Yoane 3:34 - UPANGANO UPYA

³⁴ Kuno wino watumilwe na Leesa, akululanda amaswi yi Leesa, kuno atakufumya uMweso uku kulinganya.

Yoane 3:34 ပူးပေါင်းရင်းမြစ်များ

Mateo 12:18

“Lolini, umboofi waane, wino nasolola, wino nakuunda, umweeso waane ukuchiimba kunalii. Nanntela uMweeso waane panalii. Nawe aluyumila imbila aya kuluukuwa uputushi wa milandu.

Luka 4:18

“Umweso wa Mwene uli ponga nene, kuno wampaka amafuta, ukuyumila apina imbila yi Iswi-sipe; wantuma ukuyumila imbila yano yanyepwa ukusapulwa kwao. Napofu ukupiwa ukulola kaili, nu kukulula yano yaonelwa.

Yoane 1:16

Kuno uku winji wa nkumbu shaakwe, sweswe swensi twapokelile inkumbu apa nkumbu.

Yoane 15:26

“Lelo uMwaswilisi wiyo pano wacha wisa, wino ndutuma ukufuma kuli Tata, uo uMweso wa chumi ufumile kuli Tata, wiyo alungimikila.

Yoane 16:7

Leelo nemwe ndumunena icha chumi: chingamusipila mwemwe, nene ntine; kuno ngi ntatinile, uMwaswilisi wiyo atangi awise kuno muli, leelo ngi napita ndunneta kuno muli.

Yoane 3:17

Kuno Leesa atatumile uMwana ukuya munsi ukuti ayaputula imilandu, leelo aya munsi yafyukile kuno ali.

Yoane 5:26

Ndi kuti fino Tata ali kafumo ka upuma, ifiyo kwene ifino wapile nu Mwana ukuwa kafumo ka upuma;

Yoane 7:16

Ichaleka Yesu wayanena, waati: “Amasambilisho yane asi yane nene, leelo ayi wino wantumile.

Yoane 8:40

Leelo kaili mulusita ukungumola nene, ne ntu ntimunena ilya chumi, lino napulika kuli Leesa. Ablahamu atachisile fiyo.

Yoane 8:47

Uwi Leesa, akulupulika amaswi yi Leesa.”

Milimo 1:2

fika nu wanda ulya uno wasenzilwe umwiyulu, pano wasya wayakomenkesha uku Mweso Nswefu imitume ino wasolwile.

Milimo 10:38

Amaswi yi Yesu wa ku Nazaleti, fino Leesa wampakile amafuta uku Mweso Nswefu na maka; nawe walîlanga ku na ku, angi aluomba imilimo mizipe, nu kupozya yoshi yano yaluchuziwa na chiwa; kuno Leesa wali ponga nawe.

Aloma 8:2

Kuno intambi ya Mweso wa upuma uno uli muli Klisto Yesu, yankulula uku ntambi ya maifyo ni nfwa.

Aefeso 3:8

Nemwi ne nnono nkani apa aswefiwe yoshi, napilwe inkumbi zi, ukusunda akulukuwa usavi wi Klisto, uno utangi ulingwe na chimwi,

Akolosai 1:19

Kuno muli Wenewe chazifile ukuyanya konsi kuweko.

Akolosai 2:9

Kuno muli Wenewe muli ukuzyula kwi Leesa konsi uku mwili.

Uswelulo 21:6

Waanena, waati: “Ichiombeka. Nene Alfa na Omega. Intangulo ni chisila. Nene namnwesya uwa lusala uwila kufuma kuli kafukoka wa manzi ya upuma.

Uswelulo 22:1

Apano wasya wandanga uluzi lwa manzi ya upuma, luno lulumesa kunti bilauli, lwafuma un-chisumbicha-ukulu ichi Leesa, ni cha Mwana-nfwele.