Uswelulo 7:9 - UPANGANO UPYA

⁹ Apa chisila cha ifintu fiyo nafindamila, nalola iumba ikulu, lino pasi untu angalisolozya, antu ya misangano yoshi, ninko zyonsi, ni mipanda ni mivwango yimilile apa nkolelo ya chisumbi chilye cha ukulu, na pa nkolelo ya Mwana-nfwele, yazwite imyenda mitiswe, yali na makambalala ya mikoma um-makasa yao.

Uswelulo 7:9 ပူးပေါင်းရင်းမြစ်များ

Luka 12:1

Liyo kwene pano amaumba yakonganike ielfu na elfu, chaleka yalyatana nu kulyatana, watampa ukunena alondeshi yaakwe intangulo, ati: “Chenjelini apa nsasho zya aFaliseo, ali ufi.

Luka 21:36

Ichino mwemwi mutachilala nanti limwi, angi mulupepa, ukuti mufyuke muli fiyo fyoshi, pano fyacha fyaloleka, nu kwimilila apa maaso ya Mwana-ntu.”

Yoane 12:13

Yatola amafwa ya, mitende, yapita ukuyu nkomanya, angi uku maswi makulu yaluti: “Osana, uwino wapepelelwa alwiza ukwisina lya Mwene! Mwene wa Islaeli!”

Aloma 11:25

Kuno, yachane, ntakasi kuti mutachiula ukumanya inkama ii, kuti mutaulola fino mwe ya malango: fino mbalinga utazu wayazana aIslaeli, fika nu kufikilila kwa akulukuwa.

Aefeso 6:13

Ichino tolini vyanzo vyonsi ivyi Leesa, muwe na maka ya kupota uwanda uipe, na pano mwamala fyosi, mwimilile.

Aeblania 11:12

Nu ku ifintu fiyo yafyalwa ku monsi wenga, nawe wali kunti umfwi, antu tupu wa ntanda sha mwiyulu kuvula kwao, na kunti misenga ino ili umbali mbali i yemba, ino itangi isolosiwe.

Aeblania 12:22

Leelo mwemwi mwaufikilila umwamba wa Sioni, nunsi wi Leesa wa upuma, Yelusalemu ya mwiyulu, na maumba yi yamalaika maelfu.

Uswelulo 11:15

Apano malaika wa saba uma ipenga. Kwawa maswi makulu umwiyulu, angi yaluti: “Uwene wansi iuwa uwene wa Mwene witu na Klisto wakwe, uwino wannâsa manda ti na ti.”

Uswelulo 22:3

Nga kutaluwa chimwi chino chatipwilwa kaili. Ni chisumbi-cha-ukulu ichi Leesa ni cha Mwana-nfwele chiluwamo. Naomvi yaakwe yalumwombelanga,

Uswelulo 3:18

nakupa iswi, ukale ukwane zaabu yino yengulwa um-moto, kuti uwe nsavi, ni myenda mitiswe uzwale, kuti insoni zya kwikala tupu zitachiloleka, nu nnembo wa maaso uwa kupakala, kuti ulole.

Uswelulo 4:4

Ni visumbi amakumi yaili na vini vilizizye ichisumbi chilye icha ukulu, na pa visumbi vilye nawine akombe amakumi yaili na yani, yatenzi yazwite imyenda imitiswe, na pa mitwe yao yali ni nkata zya zaabu.

Uswelulo 5:11

Nga nalola, napulika amaswi yi yamalaika tupu, insansa zyonsi zya chisumbi chilye icha ukulu, ni lyi yalye aya upuma na yi yalye akombe; pali ponga yali maelfu ikumi amaila maelfu ikumi, ni elfu amaila ielfu,

Uswelulo 5:9

Nayo yalundanga umwimbo mpya, angi yaluti: “Chikuile wewe ukutola ichitabu chiyo nu kusapula utumanyililo twakwe; kuno wafyuzilwe, wakalila Leesa uku wazi wako, antu ya nko zyonsi ni mivwango ni mipanda yoshi na antu tupu.

Uswelulo 6:11

Nayo yapiwa chila wiyo mwenda untali untiswe, yanenwa kuti yatane yakapuze, kwasyala manda mache, fika na lino yacha yafikilila aomvi na chao kwene anina, yano yalumolwa fiyo kwene wa yakola

Uswelulo 7:8

Aluko lwi Zebuloni iyelfu kumi na ziili Aluko lwi Yosefu iyelfu kumi na ziili. Aluko lwi Benjamini iyelfu kumi na ziili, yano yatelwa akamanyililo.