Uswelulo 2:18 - UPANGANO UPYA

¹⁸ “Na kuli malaika wi kanisa lya ku Tiatila andika, uti: Umwana wi Leesa, wino ali na maaso ungati fyenje vya moto, na mulu yaakwe wa mbisi ino yakumbwa nkani, wavwanga ifintu fi, waati:

Uswelulo 2:18 ပူးပေါင်းရင်းမြစ်များ

Mateo 17:5

Nga pano achili alufwaanga, lola, ipuufi litiswe lyayachitila ichisau, nga lolini, iswii lyafuma umwipufi liyo, lyaati: “Alawi uMwaanane wino nakuunda, wino wansipila neene; mpulikini wiyo.”

Mateo 27:54

Nga unkulu wa asalifi na yalye yano yali poonga yalunnolelela Yesu, pano yalola ichitentema cha nsi na fino fyaombeka, yoopa nkaani, nga yaati: “Umwenemo, wi wali umwana wi Leesa.”

Mateo 3:17

Nga lola, iswi ukufuma umwiyulu, lyaati: “Alawi uMwanaane, unkundikwa waane, wino wansiipila.”

Luka 1:35

Nga malaika wannena, waati: “uMweso Nswefu ulukwikila panuli, na maka yaakwe wino ali Wa-Mwiyulu yalukukuwa wa chisau; ichino fiyo chino chiluvyalwa chilwiitwa ichiswefu, Mwana wi Leesa.

Yoane 1:14

Nalyo Iswi lyaombike umwili, likala kuno tuli, neswe twaulola ukulu wakwe, ukulu ndi kuti uMwana wenga wino afumile kuli Tata, uwa nkumbu ni chumi.

Yoane 1:49

Natanieli wannena, waati: “Labi, wewe uli Mwana wi Leesa, we Mwene wa Islaeli.”

Yoane 10:36

Chene! wino Tata waswefya, wamtuma kuno ukunsi, uwino mwemwe muluti: ulusula, kuno nalile, nti: “Nene Mwana wi Leesa?’

Yoane 3:16

Kuno yiyo Leesa wakundile aya munsi, ichaleka wafima uMwana waakwe wafilwe wenga, ukuti chila ntu wino wamsumila, atalowa, leelo awe nupuma wa manda ti.

Yoane 3:18

Wino wamsumila ataluputwilwa imilandu; wino atasumile wataputulwa undandu, kuno atasumile isina lya Mwana wi Leesa, wafilwe wenga.

Yoane 5:25

uMwenemo, umwenemo, ndumunena: isita ilwisa, na isaa ilipo, pano yafwi yalupulika iswi Iya Mwana wi Leesa, na yano yalipulika yaluwa upuma.

Milimo 16:14

Umwanachi wenga izina lyaakwe i Lidia, kakazya wa myenda ya zambalau, uwa umunzi wa Tiatila, wene fino wachindika Leesa, atupulikisya. Nawe uwino uMwene wayuzile umweso wakwe, akôzya amaswi yano Paulo wavwanzile.

Milimo 8:36

Yawa yalupita un-nzila, yafika apa manzi, ntungwi wiyo waati: “Lola, amasi ya; ichani chino chilundesya ntabatiziwa?” [

Aloma 1:4

Nu kumanyishwa uku maka yaakwe fino umwana wi Leesa, ukukolana nu mweso wa uswepe, uku kututuluka kwa yafwi, Yesu Klisto, Mwene witu.

Aloma 8:32

Ngi Leesa ali ponga neswe, uwini alutupota? Wene wino atalolile nkumbu umwanakwe unkola, leelo wamfimile uku nnandu witu sweswe swensi, angaula uli ukutupa ifintu vyonsi ponga nawe?

Uswelulo 1:11

Angi liluti: Ifintu fino ululola, fyandike un-chitabu, uchitume uku makongani saba; uku Efeso, uku Similna, nu ku Pelgamo nu ku Tiatila nu ku Saldi nu ku Filadelfia nu ku Laodikea.

Uswelulo 2:1

“Kuli malaika wikongani lya ku Efeso, wandika, uti: Wino alemile intanda saba siyo umwikasa lyaakwe lya kwilunji, wino akulupitana apakasi apa fimikilo fya nkosho saba ifya saabu, wafwanga ifintu fi, waati:

Uswelulo 2:24

“Lelo ndumunena yamwi yano muli uku Tiatila, yoshi yano mutalemile masambilisho yao, yano yatamanyile inkama yi Shetani, ndi fino yakufwanga, ntalumutwika ichisendo chinina.