Yoane 4:10 - UPANGANO UPYA

¹⁰ Yesu wannena, waati: “Ngi umanyile uwila wi Leesa, na kaili ngi umanyile wino aluti: Mpa, nwe! newe wali unndombe, nawe wali akupe amasi ya upuma.”

Yoane 4:10 ပူးပေါင်းရင်းမြစ်များ

Luka 11:13

Ali ngi mwemwe yaipa mwamanya ukupa ana yino uwila nsipe, Chene? Tata uwa mwiyulu atalulusha nkani ukuyapa Mweso Nswefu yano yalunnomba?”

Yoane 16:3

Ni ifintu vi yalumuchusha, kuno yatammanile Tata nanti nene.

Yoane 17:3

Nupuma wa manda yoshi uli u, yakumanye we Leesa wenga uwa chumi na Yesu Klisto wino watumile.

Yoane 3:16

Kuno yiyo Leesa wakundile aya munsi, ichaleka wafima uMwana waakwe wafilwe wenga, ukuti chila ntu wino wamsumila, atalowa, leelo awe nupuma wa manda ti.

Yoane 4:14

Leelo wino wanwa amasi yano nampa nene, atalulola ulusala manda yoshi. Leelo amasi yao yano nampa, yaluwa munali wi kafukoka wa mansi yano yalufukoka nu kumpa upuma wa manda ti.”

Yoane 6:35

Yesu wayanena, waati: “Nene ndi chulya cha upuma; wino wacha wisa kuli nene, atalulola insala nanti uche, na wino ansumile, atalulola unsala nanti uche.

Yoane 6:51

Nene ndi chulya cha upuma chino chikile ukufuma umwiyulu; untu ndi walya ichulya chi, alwikala manda yoshi. Ni chulya chino nanfima nene, umwili wane, uku upuma wa yantu yoshi.”

Milimo 9:11

uMwene wannena, waati: “Wimilila, pita kunsila ino yakuluti: yololoka; ukatondosye ung'anda i Yuda, untu wino yakuluti Saulo uwa ku Talso, kuno, lola, alupepa.

Aloma 8:32

Ngi Leesa ali ponga neswe, uwini alutupota? Wene wino atalolile nkumbu umwanakwe unkola, leelo wamfimile uku nnandu witu sweswe swensi, angaula uli ukutupa ifintu vyonsi ponga nawe?

1 Kolinto 1:30

Leelo kuli Wenewe mwemwi mwazana ukuwa muli Klisto Yesu, wino wachisilwe kuli sweswe amano yano yafumile kuli Leesa, ni chumi nu swefu nu kuluzi.

1 Kolinto 10:4

Yoshi yanwa ichakunwa chichi kwene ichamweeso, kuno yanwile amasi yano yafumile um-mwamba wamweeso uno walondekine nayo, nu mwamba uo i Klisto.

2 Kolinto 9:15

Leesa asa malisiwe uku wila wakwe, uno tutangi tuutensha ndi fino chiile!

Aefeso 2:8

Kuno mwafyusiwa uku nkumbu, uku nzila ya usumilo, kuno asi ku maka yino, leelo uwila wi Leesa.

Aeblania 6:4

Kuno yao yano yaati yapiwa umwengelela nu kusana uwila wa mwiyulu, nu kuchitwa yuminkani yi Mweso Nswefu,

1 Yoane 5:20

Neswe tumanyile fino Mwana wi Leesa wata wisa, nawe watupa mano kuti tummanye uWa-Chumi. Neswe tuli muli wenewe uWa-Chumi, muli Yesu Klisto Mwanakwe. Wiyo ali Leesa wa chumi nupuma wa manda ti.

Uswelulo 21:6

Waanena, waati: “Ichiombeka. Nene Alfa na Omega. Intangulo ni chisila. Nene namnwesya uwa lusala uwila kufuma kuli kafukoka wa manzi ya upuma.

Uswelulo 22:17

Nu Mweso na Nawinga. yaluti: “Nguna!” Na wino alupulika, ati: “Nguna!” Na wino ali nu nsala awize, na wino alusita atola amasi ya upuma uwila.

Uswelulo 7:17

Kuno Mwana-nfwele wiyo, wino ali apakasi pa chisumbi-cha-ukulu, aluyachema, nawe aluyatungulwila kuli kafukoka wa manzi ya upuma; na Leesa aluyapyila amonsozi yoshi apa maaso yao.”