Luka 4:18 - UPANGANO UPYA

¹⁸ “Umweso wa Mwene uli ponga nene, kuno wampaka amafuta, ukuyumila apina imbila yi Iswi-sipe; wantuma ukuyumila imbila yano yanyepwa ukusapulwa kwao. Napofu ukupiwa ukulola kaili, nu kukulula yano yaonelwa.

Luka 4:18 ပူးပေါင်းရင်းမြစ်များ

Mateo 11:5

Apofu yalulola, aya matenda yalupita na ya ntana yaluswefiwa, yachipuuli yalupulika, nafwi yalututululwa, napiina yalusuundwa iswii-isiifu.

Mateo 12:18

“Lolini, umboofi waane, wino nasolola, wino nakuunda, umweeso waane ukuchiimba kunalii. Nanntela uMweeso waane panalii. Nawe aluyumila imbila aya kuluukuwa uputushi wa milandu.

Mateo 12:20

Itete lino ipete, atalulifuna. Naanti utaambi uno ulufumya ilyuushi, ataluushimya. Ukufika lino kwaacha waleeta uputushi wa milaandu uku maka.

Mateo 4:16

Antu yaya, yano yikashile un-chaanda, mwengelela unkulu. Nayo yano yikashile un-nsi ni chisau cha lufu, mwengelela wiisila.”

Mateo 5:3

“Inkata yao apina ya mweeso, kuna uweene-wa-mwiyulu uwao.

Luka 4:17

Yampa ichitabu chi lau Isaya, wakupula washita pano paandikwe vi:

Luka 6:20

Ainuluka walolekesha alondeshi yaakwe, wati: “Inkata yino mwemwe mwe yapina, kuno uwene-wi-Leesa uwino.

Luka 7:22

Apano wayanenile, ukuti: “Yangini mukalandile Yoane ifintu fino mwalola nu kufipulika: apofu yalulola, aitenda yalupita, aya ntana yaluswepa, yachipuli yalupulika, afwi yalututululwa, apina yalusundwa iswi-sipe.

Yoane 1:41

Intangulo kwene wiyo wawine Simoni unnina, wannena, waati: “Twalola Mesia (alikuti: Klisto).”

Yoane 12:46

Nemwi nisile ukuti mbwe mwengelela wa kunsi, ukuti untu wensi Wino wansumila, atacha ikala un-chanda.

Yoane 3:34

Kuno wino watumilwe na Leesa, akululanda amaswi yi Leesa, kuno atakufumya uMweso uku kulinganya.

Milimo 10:38

Amaswi yi Yesu wa ku Nazaleti, fino Leesa wampakile amafuta uku Mweso Nswefu na maka; nawe walîlanga ku na ku, angi aluomba imilimo mizipe, nu kupozya yoshi yano yaluchuziwa na chiwa; kuno Leesa wali ponga nawe.

Milimo 26:18

uyalansye nu kuyaseleula yasye ichanda nu kuseleukila umwengelela, yate na maka yi Shetani, nu kuungama kuli Leesa, kuti yelelwe amaifyo yao, nu pyani kuno yali yano yaswefiwa uku usumilo uno uli kunondi.’

Milimo 4:26

Aene ya nsi yakatukila, na ikolo yamba apali ponga, uku Mwene na Klisto wakwe.’

Milimo 4:27

“Kuno umwenemo, Yelodi na Ponsio Pilato ponga na akulukuwa na antu ya mwIslaeli yakonganile umunzi uu, apa uMuofi wako Unswefu, Yesu, wino wampaka amafuta.

Akolosai 1:13

Nawe watutuzile um-maka ya chanda, atusamya nu kutwingizya um-wene wa Mwana wa lukundo lwakwe.

Yakobo 2:5

Yachane yakundikwa, pulikisyini. Chene! Leesa atasolwile apina ya nsi i, yawe asavi ya usumilo na ya upyani wa wene uno wayalainye kuli yano yamkunda?

1 Petlo 2:9

Leelo mwemwi mwe luko lusolole, ukapela wa wene, antu yaswepe, antu ya wene wi Leesa; kuti mume imbila ya milimo ikulu yaakwe, wino wamwisile kuti mufume un-chanda, mukingile um-mwengelela waakwe uwa kusunguka.