Iburu 5:5 - Mono Agowe

⁵ We, pabiyamagina Karaisiti kampa ae'wa nkagega'eba maete inta, monota paitanta kiye yagararepa aborantine. Koti otaogana aeba pi ntugaba puntine. Eya, Kotiba maya omintiye: Kaeba yagaranekawe. Iba aboragatauwe, untiye, iye.

Iburu 5:5 ပူးပေါင်းရင်းမြစ်များ

Yoni 3:16

Pigoya, Koti aeba a'ya'ma kina'mikaba tabera abugaogana, yagarawapa ka'antowa mintogana, aepa taeti otantiye. Aepa aega'ma imatiti pikibe'nagiba ataenabipa kampa tumpintini, e'wasa maema miyaba mikibewe.

Yoni 7:18

Piya, ka'waina aeba aewaka napimagina ikibipa, aeba au maete ima kamana ikiye. Piya, ka'waina aeba yoga agowama nkage maete ima a'mu potakibi, pi aeba kampari yagaraba kampaye. Aeba taga ntagarawe, yiyo.

Yoni 8:54

Piya yuguna Isuba maya uwaimintiye: Naeba nau maete iyekanaba kampa kanarasakiye. Nabanempa minti aeba Kotirene omena, pi ae nagenepa maema asaga'yuye.

Aroma 8:3

Pipa mayamawe: Taeba mampabisa kina'miteti esegiyenarepa kampa waiyegina, ago kamana'ama kampa tau'iye. Piya, ago kamana'ama kampa pemintanaba Koti aewa piye. Aeba yagarawa otaogana kanama ampa agunta kina'mite nkawameta aborama, tae aguntaenama nkantota ika puratama asu'a puragaintiye.

Iburu 1:1

Paipa uwaena yaga Kotiba toma toma ki i'ma poropete kina'mi nkiwamutasa tayabamagi mono kamana'wapa uwaimita kanantiye.

Iburu 1:5

Piya, paipa paipa Kotiba yagarawaka maya omintiye: Yagaranekawe. Kaepa iba aboragatauwe, untiye, iye. Piya, aeka to kake maya untiye: Naeba abawampantana puma miyekana, aeba yagaranentana puma miyeno, untiye, iye. Pigoya, pi kamanapa Kotiba ka enisore yagaraga untiye, a. Kampaye.

Iburu 2:17

Piya, a'natabara iyo'maekenaga aeba ka'masa puma aborantine. Piya, aeba monota paitanta kiye yagara ampima, Koti ntuga puma arupu puma antara puratama, wawaya'mite nkaguntaenarempa nkantota ika puratakenaga, a'natabaramige ka'masa puma aborantine.

Iburu 3:1

Pigoya, aota nao'mitaba, mantabi ubasikibe kina'mitaba, tigeba Isugaba aogima napiyiyo. Aeba tamatiti'enama nkagowama tabe aposorobe monota paitanta kiye yagararepe mima, Koti nkawamupa aogima wasintiye.

Iburu 5:10

Eya, Kotiba otaogana, aeba Meyokisete tu kanta puma monota paitanta kiye yagarare aborantine.