Luka 15:22 - UPANGANO UPYA

²² Leelo isi wanenile umuofi yaakwe, ati: ‘Letini suwa umwenda uno uli ningo, mnswike; mnswike mbalaminwe apa nwe wakwe, ninfwato nswikini.

Luka 15:22 ပူးပေါင်းရင်းမြစ်များ

Luka 15:21

“Umwana wiyo anena isi, ati: ‘Tata, nonona umwiyulu na pali wewe; ntaile ukwitwa mwanako kaili.’

Luka 15:23

Letini indama ii ino yatelepe, muikome; neswe tulye nu kuchimba.

Aloma 13:14

Leelo Mwene Yesu Klisto awe umwenda wino wa kuzwala, nga mutachisoma ivya mwili nu kukatusya ivisitwa fyaakwe-o.

Aloma 3:22

fino ichumi chi Leesa uku nsila ya kusumila muli Yesu Klisto kuli yoshi yano yazumila; kuno chitaleunkine.

Aloma 8:15

Kuno mutapokelile umweso-wa-usha, uno uku-leta kaili ngofi; leelo mwapokelile uMweso wa kuchitwa ana, kuli weneo tulwita: Aba, kuli kuti: Tata.

Agalatia 3:27

Kuno mwemwe mwensi yano mwabatiziwa muli Klisto, mwawa muli Klisto.

Aefeso 6:15

Nu ku mulu muswale infwato ukuuteya iswi-msifu lya uwelezyo.

Uswelulo 19:8

Nawe watapiwa ukuyemba umwenda untiswe ntelepwe uno wazipa nkani. Kuno umwenda ntelepwe uo, imilimo iya chumi iya aswefiwa.”

Uswelulo 2:17

“Wino ali na makutwi, apulike iswi li lino Mweso alunena makongani. Wino wacha wapota, ndumwankanya imana iyo, ino yafiswa, nene ndumpa ifinga itiswe, na pifinga liyo pandikwe izina ipya lino umwi atalimanyile, siku wino alulipokelela.

Uswelulo 3:18

nakupa iswi, ukale ukwane zaabu yino yengulwa um-moto, kuti uwe nsavi, ni myenda mitiswe uzwale, kuti insoni zya kwikala tupu zitachiloleka, nu nnembo wa maaso uwa kupakala, kuti ulole.

Uswelulo 6:11

Nayo yapiwa chila wiyo mwenda untali untiswe, yanenwa kuti yatane yakapuze, kwasyala manda mache, fika na lino yacha yafikilila aomvi na chao kwene anina, yano yalumolwa fiyo kwene wa yakola

Uswelulo 7:9

Apa chisila cha ifintu fiyo nafindamila, nalola iumba ikulu, lino pasi untu angalisolozya, antu ya misangano yoshi, ninko zyonsi, ni mipanda ni mivwango yimilile apa nkolelo ya chisumbi chilye cha ukulu, na pa nkolelo ya Mwana-nfwele, yazwite imyenda mitiswe, yali na makambalala ya mikoma um-makasa yao.