Yoane 3:18 - UPANGANO UPYA

¹⁸ Wino wamsumila ataluputwilwa imilandu; wino atasumile wataputulwa undandu, kuno atasumile isina lya Mwana wi Leesa, wafilwe wenga.

Yoane 3:18 ပူးပေါင်းရင်းမြစ်များ

Malko 16:16

Uwazumila nu kubatiziwa, alufyuka; leelo wino atasumile aluya umu uputuzi.

Yoane 1:12

Leelo yoshi yano yammulile. wayapile amaka ayakuwa ana yi Leesa, ayano yasumile ishina lyaakwe.

Yoane 1:18

Kusi untu wino watana walola Leesa nanti limwi; uMwana wi Leesa wino ali pa chifuwa chi Tata, wafilwe wenga, uwino watulangilile.

Yoane 20:31

Leelo vi vyandikwe ukuti mumanye fino Yesu i Klisto, Mwana wi Leesa, nu kukuzumila, muwe nu upuma ukwizina lyaakwe.

Yoane 3:16

Kuno yiyo Leesa wakundile aya munsi, ichaleka wafima uMwana waakwe wafilwe wenga, ukuti chila ntu wino wamsumila, atalowa, leelo awe nupuma wa manda ti.

Yoane 3:36

Wino asumila uMwana ali nupuma wa manda ti; wino atasumile uMwana, atalulola upuma, leelo ukali wi Leesa umwikalile.

Yoane 5:24

“uMwenemo, umwenemo, ndumunena: wino alupulika iswi lyane nu kumsumila wino wantumile, ali nupuma wa manda ti; atalwisa um-uputusi wa milandu, kuno walamba ukufuma undufu ukuya um-upuma.

Yoane 6:40

Kuno fino akasime Tata ifi, ukuti wensi wino alulola uMwana nu kunsumila, awe nupuma wa manda ti, nene nduntutulula uwanda wa chisila.

Yoane 6:47

Umwenemo, umwenemo, ndumunena: Wino ansumile ali nupuma wa manda ti.

Aloma 5:1

Chaleka kuno twalilwa ichumi uku nzila ya um-usumilo, apano tuli nutekano kuli Leesa, ku nzila ya Mwene witu Yesu Klisto.

Aloma 8:1

Ichino apa kasalaka, kusi uputuzi kuli yao yano yali muli Klisto Yesu.

Aloma 8:34

uwini wino anga-yaputwila imilandu? Klisto Yesu ali wino wafwile, endita, nu kuluta pali fiyo, watutuluka ku yafwi, nawe ali kwikasa lilunji ilyi Leesa na kaili uwino alutulombela.

Aeblania 12:25

Mulole mutachisula wino aluvwanga. Kuno ngi yatachili yafyuke yalye, yano yamsusile wenewe wino wayasokishe kuno ukunsi, nu kuluta nkani tutalufyuka sweswe, ngi twampambata wenewe wino alutusokesha ukufuma umwiyulu.

Aeblania 2:3

nganeswe, Chene! tulufyuka uli, ngi twasula ufyusi unkulu ndukuti u? Uno intangulo wafwansilwe nu Mwene, ichisila ukonkomesiwe kuli sweswe na yano yapulike.

Aeblania 3:19

Ichino twalola fino yatali ingile uku nnandu wa kuntasumila kwao.

1 Yoane 3:23

Ichilangaso chakwe ichi: fino tusumile ishina lya Mwana kwe, Yesu Klisto, nu kukundana swe yakola, ndi fino watupile ichilangaso.

1 Yoane 4:9

Uku chintu chi ulukundo lwi Leesa lwaloleka kuno tuli, fino Leesa watumile umwanakwe ali wenga kuno ukunzi, ukuti tupiwe upuma kuli wenewe.

1 Yoane 5:10

Wino amzumile Mwana wi Leesa, ali nu usyuta unkasi kakwe. Wino atamzumile Leesa, wamchita ukuti waufi, kuno atasumile usyuta uo, uno Leesa wimikila uMwanakwe.

1 Yoane 5:12

Wino ali nu Mwana ali nupuma uo; wino atakwite uMwana asi nupuma uo.