Uswelulo 7:14 - UPANGANO UPYA

¹⁴ Nene nannena, nati: “Mwene wane, wewe umanyile.” Wanena, waati: “Yao ali yano yafumile um-machulo yalye amakulu; nayo iyafula imyenda yao nu kuiswefya um-wazi wa Mwana-nfwele.

Uswelulo 7:14 ပူးပေါင်းရင်းမြစ်များ

Mateo 24:21

Kuno amaanda yao amachuulo yalufulisho nkaani, yano yatachili yaloleke fuma ukulengwa kwansi, fika na li, nga yataluwako kayili.

Malko 13:19

Kuno amanda yalye yaluwa ya machulo, ukuluta fuma na lino Leesa waumvile insi fika na kasalaka, na kaili kutaluwa nanti uche.

Yoane 16:33

Ifintu fi namunena, kuti mwikale mutekini muli nene. Ukunzi ku muli na machulo; leelo tekini myeso, nemwi napota insi.”

Milimo 14:22

Angi yalukomya alondeshi imyenzo, nu kuyasunda ikale um-usumilo uo na fino tulungime ukwingila um-wene-wi-Leesa uku nzila ya machulo tupu.

Aloma 5:3

Leelo visi fiyo sile, leelo tunchimba um-machulo kwene, angi tumanyile fino machulo yakuleta unte.

1 Kolinto 6:11

Na pali mwemwe mwali antu ya fiyo kwene; leelo mwafulwa, kaili mwaswefiwa, mwalilwe ichumi ukwizina lya Mwene witu Yesu Klisto, nu ku Mweso wi Leesa witu.

2 Tesalonike 1:4

Neswe kwene swe yakola tuluulola utensho kuno muli um-makongani yi Leesa, uku nte wino nu kusumila kwino un-kusunyiwa kwino num-machulo ino, yano muluchula.

Aeblania 13:12

Uku nndandu uo Yesu nawe kwene, ukuti aswefye antu uku wazi waakwe unkola, wachusiwe ukunsi ya nsi.

Aeblania 9:14

ali utalusile nkani uwasi wi Klisto, wino kuli Mweso wa manda ti, waufimile upuma waakwe kuli Leesa, awe uwila uno usi nuipe, ulutufula imyeso itu ni milimo ya nfwa, kuti tumpepe Leesa wa upuma?

1 Petlo 1:19

leelo uku wasi wa mpangila, ndi kuti uwa mwana-nfwele wino asi ni ndeme nanti lyala, ali wi Klisto.

1 Yoane 1:7

Leelo ndi tulupita um-mwengelela, ndi fino wene ali um-mwengelela, angi tuminkana swe akola na akola; nu wasi wi Yesu uMwana wakwe, watufula amaifyo itu yoshi.

Uswelulo 1:5

Na fino fifumile kuli Yesu Klisto, shuta wa kutailwa, wiyele kuli yano yafwa, unnâsi wa yene ya kuno kusi. Wino watukunda nu kutukulula ku maifyo uku wasi waakwe

Uswelulo 12:11

Nayo yampota uku wazi wa Mwana-nfwele nu kwiswi lya usyuta wao, yano yatakunzile upuma wao fika nu kunfwa.

Uswelulo 15:2

Nga nasya nalola chimwi chikoline na yemba wa chilole auminkine nu moto, na yalye yano yaposile yafuma uku nkala ilye nu ku chilui chakwe, nu ku kuminkana kwizina lyaakwe, yalile iyimilila umbali mbali yi yemba wiyo uwa chilole, angi yali ni ndona zyi Leesa.

Uswelulo 17:6

Nalola umwanachi wilye wakoleka uwazi wa aswefiwa, nu wazi wi yasyuta yi Yesu. Nene pano nannola, nazunguka lekasi.

Uswelulo 2:9

Manyile amachulo nupina wako—lelo we nsavi—imanyile intusi shao, yano yaluti: Swe aYudea; nayo yasi yeneyo, leelo ikongani li Shetani.

Uswelulo 22:14

Inkata yao yano yalufula imyenda yao, yawe nu utumo wa kulya ivisêke vya ichiti icha upuma, nu kwingila un-nzi um-milyango yaakwe.

Uswelulo 5:9

Nayo yalundanga umwimbo mpya, angi yaluti: “Chikuile wewe ukutola ichitabu chiyo nu kusapula utumanyililo twakwe; kuno wafyuzilwe, wakalila Leesa uku wazi wako, antu ya nko zyonsi ni mivwango ni mipanda yoshi na antu tupu.

Uswelulo 7:9

Apa chisila cha ifintu fiyo nafindamila, nalola iumba ikulu, lino pasi untu angalisolozya, antu ya misangano yoshi, ninko zyonsi, ni mipanda ni mivwango yimilile apa nkolelo ya chisumbi chilye cha ukulu, na pa nkolelo ya Mwana-nfwele, yazwite imyenda mitiswe, yali na makambalala ya mikoma um-makasa yao.