Iburu 5:8 - Mono Agowe

⁸ Piya, Isu aeba Koti Ntagara mintiye. We, tae kanta puma auki nakiyenarasa Koti nkawamu wasikenaenama nkagoba abibebe puntiye.

Iburu 5:8 ပူးပေါင်းရင်းမြစ်များ

Matiyu 3:15

Piya yogana, Isuba kamana mayama a'wae puma omintiye: A'a-o, ibaba pai'natao. Piya pekara, tasigeba Koti kamana aogima wasikuse, untiye. Piya yogana Yoniba abitegina pai'atantiye.

Yoni 10:18

Mikenaenanepa ka'wainaba kampa naparikiye. Pipa nae'ne naumanepisa kaikuwe. Naeba mikenaenane kaikenagabe maekenabe pi esegiyenaba wainatantiye. Piya pukuboka nabanempa unatantiye, untiye.

Yoni 15:10

Naeba nabanempa nkawamupisa kamana wasiyu'ma, ae agu kao'enabi miyuwe. Tigeba pabiyama nawamupisa kamana'ne wasimagiripa, nae agu kao'enanepi mikibewe, untiye.

Yoni 4:34

Piya yuguna aeba maya untiye: Unatanti, ae awamu wasima yogawa puma a'ya pikenaena pi'na nanintanentana piye.

Yoni 6:38

Piya, mantarisa tumintopa pipa nae'ne nawamupisa kamana wasikenaba kampaye. Unatanti'na nkawamupisa kamana wasimagi aegarakena tumintone.

Piripai 2:8

Piya puma aborama, aeba wasanaraka'yantana puntiye. Piya puma ae'wa nkaupa maete tumima, Koti nkawamu wasirite wamagina purometa uma nagarintiye. Eya, awamu wasima maripo yara purintiye.

Iburu 1:2

Piya, ainti atuti iba nagarikena kanara, Kotiba kamana agowapa, yagarawa nkaboraramintine. Pi ntagarama nkayatasa Kotiba mampaba puma'ma, a'ya'maenama nkago miyenoma otantine.

Iburu 1:5

Piya, paipa paipa Kotiba yagarawaka maya omintiye: Yagaranekawe. Kaepa iba aboragatauwe, untiye, iye. Piya, aeka to kake maya untiye: Naeba abawampantana puma miyekana, aeba yagaranentana puma miyeno, untiye, iye. Pigoya, pi kamanapa Kotiba ka enisore yagaraga untiye, a. Kampaye.

Iburu 1:8

We, a'wae puma yagarawaka Kotiba maya omintiye: Kaeba Koti mimagina, tabe Wa'ega a'ya'ma yaga miyaba mima, kabiwaitakenaenagatapa kabima mima parutu'ena puma miyaba mikibene, iye.

Iburu 3:6

We, Karaisitiba Koti nkawamu wasima Koti nkaokinapa kabima mimagina, aeba Koti Ntagaragana mintiye. Piya, taeba a'ya'ma yaga esegima aega'ma Kotiti atokaekenaga ta'mu puntapa, taeba Koti nkaokina mima namantanawapa pukune.