Uswelulo 4:2 - UPANGANO UPYA

² Liyo kwene nali um-Mweso; nga ndola, ichisumbi-cha-ukulu chawikwa umwiyulu na wenga awikazile apa chisumbi chilye.

Uswelulo 4:2 ပူးပေါင်းရင်းမြစ်များ

Mateo 22:43

Wayatondoosha, waati: “Nga chili uli, fwaandi, Daudi uku Mweeso Nsweefu ukumwita Mweene, ukuti:

Aeblania 8:1

Ichino muli fiyo fino tulufwanga, ichintu ichikulu ichi: Tuli na Kapela-nkulu ndi kuti wi, wino wikala ikasa lya kwilunji ilya chisumbi cha wene umwiyulu.

Uswelulo 1:10

Nali um-Mweso uwanda wa Mwene, napulika iswi ikulu ukuchisila chane wiswi li penga.

Uswelulo 12:5

Nawe wapapa umwana umonsi, wino aluchema akulukuwa yoshi uku ntuwa ya chela. Nu mwanakwe asendwa zuwa fika kiili Leesa nu ku chisumbi chakwe icha ukulu.

Uswelulo 17:3

Apano wansenda um-Mweso uku lusanga. Nalola umwanachi awikazile apa nkala inkasuke nkani, ino yazyula mazina ya misuli, nayo yali ni mitwe saba ni mpembe ikumi.

Uswelulo 19:4

Nga akombe yalye amakumi yaili na yani, na yalye aya upuma yani, yafukamila nu kupepa Leesa, wino atenzi apa chisumbi-cha-ukulu, yaati: “Amina, Aleluya!”

Uswelulo 20:11

Apano nalola ichisumbi-cha-ukulu ichikulu chitiswe, na wino awikalile penepo, wino insi niyulu vilumwituka, nu wikalo waakwe vyo utalolike.

Uswelulo 21:10

Wansenda uMweso fika nu ku mwamba unkulu untali; wandanga unzi ulye unswepe, i Yelusalemu, ulwika ukufuma umwiyulu kuli Leesa;

Uswelulo 21:5

Nawe wino watenzi apa Chisumbi chilye cha ukulu, waati: “Lola, nduchita ifintu vyonsi ukuwa ivipya.” Waanena, waati: “Wandika: kuno amaswi ya aya kutailwa ni chumi.”

Uswelulo 3:21

“Wino wapota, nampa ukwikala ponga nene apa chisumbi chane icha ukulu, ndi fino nemwi napoteka, nikala ponga na Tata pa chisumbi chakwe cha ukulu.

Uswelulo 4:10

apano akombe yao amakumi yaili na yani yapona apa maaso yi wiyo wino atenzi apa chisumbi-cha-ukulu, nayo yamfukamila wino ali nupumawa manda ti na ti, nayo yasumba inkata zyao apa nkolelo ya chisumbi chilya cha ukulu, angi yaluti:

Uswelulo 4:5

Nu n-chisumbi chilye icha ukulu mulufuma inkozyo, na maswi nu nunkumo; na yatala saba aya moto yalwaka inkolelo ya chisumbi-cha-ukulu: ali Myenzo saba iyi Leesa.

Uswelulo 4:9

Na yao aya upuma pano yalumpa ukulu nu nchinzi ni nsamalizyo, wiwi wino atenzi apa chisumbi-cha-ukulu, wino ali nupuma manda ti na ti,

Uswelulo 5:1

Nasya nalola umwikasa lyaakwe ilya kwilunji ilyi wino atenzi apa chisumbi chilye icha ukulu, ichitabu chino chandikwa unkasi nukunzi, chalile chatelwa utumanyililo saba.

Uswelulo 5:13

Ni vilengwa vyonsi umwiyulu, kuno ukunzi na pansi kwazimu, na pali yemba, ni vilengwa vyonsi vya mwenemo, navipulika, viti: “Upepelelo nu nchinzi nukulu nu uposi vili nawe, wino atenzi apa chisumbi-cha-ukiilu nu Mwana-nfwele, manda ti na ti.”

Uswelulo 6:16

yanena imyamba na mafinga, yaati: “Tuponelini, tufisini apa maaso yaakwe wino atenzi apa chisumbi-cha-ukulu, na pa chilakali cha Mwana-nfwele.