Uswelulo 2:10 - UPANGANO UPYA

¹⁰ Utachopa machulo yano yankusana. Lolini, chiwa wiyo alumutela yamwi um-minyololo, kuti mwesiwe; nemwe mulusunyiwa amanda ikumi. Uwe nfumi wa chumi fika nu kufwa, nene ndukupa Inkata ya Upuma.

Uswelulo 2:10 ပူးပေါင်းရင်းမြစ်များ

Mateo 10:22

Neemwe mulutuwiwa na aantu yooshi umwishiina lyane; leelo wino waacha wateeka umweeso nu kulemasya kufika ni chisila, uwino alufyuuka.

Mateo 10:28

Mutachoopa yano yalumoola umwiili, yapootwa ukumoola umweeso; leelo moope wino angumola umwiili nu mweeso poonga un-chilinkwe cha moto.

Mateo 24:13

Leelo wino alutekaana kufika ni chisila, uwino alufyuuka.

Malko 13:13

Nemwe mulutuwiwa na antu yoshi ukwizina lyane. Leelo uwacha walemasya fika ni chisila, uwino alufyuka.

Malko 8:35

Kuno untu wino alusita ukufyusya upuma wakwe, aluulovya, nuntu wacha walovya upuma waakwe ukwizina lyane, niswi-zipe, wiyo aluufyusya.

Luka 21:12

Leelo pano fichili filoleke ifintu fiyo, yalumulema nu kumusunya, yalumutwala un-ng'anda shi Leesa nu kumutwala uku minyololo; mulutwalwa apa ene na pa alâsi ukwishina lyane.

Yoane 12:25

Wino akasime upuma wakwe, akuulofya, na wino watuwa upuma waakwe kuno ukunsi, aluwa nao kufika nu um-upuma wa manda ti.

Yoane 13:2

Na pa chakulya amangushi, chiwa walile atatela Yuda umwana wi Simoni Iskaliote um-mweso, ukuti amfime.

Yoane 13:27

Pano walya itonje, Shetani amwingila. Nga Yesu, wannena, waati: “Chino uluomba, ombanga suwa.”

Milimo 20:24

Leelo ntalulanga um-mweso uwikalo wane, kuno chisi chimwi, ndi fino ngamalila insila yane, leelo icha ningo ukumalila ulwendo lwane nuomfi wane, uno napokelile uku Mwene Yesu, ukwimikila iswi-sipe ilya nkumbu shi Leesa.

Milimo 21:13

Apano Paulo avwanga ati: “Muluchita chintu uli, ukulila nu kunfisya uku mweso? Kuno nemwi nzumile, asu kunyepwa sile, leelo nukufwa kwene, um-Yelusalemu uku nnandu wizina lya Mwene Yesu.”

1 Kolinto 9:25

Leelo wino aile ukuyulwila akuluwima vyonsi. Wene yakuluwima kuti yapiwe unnambu uno ulusila, leelo swemwi tupokelele unnambu uno utalusila.

Aefeso 2:2

Yano mwachitanga kali uku kulondela imiele ya nsiyi, nu kunndondela umwene wa maka ya piyulu, umweso ulye uno uluomba imilimo umu uunjaana yano yapaluka,

Aefeso 6:12

Kuno ukulwa kwitu asi kwa wazi nu mwili, leelo apa wene na maka, uku ikolo ya chanda chi, apa maumba ya viwa viipe um-mikalo ya piyulu.

Yakobo 1:12

Inkata yaakwe untu wino aluzyansya um-mazosyo, kuno ngi wapota aluipokelela inkata ya upuma, yino Mwene walainye yano yamkunda.

1 Petlo 5:4

Na pano uNchemi unkulu wacha waloleka apatiswe, mulupokelela inkata ya ukulu ino itakunyala.

1 Petlo 5:8

Mutekane angi mulamwike. Kuno kapingula wino, Chiwa, aluswaswata wi kalangu alung'onta, angi alusita untu wa ku sonsomela.

Uswelulo 13:14

Nayo iluzosya yano yatenzi umunsi uku vilangizyo vilye fino yapiwa ukuchita apa nkala iyo. Yanena yano yatenzi umunsi yachite ichilui ku nkala iyo, yino yali nuluma lwa mpanga, leelo lwapola,

Uswelulo 13:2

Ni nkala iyo ino nawine yakozile ingwi, na mulu yaakwe yakozile kunti mulu yi dubu, nu nnomo waakwe kunti unnomo wi kalangu. Ichizoka champa amaka yaakwe ni chisumbi chakwe icha ukulu nu uposi tupu.

Uswelulo 13:7

Yapiwa kaili ukulwa isumo na aswepe nu kuyapota; yapiwa uposi pa nko zyonsi ni mipanda ni mivwango na antu yoshi.

Uswelulo 17:14

Ayano yalulwa nu Mwana-nfwele; leelo uMwana-nfwele aluyapota, kuno wene uMwene wa aene, na kaili Nnâsi wa alâsi, na yao yano yali ponga nawe, ayano yisilwe nu kusololwa, ayakutailwa.”

Uswelulo 2:13

Manyile pano utesi ali pa chisumbi-cha-ukulu ichi Shetani; newe walemasha nkani isina lyane; utachili ukane usumilo wane, nanti pa manda yi Antipa, shuta wane wa kutailwa, wino wumosilwe pali mwemwe, pano Shetani atesi.

Uswelulo 2:9

Manyile amachulo nupina wako—lelo we nsavi—imanyile intusi shao, yano yaluti: Swe aYudea; nayo yasi yeneyo, leelo ikongani li Shetani.