Uswelulo 20:2 - UPANGANO UPYA

² Walema ichizoka chilye, inzoka ya kali, uli Chiwa na Shetani, amnyepa imyaka imyanda ikumi.

Uswelulo 20:2 ပူးပေါင်းရင်းမြစ်များ

Mateo 19:29

Na chila ntu wino washa ing'anda naanti anina ya shooshi naanti aya kachi, naanti isi naanti nyina, naanti ana, naanti ivyalo ukwizina lyane, alupokelela maila umwanda nu kupyana upuma wa maanda ti.

Mateo 8:29

Nga lolini, yuma ichoongo, yati: “Tuli na chaani neewe, mwaana wi Leesa? Cheene! Uwishile ukwisu kutuchusha, amaanda yitu yachili yafike?”

Malko 4:15

Eya yano yali umbali ya nzila, pano lipezilwe iswi, nayo ngi yapulika, awiza Shetani, alitisya liyo iswi lino lipezilwe um-myenzo yao.

Malko 5:7

Wangula ku maka, waati: “Ndi na chani newe, Yesu, Mwana wi Leesa alu mwiyulu. Nakulafya kuli Leesa utachi nchuzya.”

Yoane 12:31

Li kwene kwawa uputusi wa milandu ya nsi, li kwene unndâsi wa nsi i wawingwa.

Yoane 16:11

Uku nnandu wa uputusi wa milandu, kuno unnâsi wa kuno ukunsi wataputwilwa unnandu.

Aloma 16:20

Nawe Leesa wa utekezyo alulyatilila Shetani zuwa apa mulu yino. Inkumbu zya Mwene witu Yesu Klisto ziwe ponga ne-mwe!

Aeblania 2:14

Kuno ana yao yali ni myili nu wasi, fino nawe kwene watosile mwili, uli onga, ukuti ku nila ya nfwa amonone wino wali na maka ya nfwa, uli Chiwa,

1 Petlo 5:8

Mutekane angi mulamwike. Kuno kapingula wino, Chiwa, aluswaswata wi kalangu alung'onta, angi alusita untu wa ku sonsomela.

2 Petlo 2:4

Kino ndi Leesa atayalekile yamalaika yano yononile, leelo wayasumbile un-chilina, wayanyepa um-finyepelo fya chanda, yalulolela uputusi wa milandu,

Yuda 1:6

Nayamalaika yano yataukosile akola, leelo yasya amikalo yao yano yayasipile, wayanyepa uku ng'anda-ya-minyololo manda ti uku chanda, ukulolela uwanda wa kuputula imilandu yao apa wanda ukulu.

Uswelulo 12:13

Ni chizoka chilye pano chalola fino chasumbwa un-nsi, chazunya mwanachi wilye wino wafiile mwana monsi.

Uswelulo 12:15

Apano chizoka chaluka amasi, wa luzi, ukufuma un-nnomo waakwe ku chisila cha mwanachi wiyo, kuti chintuwizye un-nuzi luo.

Uswelulo 12:17

Ichizoka chalakalikila mwanachi wiyo, chaya ukuyulwa isumo na ana ya mwanachi yano yasile, yano yachindika ivilangaso vi Leesa nu kulemasya usyuta wi Yesu.

Uswelulo 12:3

Chaloleka ichilangizyo chinina umwiyulu, ichizoka ichikulu ichikasuke, chali ni mitwe saba ni mpembe ikumi, na chila ntwe wali ni nkata.

Uswelulo 12:4

Nu mpimbi waakwe ulukwekwesa intanda zimwi pa zya utatu izya mwiyulu nu kuziponya apansi un-nsi. Ni chizoka chilye chimilila apa mwanachi wilye, wino watafika kuti apape, ukuti ali alupapa chimile umwanakwe.

Uswelulo 12:9

Ichizoka chilye chikulu chasumbwa un-nsi, chizoka cha kali chino yakuluti Chiwa na Shetani, wino akuluzosya insi yoshi. Wasumbwa pansi na yamalaika yaakwe yasumbwa ponga nawe.

Uswelulo 13:2

Ni nkala iyo ino nawine yakozile ingwi, na mulu yaakwe yakozile kunti mulu yi dubu, nu nnomo waakwe kunti unnomo wi kalangu. Ichizoka champa amaka yaakwe ni chisumbi chakwe icha ukulu nu uposi tupu.

Uswelulo 13:4

Yasukamila chizoka chiyo, kuno chapa inkala iyo uposi wakwe, nayo yasukamila inkala iyo, angi yaluti: “Uwini wino akoline ni nkala yi?” Na kaili: “Uwini wino angalwa nayo?”

Uswelulo 20:10

Na wiwi Chiwa wino wayazosizye, wasumbilwa muli yemba wa mto ni sanku, muno muli nkala ilye na kalauzya wilye uwa ufi, nayo yaluchula unsanya nusiku, manda ti na ti.

Uswelulo 20:7

Na pano imyaka imyanda ikumi iyo yasila, Shetani aluyulilwa, afume muno wayalilwe.

Uswelulo 9:11

Yali numwene wao, nawe imalaika wa kwazimu; izina lyaakwe uku chiEblania: i-Abadoni, nu ku chiGliki: i-Apolioni.