a'ya'ma kina'mi taga kamana wasiye kina'mi nawamupisa kamana'ne abewe, untiye.

Yoni 19:19

Pigoya, Pairati yogini Isu nka'nota maripora mayama awa'ena kaema atantawe: Isu Nasareti kumatasa, Yuta kina'mi Nkwa'ega Yagarawema, kaema atantawe.

Yoni 20:28

Piya yogana Tomasi maya untiye: Kaeba Wa'egane, Kotinekawe, untiye.

Yoni 5:23

wasanamiba nabanempa nkage maema asagayuyesa pumagini pabiyama yagarawa nae nageba maemagini asagayukibewe. Piya, ka'waina yagarawa nae nage maemagina kampa asagayukibi'naba aeba naba unatanti'na pabiyama age kampa asagayukiye.

Yoni 9:38

Piya omogana kana yagarama maya untiye: Wa'ega, naeba kaega'magi namatiti pugatauwe, utegina agisabi uma parokaentiye.

Iburu 1:6

Piya, aeba amaru yagarawa mabi ataogana aboraogana maya untiye: A'ya'ma enisore kina'nempitaba, aeti tirakabima agisiyo, untiye, iye.

Areberesoni 22:16

Piya: Naeba Isuna, naeba enisorene agarubaogana monota ai'aru pe kina'mititi wama ma nkawaga kamanapa uma aborarimiye. Piya, naeba Tebiti tupisa ago ai'ne nawe. Naeba abayara e'wasa nori nawe, piya untiye.