Luka 9:26 - UPANGANO UPYA

²⁶ Ichino fiyo wensi wino wacha wandolela insoni nene na maswi yane, uMwana-ntu alunndolela insoni untu wiyo, pano wacha wisa um-ukulu wakwe, nu wi Tata nu wi yamalaika yaswepe.

Luka 9:26 ပူးပေါင်းရင်းမြစ်များ

Mateo 16:27

Kuno uMwana-ntu alwiisa um-ukulu wi isi poonga na yamalaika yaakwe, apano alupa chila untu kulingana ni milimo yaakwe.

Mateo 25:31

“Pano wacha wiisa Mwaana-ntu um-ukulu waakwe, na yamalaika yooshi poonga nawe, apano alwikala apa chisumbicha-ukulu waakwe.

Mateo 26:64

Yesu wannena, waati: “Wewe walaanda, Leelo ndumunena, ukufuma li kweene mulunnola uMwaana-ntu ateesi ikasa ilya kwilunji ilya Maka, alwisa apa mapufi ya mwiyulu.”

Malko 8:38

Kuno untu wensi uwacha wandolela insoni nene na maswi yane, apa luko lu ulwa upundu na maifyo, uMwana-ntu alunnolela insoni untu wiyo, pano wacha wiza um-ukulu wi Tata ponga na yamalaika yaswepe.”

Yoane 12:43

Kuno yakasime ukulu wa ku antu ukuluta ukulu wa kuli Leesa.

Yoane 5:44

Mungasumila uli mwemwe yano mulupokelelana ukulu mwenga, nukulu uu uno ufumile kuli Leesa wino ali wenga, mutaluusita.

Milimo 10:22

Yaati: “Koloneli unkulu wa yasalifi, untu wa chumi, wa chopo kuli Leesa; wino antu yoshi um-Yudea yamchindika; wanenilwe na malaika nswepe ukutuma antu kunuli, uye uku ng'anda ukwakwe, ukuti akapulikisye amaswi kunuli.”

Aloma 1:16

Kuno ntalulola insoni ukwiswi-sipe; kuno amaka yi Leesa, yano yaluleta ufyusi kuli wensi wino wasumila, intangula uku aYudea na ku aGliki kwene.

2 Kolinto 12:10

Ichino ndusipilwa um-utonte nu kusulwa, nu kusunywa nu kuwingwa nuchusi apa nnandu wi Klisto, kuno pano nene ndi um-utonte, apano ndi na maka.

Agalatia 6:14

Leelo nemwi ntalusita ukuutensya, siku manye uku nsalaba wa Mwene witu Yesu Klisto, kuno kuli wiyo insi yafwilile kuli nene, nene kwene ukunsi.

1 Timoteo 5:21

Ndukukonkomezya pali Leesa na pali Klisto Yesu, na pali yamalaika asolole, uchite ifintu fiyo, nanti kusya limwi; utaomba iswi limwi ukukuwila kumwi.

2 Timoteo 1:12

Ichaleka nazanwa na machulo ya, leelo ntalukulwa untwe, kuno mmanyile wino nazumila nu kulola fino angasunga ningo chino wansêkela, fika nu wanda ulye.

2 Timoteo 2:12

Ndi twatekumweeso, tululâsa ponga nawe kwene. Ngi twantaluka unkola, nawe kwene alututaluka sweswe.

Aeblania 11:26

Angi alwala fino ukusulwa kwi Klisto usavi unkulu ukuluta insao sha mu Misili. Kuno walolelanga chilambu.

Aeblania 13:13

Ichino tufume tuye kunali ukunsi ya nkambi, angi tusensile imisuli yaakwe.

Yuda 1:14

Ifintu vi walawisha Enoki, wino wali untu wa saba ukufuma Adamu, ati; ‘Lolini, uMwene alwisa ponga naswepe yaakwe amaelfu na maelfu.

Uswelulo 1:7

Lola alwiza na mapufi na maaso yoshi yalunnola, na yao kwene yano yamtosile; ninko zyonsi izya kuno kusi silulosha pa nnandu wakwe. Ifino chili, chiwe fiyo kwene;

Uswelulo 20:11

Apano nalola ichisumbi-cha-ukulu ichikulu chitiswe, na wino awikalile penepo, wino insi niyulu vilumwituka, nu wikalo waakwe vyo utalolike.

Uswelulo 21:8

Leelo aya ngofi na yano yatasumile, na autakati na yumozi, napundu, nalozi, na yao akupepa myao, na yaufi yoshi, uwikalo wao umuli yemba wilye uwa moto ni sanku; alai ali mfwa ya uwili.”

Uswelulo 3:5

“Wino wacha wapota, wene aluzwikwa imyenda imitiswe wi yao; nga ntaluzimya izina lyaakwe un-chitabu cha upuma; leelo ndwimikila izina lyaakwe apa maaso yi Tata na pa maaso yi yamalaika yaakwe.