Uswelulo 1:1 - UPANGANO UPYA

¹ Uswelulo wi Yesu Klisto, uno wapilwe na Leesa, alange aomfi yaakwe ifintu fino fitaluula ukwisa suwa. Nawe watuma ukwikasa lyi malaika wakwe, kunnandila umuofi waakwe Yoane,

Uswelulo 1:1 ပူးပေါင်းရင်းမြစ်များ

Yoane 12:49

Kuno inene ntaufwangile apa lwane nenga, leelo Tata wino wantumile, unkola uwino wannena fino ndusunda na fino ndulanda.

Yoane 15:15

Ntalumwita yazya kaili, kuno unzya atamanile chino umwene waakwe aluomba; leelo mwemwi namwita yakatane, kuno fyoshi fino napulika kuli Tata namumanyisha.

Yoane 17:8

Kuno amaswi yano wampile, nayapa, nayo yayapokelela, yamanya ningo fino nafumile kuli wewe, yasumile fino wewe wantumile.

Yoane 3:32

Fino wawine nu kufipulika ifino alulanda, leelo kusi umwi wino alupulika amaswi yaakwe.

Yoane 8:26

Indi ni ifintu tupu ifya kulanda nu kuputula kuli mwemwe, leelo wino wantumile uwa chumi; nene yano napulika uku nkola, ayano ndulanda kuno ukunsi.”

Aloma 16:25

Apa kasalaka utensyo kuli wiyo wino angamupa amaka ukuyana niswi-zipe lyane nu ku kusundwa kwa maswi yi Yesu Klisto, ukuyana nuswelulo wa melengwe yano yafisime fuma kali na kali.

Agalatia 1:12

Kuno ntalipokelile uku ntu, nanti ntasambilile uku ntu, leelo uku uswelulo wi Yesu Klisto.

Aefeso 3:3

Vino apa kuswelwilwa nalangililwe amelengwe yao ndi fino ntitangula ukwandika uku maswi mache.

Tito 1:1

Paulo umuofi wi Leesa nu ntume wi Yesu Klisto, uku nnandu wa usumilo wa yasololwa yi Leesa, nu kumanya kwa chumi, kuno kuine ichopo-kuli-Leesa.

Uswelulo 1:19

Ichino wandika fino walola, fino filipo na filye fino vilwiza apa chisila chi fiyo.

Uswelulo 1:9

Nene Yoane, uwachino nu muminkani ponga nemwe um-machulo nu Wene nu nte muli Yesu. Nali um-manda yino yakuluti Patmo, uku nnandu wiswi lyi Leesa nu shuta wi Yesu.

Uswelulo 17:1

Awiza wenga pali yamalaika yalye saba aya ngeso zilye saba, avwanga nene, ati: “Nguna ku. Nankulanga uputuzi wa nchende wilye unkulu, wino akulwikala apa manzi yinji.

Uswelulo 19:10

Nene napona apa mulu yaakwe, ukuti nsukamile. Wannena, waati: “Lola, utachichita fiyo! Nene umuofi nnyonko nu wu chako muli yano yali nusyuta wi Yesu. Sukamila Leesa! Kuno usyuta wi Yesu ali umweso wa malau.”

Uswelulo 19:9

Nga wannena, waati: “Wandika: inkatao yano yalalikwa ku chimulo cha winga wa Mwana-nfwele.” Annena, ati: Amaswi ya aya kutailwa ayi Leesa.”

Uswelulo 21:2

Nga nalola unzi ulye umswefu, Yelusalemu mpya, ulwika ukufuma umwiyulu kuli Leesa, wateyanyiwa wi nawinga, wino atayemviwa kuli iya.

Uswelulo 21:9

Nga awiza wenga pali yamalaika yaye saba, yano yali na zilye ingeso saba, zyazyuzile ivilumbelo saba ivya kumalilila, nawe avwanga, ati: “Nguna ku, nene nankulanga nawinga wilye nka Mwana-nfwele.”

Uswelulo 22:1

Apano wasya wandanga uluzi lwa manzi ya upuma, luno lulumesa kunti bilauli, lwafuma un-chisumbicha-ukulu ichi Leesa, ni cha Mwana-nfwele.

Uswelulo 22:16

Nene Yesu, natuma malaika wane kuti amwimikile ifintu fiyo um-makongani. Nene ndi Sinda nu mpanda wi Daudi, nankokola-wa-katondo aluyengesa.”

Uswelulo 22:6

Apano wannena, waati: “Amaswi ya aya kutailwa ni chumi. Nu Mwene, Leesa uwa myenzo ya malau, watumile malaika waakwe ukulangilila aomvi yaakwe ifintu fino vilungime ukwiza zuwa.

Uswelulo 22:8

Ne Yoane, wino napulika nu kuvilola ifintu fiyo. Walangi pano napulika nu kuvilola, naponile ukuti nfukamile apa mulu yi malaika wilye wino wandanga fiyo.

Uswelulo 22:9

Leelo wene wanena, waati: “Lola, utachichita vi! Nene momvi ponga newe nu wachako, apa amalau, nu wi yalye yano yalemile amaswi ya chitabu chi. Fukamila Leesa!”

Uswelulo 4:1

Apa chisila cha yintu fiyo nalolekesya, nalola unnyango uwuyulika imwiyulu; niswi liyo ilya ntangulo, lino napulike, wiswi lyi penga, liluvwanga nene, liti: “Kwele uwize ku, nene nankulanga ifintu fino viluwako apa chisila cha ifintu fiyo.”

Uswelulo 5:7

Wiza watola ichitabu chilye umwikasa lyaakwe ilya kwilunji ili wiwi wino watenzi apa chisumbi chilye icha ukulu.