Milimo 9:3 - UPANGANO UPYA

³ Nga pano wapitanga, lino wapalamila uku Damaski, zuwa umwengelela ukufuma umwiyulu wamochelesha.

Milimo 9:3 ပူးပေါင်းရင်းမြစ်များ

Milimo 22:6

“Nga pano napitanga napalamila uku Damaski unsanya pakasi, zuwa umwengelela ukufuma umwiyulu wangochelezya konsi konsi.

Milimo 9:17

Anania apita, aya awingila un-ng'anda iyo, amwikila amakasa pa ntwe wakwe, ati: “Saulo, wachane, uMwene Yesu wantuma, wino wauswelwile kuno uli un-nsila ino wizile, kuti unnola kaili, ushule uMweso Nswefu.”

Milimo 9:27

Leelo Balanaba amkumbukila, amtwala uku mitume, ayalandila fino wawine uMwene un-nzila, nukuti wavwanzile nawe, na fino wasunzile uku chiposye um-Damaski ukwizina li Yesu.

1 Kolinto 15:8

Ni chisila chayantu yoshi walolike kunondi, kanti untu wino wavilwepano amanda yatatana yafika.

1 Kolinto 9:1

Chene! inene nsi kauwele? Asi ne ntume? Chene! ntawine Yesu uMwene witu? Chene! umwemwe asi mwe nnimo wane um-Mwene?

1 Timoteo 6:16

wino wene wenga kwene atangi azanwa ninfwa, wikala um-mwengelela, uno utangi upalamilwe, kusi nanti untu wino watana wannola, nanti uwino angannola. Unchinzi na maka uli nawe fika na manda ti. Chiwe fiyo kwene.

Uswelulo 21:23

Nunzi ulye utalusita ilanzi nanti mwezi ukuwala mwenemo; kuno ukulu wi Leesa ukuluuswefezya, na tala waakwe uMwana-nfwele.

Uswelulo 22:5

Nga kutaluwa usiku kaili; yatalusita umwengelela wi tala nanti umwengelela wi lanzi, kuno Mwene Leesa aluyakozezya; nayo yalulâsa manda ti na ti.