Luka 5:24 - UPANGANO UPYA

²⁴ Leelo mmanye fino uMwana-ntu ali na maka kuno ukushi aya kwelela amaifyo—wanenile uwitenda—ndukunena fi: katuka, utwike ichitala chako upite uku ng'anda ukwako.”

Luka 5:24 ပူးပေါင်းရင်းမြစ်များ

Mateo 16:13

Nga pano Yesu waya uku mbali ya Kaisalia Filipi, atondosha alondeshi yaakwe, ati: “Yakulutaka uMwaana-ntu, yaati: Uwini?”

Mateo 25:31

“Pano wacha wiisa Mwaana-ntu um-ukulu waakwe, na yamalaika yooshi poonga nawe, apano alwikala apa chisumbicha-ukulu waakwe.

Mateo 26:64

Yesu wannena, waati: “Wewe walaanda, Leelo ndumunena, ukufuma li kweene mulunnola uMwaana-ntu ateesi ikasa ilya kwilunji ilya Maka, alwisa apa mapufi ya mwiyulu.”

Mateo 28:18

Nga Yesu awiisa kuno yali, afwaanga nayo, ayanena aati: “Napiwa amaka yooshi umwiyulu na paasi.

Mateo 4:24

Amaswi yaakwe yalumbuka uku Silia yooshi. Yandeetela yooshi yano yaombokela ni mboombo sha chila mboombo na machuulo, yano yali ni fiwa na ya fifumfumi na yitenda, nga wayaposha.

Mateo 9:6

Leelo kuti mumanye fino uMwaana-ntu ali na maaka kuno ukuushi aya kweleela amaifyo, aneena uwi tenda, ati: Katuka uutwiike ichitala chaako, upite uku ng'anda ukwaako.”

Luka 5:13

Nawe akatusha ikasa lyaakwe, amwemya, wati: “Nkasime, swepa.” Liyo kwene intana yaakwe yanshila.

Luka 5:18

Nga lolini, yisa antu yaseshile untu witenda apa chitala yashita ukuntwala unkashi nu kumbwika panali.

Luka 5:23

Ichangupala chilikwi? Ukuti: ‘Welelwa amaifyo yako,’ nanti: ‘Katuka, upite?’

Luka 7:14

Wapalamila, wemya ichela—yano yaseshile yimilila—wafwanga ukuti: “Unndumendo, ndukunena, katuka!”

Luka 8:54

Wanndema ikasa, afwanga ukwiswi kulu, wati: “Mwana, katuka!”

Yoane 11:43

Nga pano wafwanga fiyo, awita ukwiswi ikulu, ati: “Lazalo, fuma ukushi!”

Yoane 17:2

Ndi fino wampile amaka uku yantu yoshi, ukuti yoshi yano wampa, ayape upuma wa manda ti.

Yoane 3:13

Kusi untu wino watana wakwela umwiyulu, siko wino wika ukufuma umwiyulu, ali Mwana-ntu.

Yoane 5:27

Nawe wampa amaka ya kuputula imilandu, kuno uMwana-ntu.

Milimo 14:10

Avwanga ukwiswi ikulu, ati: “Katuka uwimilile uku mulu yako!” Apano awimilila zuwa ampitana.

Milimo 5:31

Untu wi Leesa wankusha ukwikasa lyaakwe ilya kwilunji, awe Katungulula na Kafyusha, ape aIslaeli ukuvipela nu kwelelwa amaifyo.

Milimo 9:34

Nga Petlo annena, ati: “Ainea, Yesu Klisto wakuposha; katuka ukonze chitala chako.” Liyo kwene ankatuka.

Milimo 9:40

Petlo wayafumya yoshi apanzi, wafukama, walomba; nga alungama uku chala chiyo, avwanga ati: “Tabita, katuka!” Nawe pano wakupula amaso yaakwe nga walola Petlo, wakatuka, wikala.

Uswelulo 1:13

na pakasi ya fimikilo nalola umwi akoline nu ntu. Azwite mwenda ufisile umulu, anyefile unkowa wa saabu pa chifuwa.