Iburu 5:7 - Mono Agowe

⁷ Pigoya, Kotiba purintapisa au'ikena esegiyena waintegina, paipa Isuba mampabisa yagara mintanaba, pika napima tabera kega'e uma kube'ena puma Kotiti nunamu uma nao'maeyoma abigantiye. Aibumagina, aeba ae'wa ntapiyena ware'nama Koti nkawamupa wasiyomeka, Kotiba nunamuwapa abintiye.

Iburu 5:7 ပူးပေါင်းရင်းမြစ်များ

Matiyu 27:46

Piya atamaisaogana Isuba pabigo kega'e uma maya untiye: Iro-i, Iro-i, arama sabatani, untiye. Pipa maya untiye: We Kotinempa, Kotinempa, nanaga natane, untiye.

Matiyu 27:50

Piya yuguna, Isuba to kake tabera kega'e yogana aumaba iwaegaintiye.

Maka 15:34

Pigoya, Isu atamaita mayama kega'e untiye: Iro-i, Iro-i, arama sabatani, untiye. Pi kamanapa tae kamanapisaba: Kotinempa-o, Kotinempa-o, nanagabaya kaeba uwa natane, untiye.

Maka 15:37

Aiyogana Isu tabera kega'e uma, purintiye.

Aruku 23:46

Atu'waogana Isu aeba esegima kega'e umagina: Naba, naumanepa kae kayapi atauwe, untiye. Piya utegina purintiye.

Yoni 1:14

Pigoya, kamana agoba aeba wasana aboramagina, awagaenawape tagantanawape pumaema waitantogana mintoga, e'wasaenawapa agantompene. Piya, Koti ntagarawa ka'anto mintogana, otaogana tumpintoga e'wasaenawapa agantompene.

Yoni 11:35

Piya yuguna Isu aeba kube'ena puntiye.

Yoni 11:42

Kaeba nunamunepa a'ya'waema yagaba abempepa pipa abintuwe. Naeba uwa ma wasana minta kina'mi kae unatauku tuminto, pi igutasa abibebe piyema kamana piya ugamuwe, untiye.

Yoni 17:1

Pigoya, Isu aeba pi kamanapa uma a'ya atate, mantari aoma urintana, maya uma nunamu untiye: Naba, kana'nepa ago aborawaya, kaeba yagaraga nae nageba maema asaga'yuyega, naeba pabiyama kae kage maema asaga'yuyeno, untiye.

Aroma 8:3

Pipa mayamawe: Taeba mampabisa kina'miteti esegiyenarepa kampa waiyegina, ago kamana'ama kampa tau'iye. Piya, ago kamana'ama kampa pemintanaba Koti aewa piye. Aeba yagarawa otaogana kanama ampa agunta kina'mite nkawameta aborama, tae aguntaenama nkantota ika puratama asu'a puragaintiye.

Karesiya 4:4

Piyama mintuwagana, kanapa arosaogana, Kotiba yagarawapa otaogana waya'maba yakari potaogana, aeba ago kamana'ama nkamentapinti aborantiye.

1 Timoti 3:16

Eya, taeba abune. Aboraratami mponotepa agasiyaenawe. Pipa mayamawe: Aeba au'yaga aborama kanantiye, iye. Awamusa'amaba: Agowapa arupuyenawe, otantiye, iye. Enisore kina'miba agama ae ageba asagayuntawe, iye. Wasanamiba kamana'wapa maga maga kina'miti uma aborantawe, iye. Mampabisa kina'miba abima imatiti potantawe, iye. Kotiba e'wasaena yaga aba puntiye, iye.

Iburu 10:10

Piya, Isu Karaisiti aeba Koti nkabugaintana wasima, au'wapa muta atantiye. Piya puma, aeba ka yaga muta atama esegi pogana aota puratantiye.

Iburu 10:5

Aibuguna, Karaisiti mampabi tumintana Kotipa maya omintiye: Kaema agunta pasa katakenaenabe muta katakenaenabe kampa kabogana napintana, kaeba pika nau'nepa aboranamintane, iye.

Iburu 11:7

Nowa aeba Kotiti amatiti puntiye. Piya pogana, Kotiba ainti aborakibintanaga omogana, Nowaba kamanawapa aega'ma ae tunka nki'ikenaga wanipisa kareba puntiye. Piya pumagina, aeba pi amatiti'ena yugawatasa mampabisa kinapa kamanapa uwaitantiye. Eya, amatiti'enawata arupu puratakenaenara Nowa paitaratantiye.

Iburu 12:28

Piya, kabiratakenaena maekubompeka ta'mu peno. Pipa kampa asari pukenaenawe. Eya, pika Kotiti ta'mu potamagi, ae'wa nkabemintana puma agega'e asagayuma aeka taekuru peno.

Iburu 13:20

Pigoya, Wa'egare Isu aeba yagawampate tabe kiyerene. Isuba atokaeratayaba mikenaga purogana, paru Koti aeba purintapisa asitantiye.

Iburu 2:14

Pigoya, Koti ntagaraki'nu taeba wasana mintokana, Isuba tae kanta puma aborantiye. Eya, tae kanta puma aboramagina, purikenama nkagoba aegugaikenaga pu'ma asintiye. Pi'na nkagoba kewamawe.

1 Yoni 4:3

Piya, to ka'isa kina Isukaba: Kampa wasana aborantiye, ye kina'miba, igeba Koti Nkawamusa yagaba kampaye. Pi nkawamusa'ama Karaisiti kama kina'ma nkawamusane. Piya, paipa aeka: Mampara aborakiye, yogiri abintagana, ibanto mampabi ago aboraye.

2 Yoni 1:7

Pigoya, uwaena timiyo pikena kina'miba mampabinti nasewe. Igeba: Isu Karaisitiba au'yaga kampa aborantine, yewe. Piya kina'miba igeba timiyo puma Karaisiti kama kina'ena potawe.