Uswelulo 5:8 - UPANGANO UPYA

⁸ Nga pano watola ichitabu chilye, yao aya upuma yani na yalye akombe amakumi yaili na yani, yapona apa mulu ya mwana-nfwele. Chila wiyo pali yeneyo wali ni ndona ni ngeso zya zaabu, zino zizyuzile ubani: ali mapepo ya aswefiwa.

Uswelulo 5:8 ပူးပေါင်းရင်းမြစ်များ

Yoane 1:29

Uwanda wa uwili alola Yesu alwisa kuno ali, walanda, waati: “Lolini, uMwana-nfwele wi Leesa, wino alutisya amaifyo ya kushi.

Yoane 5:23

Ukuti antu yoshi yachindike uMwana, ndi fino yachindika Isi. Wino atachindike uMwana, atachindike isi wino wantumile.

Aeblania 1:6

Na pa Wanda, uno aluleta mwana wiyele kaili un-nsi, ati: “Chiyaile yamalaika yoshi ayi Leesa kumfukamila.”

Uswelulo 13:8

Na antu yoshi akuno kunzi yalumfukamila, untu wensi wino izina lyaakwe litaandikwe un-chitabu icha upuma icha Mwana-nfwele, wino wafyuzilwe, fuma ukuwikwa chiimbili cha nsi.

Uswelulo 15:2

Nga nasya nalola chimwi chikoline na yemba wa chilole auminkine nu moto, na yalye yano yaposile yafuma uku nkala ilye nu ku chilui chakwe, nu ku kuminkana kwizina lyaakwe, yalile iyimilila umbali mbali yi yemba wiyo uwa chilole, angi yali ni ndona zyi Leesa.

Uswelulo 15:7

Nga wenga pali yalye aya upuma yani, apa yamalaika yalye saba ingeso saba zya zaabu, angi zizyuzile ukali wi Leesa uwa upuma manda ti na ti.

Uswelulo 19:4

Nga akombe yalye amakumi yaili na yani, na yalye aya upuma yani, yafukamila nu kupepa Leesa, wino atenzi apa chisumbi-cha-ukulu, yaati: “Amina, Aleluya!”

Uswelulo 4:10

apano akombe yao amakumi yaili na yani yapona apa maaso yi wiyo wino atenzi apa chisumbi-cha-ukulu, nayo yamfukamila wino ali nupumawa manda ti na ti, nayo yasumba inkata zyao apa nkolelo ya chisumbi chilya cha ukulu, angi yaluti:

Uswelulo 4:4

Ni visumbi amakumi yaili na vini vilizizye ichisumbi chilye icha ukulu, na pa visumbi vilye nawine akombe amakumi yaili na yani, yatenzi yazwite imyenda imitiswe, na pa mitwe yao yali ni nkata zya zaabu.

Uswelulo 4:6

Inkolelo ya chisumbi chiyo cha ukulu kwali chimwi chikoline na yemba wa chilole, kunti bilauli. Apakasi ya chisumbi chilye na ku lila kwene yalipo aya upuma yani, yazyula amaso inkolelo ni chisila.

Uswelulo 4:8

Na yao aya upuma yani, chila wenga wali na mapa sita, ni neansa zyonsi nunkasi yazyusile amanso, nga yatakupuza unsanya nusiku, angi yaluti: “Nswepe, Nswepe, Nswepe, uMwene Leesa wa Maka-yonsi, wino walipo na wino alipo, na wino alwiza.”

Uswelulo 5:11

Nga nalola, napulika amaswi yi yamalaika tupu, insansa zyonsi zya chisumbi chilye icha ukulu, ni lyi yalye aya upuma na yi yalye akombe; pali ponga yali maelfu ikumi amaila maelfu ikumi, ni elfu amaila ielfu,

Uswelulo 5:12

ukwiswi kulu angi yaluti: “Chikuile wewe Mwana-nfwele wino wafyuzilwe, ukupokelela uposi nusavi na mano na maka nu nchinzi nukulu nu pepelelo.”

Uswelulo 5:14

Na yalye aya upuma yani yaati: “Chiwe fiyo kwene!” Na yalye akombe yapona yafupime yamfukamila.

Uswelulo 5:6

Nalola apakasi ya chisumbi chilye icha ukulu na yalye aupuma yani na pakasi ya yakombe yalye, umwana-nfwele awimilile, wali kuti atafyulwa, uwa mpembe saba na maaso saba. Nazyo ali Myenzo saba iyi Leesa yino yatumilwe un-nsi yoshi.

Uswelulo 6:1

Apano nalola uMwana-nfwele alusapula akamanyililo konga pali tulye saba, napulika kuli wenga pali yalye aya upuma yani aluvwanga ukwiswi wa nnunkumo: “Nguna!”