Uswelulo 7:3 - UPANGANO UPYA

³ Angi aluti: “Mutachonona insi nanti yemba nanti viti, fika na lino twacha twayatela akamanyililo aomvi yi Leesa witu apa usyu wao.”

Uswelulo 7:3 ပူးပေါင်းရင်းမြစ်များ

Mateo 24:22

Na amaanda yao ngi yatali yaputukisiwe, atali afyuuke untu naanti umwi; leelo ku nndandu wi yano yasololwa, yaluputukisiwa.

Mateo 24:31

Nawe alutuma yamalaika yaakwe poonga nu nndilo unkulu wipeenga, nayo yalukongaanya yano wasolola ukufuma isansa shini, ukufuma uku lusansa lu lwa mwiyulu, nu kufika ku lusansa lu.

Yoane 12:26

Untu ngalumbombela, andondele; nene panondi, apano nu momfi wane angali. Na kaili untu ngi alumbombe la, Tata alumchindika.

Yoane 3:33

Wino wasumila amaswi yaakwe, watela akamanyililo fino Leesa uwa chumi.

Aloma 6:22

Leelo li kwene mwakululwa um-maifyo, mwawa yazya yi Leesa, muli nunzano ali kuswefiwa, ni chisila chakwe upuma wa manda ti.

Uswelulo 13:16

Nayo ilufyengelezya yoshi anche na ikolo, asavi na apina, yakauwele na azya, yatelwe akamanyililo ukwikasa lyao ilya kwilunji, nanti apa mpuma zyao.

Uswelulo 13:17

Na kaili kutachiwa untu umwi wino angakala nanti ukukazya, siku wino ali na kamanyililo kalye, izina lya nkala iyo, ali kusolozya kwizina lyaakwe.

Uswelulo 14:1

Nga nasya nalola uMwana-nfwele awimilile pa mwamba wa Sioni, na antu umiwanda na makumi yani na yani ielfu yali ponga nawe, yano yali nizina lyaakwe nizina lyi Isi lyandikwe pa mpuma zyao.

Uswelulo 14:9

Nunji, malaika wa utatu, wayalondela, angi aluvwanga ukwiswi ikulu. ati: “Untu wensi ngi wafukamila inkala iyo ni chilui chakwe, nu kuwikwa akamanyililo apa mpuma yaakwe, nanti ukwikasa lyaakwe,

Uswelulo 19:2

Kuno uputuzi waakwe uwa chumi nu wa mpomvu; kuno wataputula unnandu wa nchende nkulu wino wononile insi uku upundu wakwe, nga watalandula uwazi wa aomvi yaakwe umwikasa lyaakwe.”

Uswelulo 20:4

Apano nalola ivisumbi-vya-ukulu, kwali na antu yano yavikalile, nayo yapiwe amaka ya kuputula imilandu. Nene nalola imyenzo yi yano yaputwilwe imitwe uku nnandu wa usyuta wi Yesu, nu ku nnandu wiswi li Leesa, na yano yatafukamile inkala nanti ichilui chakwe, yano yatatana yapokelela akamanyililo kalye apa mpuma zyao, nanti uku makasa yao; nayo yawa apuma, yalâsa ponga na Klisto imyaka imyanda ikumi.

Uswelulo 22:4

nayo yalunnola usyu wakwe, nizina lyaakwe liluwa apa mpuma zyao.

Uswelulo 6:6

Napulika kunti wiswi apakasi yi yao aya upuma yani, angi liluti: “Intowa ya usu wa ngano uku lupia, ni ntowa zitatu zya makonde uku lupia, nga utachonona mafuta nanti amasi ya mizabibu.”

Uswelulo 7:1

Pano vyasila ifintu fiyo, nalola yamalaika yani yimilile un-nsansa zini izya nsi, iyalema imiza ini iyansi, unza utachipunga un-nsi, nanti pali yemba, nanti pa chiti chonsi.

Uswelulo 7:2

Apano nalola malaika unji, alukwela ukufuma ku kafumandaka, angi ali na kamanyililo ki Leesa uwa upuma. Alaizya ukwiswi yalye yamalaika yani, yano yapilwe konona insi na yemba.

Uswelulo 9:4

Wanenwa kuti atonona isote lya kuno ukunzi, nanti chintu chonsi chisi, nanti chiti chonsi, siku antu yalye yano yatakwite akamanyililo ki Leesa apa mpuma zyao.