Uswelulo 21:3 - UPANGANO UPYA

³ Napulika iswi kulu ukufuma un-chisumbi chilye cha ukulu, liluti: “Lola, amikalo yi Leesa yali ponga nantu; nawe alwikala ponga nayo, nayo yamwa antu yaakwe. Na Leesa unkola wamwanga ponga nayo.

Uswelulo 21:3 ပူးပေါင်းရင်းမြစ်များ

Yoane 1:14

Nalyo Iswi lyaombike umwili, likala kuno tuli, neswe twaulola ukulu wakwe, ukulu ndi kuti uMwana wenga wino afumile kuli Tata, uwa nkumbu ni chumi.

Yoane 14:23

Yesu wannena, waati: “Untu wino wankunda, akulema iswi lyane, na Tata alumkunda, neswe tulwisa kunali nu kwikala munali.

2 Kolinto 6:16

Na kaili pali upulikano chi apa ng'anda-nkulu-iyi-Leesa ni filuwi? Kuno swemwi swe ng'anda-nkulu-iyi-Leesa wa upuma, ndi fino Leesa wafwasile, ukuti: “Ndwikala muno yali na muli yeneyo ndupitanga; nene nduwa Leesa wao, nayo yaluwa antu yane.

2 Kolinto 6:18

Nduwa so wino, nemwe muluwa yanane aya chonsi na ya chanachi. Ifino afwasile uMwene wa Maka-Yonsi.”

1 Tesalonike 3:11

Nga Leesa unkola, Tata witu, nu Mwene witu Yesu, atukolelele inzila yitu tufike uku mwino.

Aeblania 11:16

Leelo li kwene yalukumbuka insi yino yasipisha, uli iya mwiyulu. Ichino fiyo Leesa atalulola insoni ukwitwa i Leesa wao; kuno wayakulila unsi.

Aeblania 8:10

Kuno alau uli Upangano uno nampangana ni ng'anda ya Islaeli: Ichisila cha manda yalye, uMwene ati: Nanjapa amasunde yane unkusita kwao, nu myeso yao nanjaandika. Nene namwa Leesa kuno yali, nayo yamwa antu yane.

Aeblania 8:2

Umuofi wa paswefu nu wi Hema lilye ilya chumi, lino lyawisilwe nu Mwene nga asi ntu.

Uswelulo 10:4

Na pano iming'onto saba yapulikikwa, nalile ntiteyanya ukwandika. Nene napulika iswi ukufuma umwiyulu, liluti; “Tela akamanyililo amaswi yao yano yatakwa ni ming'onto saba, fisa, utachiyandika.

Uswelulo 10:8

Niswi lilye lino napulike ukufuma umwiyulu, lyavwangile nene kaili, angi liluti: “Yanga, ukatole ichitabu chilye chino chikupwilwe umwikasa li malaika wiyo, wino awimilile pali yemba ninsi.”

Uswelulo 12:10

Napulika iswi ikulu mwiyulu, liluti: “Wene nga kwawa ufyusi na maka nu wene wi Leesa witu, na maka yi Klisto wakwe; kuno watasumbwa apansi kasongelela wa yachitu, wino akuluyasongelela pali Leesa witu, unsanya nusiku.

Uswelulo 21:7

Wino Wapota alupyana ifintu vi, nene nduwa Leesa wakwe, nawe aluwa umwanane.

Uswelulo 22:3

Nga kutaluwa chimwi chino chatipwilwa kaili. Ni chisumbi-cha-ukulu ichi Leesa ni cha Mwana-nfwele chiluwamo. Naomvi yaakwe yalumwombelanga,

Uswelulo 7:15

Ichino yali apa chisumbicha-ukulu ichi Leesa, nayo yalumombela unsanya nusiku un-ng'anda yaakwe inkulu; na wino atenzi apa chisumbi-cha-ukulu alukonzolola ihema lyaakwe pali yeneyo.