Afilipi 4:8 - UPANGANO UPYA

⁸ Apa chisila yachane, ifintu vyonsi fya chumi, vyonsi ivya nchinzi, vyonsi ivya kapanga, vyonsi ivya ningo, vyonsi fino vingakundikwa, vyonsi fino vilutensiwa ningo, ngi kungawa uku vyalika konsi, ngi kungawa ukutensiwa konsi kwene, mwelengule ningo uku ifintu fiyo.

Afilipi 4:8 ပူးပေါင်းရင်းမြစ်များ

Mateo 22:16

Yatuma alondeshi yao kuno ali poonga na ya Yelodi, yalaanda, yaati: “Kasambilisha, tumanyile fino weewe ntu wa kapaanga, ni sila yi Leesa ulusambilisha ningo, naanti utalondiile ukulu wa ntu, kuno utakulola uushu wa antu.

Malko 6:20

kuno Yelodi wopanga Yoane, wammanyile fino untu wa chumi nu wa uswepe; amchinga, nga pano wampulikisya asima nkani, nawe wampulikisyanga uku kuchimba.

Luka 16:15

Ayanena, wati: “Mwemwe muli yano mukuluushisha apa maaso ya antu, leelo Leesa amanyile imyenso yino. Kuno chino chachindikwa uku antu, apa maaso yi Leesa chaipa.

Luka 2:25

Nga lola uku Yelusalemu kwali untu ishina lyaakwe i Simeoni, nawe untu wa chumi, wachindika Leesa nu kulolela utekesho wa Islaeli, nu Mweso Nswefu wali ponga nawe.

Luka 23:50

Nga lolini, awisa untu wenga, ishina lyaakwe Yosefu, untu wa mwitengo, untu unsipe, unfumi wa chumi

Yoane 7:18

Wino akuluufwangila wenga apa lwakwe sile, akulusita ukulu waakwe unkola, leelo wino akulusita ukulu wi wino wantumile, wiyo uli wa ningo, asi nuipe umwi munali.

Milimo 10:22

Yaati: “Koloneli unkulu wa yasalifi, untu wa chumi, wa chopo kuli Leesa; wino antu yoshi um-Yudea yamchindika; wanenilwe na malaika nswepe ukutuma antu kunuli, uye uku ng'anda ukwakwe, ukuti akapulikisye amaswi kunuli.”

Milimo 22:12

“Ngu ntu wenga, izina lyaakwe i Anania, untu wa kapanga uku Ntambi, wino wavwangilwa uluzifu na aYudea yoshi, yano yatenzi kweneko,

Milimo 6:3

Ichino yachitu, tusolole antu saba muno muli, yano yalumbuka um-vizipe, nayo yazyula uMweeso na mano, ukuti tuyawike apa milimo yi.

Aloma 13:13

Tuwe ni miele ya nchinzi, ndi fino chiile kupita unsanya, asi ku mvimbi nukolesi, asi ku nyamvi nupundu, nanti ku mpanzyela nuzuwa.

Aloma 13:3

Kuno yakalâsa yatalofya antu yano yaluchita ivizipe, leelo yano yaluchita iviipe. Chene! Ulusita kuti utachopa uwa maka? Chita ivizipe, nawe angakutensya.

Aloma 14:18

Kuno wino aluombela Klisto muli fiyo, aluzipila Leesa nu kuzumilwa na antu.

Aloma 2:29

leelo wene mYudea wino mYudea unkasi, nachi chili chibalu cha chumi chino chachitwa um-mweso, uku Mweso, asi kulya-ndiko; ichino ukutensiwa kwakwe kutafumile uku yantu, leelo kuli Leesa.

1 Kolinto 4:5

Ichino mutachiputula unnandu wiswi limwi, pano amanda yakwe yachili yafika, ukufika na lino uMwene alwiza, wino alukozya ifintu vyonsi fino vyafisama un-chanda, na kaili uwino aluswelula apatiswe amelenguzi ya myenzo. Pao apano chila ntu alulola ichakuti autensezye kuli Leesa.

2 Kolinto 13:7

Neswe tulupepa Leesa mutachita chimwi ichiipe, asi kuti tuloleke fino tutakanike, leelo kuti mwemwe muchite ifisipe, nanti fino swemwi tuli wi yano yakanika.

2 Kolinto 6:8

Nanti uku ukulu nanti ukusulwa, nanti ukuvwangilwa ifiipe nanti ifisiipe; wa antu yano yalsosha, leelo swe antu ya chumi.

2 Kolinto 8:18

Nga tumtuma ponga nu wachitu wenga, wino kutensiwa kwakwe kwa kusunda kwiswi-siipe, kwalumbuka um-makongani yoshi.

2 Kolinto 8:21

Kuno tukulwelengula uku ifintu fisipe, asi pa Mwene sile, leelo na pa maaso ya antu kwene.

Agalatia 5:22

Leelo ichisêke cha Mweso ulukundo, ukuchimba, uwelezyo, ichelelezi, uuntu, uzipe, ukutailwa,

Aefeso 4:25

Ichino zulini ufi, muvwangilane ichumi cnia ntu uku ya mwipamba, kuno sweswe vyai, chila wenga ichai cha yanina.

Aefeso 5:9

Kuno ichisêke cha mwengelela uvyalike onsi ni chumi cha kapanga ni vya mpomvu.

Aefeso 6:14

Ichino swalini shileme, muunyepa icha kapanga um-misana, nu kuzwala cha ku chingila cha chumi apa chifuwa.

Afilipi 3:1

Na apa chisila, yachane, chimbai um-Mwene. Ukumwandikila ifintu vivi kwene chitaifile kunondi, leelo chingamusipila.

Akolosai 4:5

Mupitae uku mano kuli yao aya kunzi, ukuti muombele amanda yao ningo.

1 Tesalonike 4:12

Ukuti mupite uku nchinsi kuli yano yali apansi, nga mutaulilwa chimwi.

1 Timoteo 2:2

uku yene na yoshi yano yamulâsile, twikale tutekine na chele, uku chopo-kuli-Leesa nu nchinzi wonsi

1 Timoteo 3:11

Ifino na achi yao kwene yawe aya nchinzi; asi ya kaifikizya, antu yano yatekana, aya kutailwa um-ifintu vyonsi.

1 Timoteo 3:4

Wino alulolela ing'anda yaakwe ningo, wino akululindikanya anakwe ningo ku nchinzi wonsi.

1 Timoteo 4:12

Untu wensi atachisula ulumendo wako; leelo uwe chilangizyo kuli yano yazumila, um-mvwango ni miele, undukundo nusumilo nu uswepe.

1 Timoteo 5:10

Nawe wavwangilwa ivizipe uku milimo yaakwe imizipe, ndi watana walela ana, nu kupokelela aeni, ndi akulufula mulu ya aswepe, ndi akulwazwilizya aya machulo, ndi wakônka ukunte chila unnimo unzipe.

1 Timoteo 5:2

Akolechi wi ya nyoko, na anachi asungu wa asiche yako, um-uswepe onsi.

Tito 1:8

Leelo awe ni lya uuntu, akunde ifisipe, atekine, uwa chumi, unswefu wa mweso, waikola.

Tito 2:14

Wino waufimile upuma waakwe uku nnandu witu, kuti atukulule um-viipe vyonsi nu kuswefya antu yawe ayaakwe unkola, yano yali nunte ukuomba imilimo misipe.

Tito 2:2

Fino akombe yatekane, yawe nu nchinshi, yau-kôle, aya mano yano yaloloka um-usumilo nu ndukundo nu nte.

Tito 2:7

Umifintu fyonsi uwe nkolela we nkola, ukuyalanga imilimo mizipe, na masambilisho yako ukuyalanga ichumi nu kuikola,

Tito 3:14

Antu yitu nayo yasambilile ukuomba milimo misipe, ukuyaswa yanji fino yaulilwe, yatawa nanti visêke.

Aeblania 11:2

Kuno kuli uo ayikolo yitu yimikilwe.

Aeblania 13:18

Mutupepelae; kuno tusumile fino tuli nu mweso ntiswe, angi tulusita ukuwa ni miele ya ningo um-ifintu vyonsi.

Yakobo 1:27

Idini iswepe kwaula ilyala apa maaso yi Leesa Tata, iyi: ukusungula ana asyala na asimbe um-machulo yao, nu kuukola yatautela um-fiipe fya kuno ukunsi.

Yakobo 3:17

Leelo amano yano yalufuma umwiyulu, kuluta fyonsi, yasipa kaili aya utekano aya utonsu, yali zuwa ukupulikisya amaswi ya antu, yafyula inkumbu ni visêke vizipe, yatakuwilila, yasi nufi.

1 Petlo 1:22

Pano mwaswefya imyeso ino uku kuchindika ichumi, muwe nu lukundo lwa ali yonga ulusi lwa ufi, muchite amaka uku kundana uku mweso.

1 Petlo 2:12

Muwe ni miele ya ningo apa akulukuwa, ukuti, ndi yakulumwifikisha fino mukuchita ifiipe, pano yalola imilimo ino imisipe, yateshe Leesa uwanda wa kwishilwa.

1 Petlo 4:8

Ukuluta fyoshi muwe nunte ukukundana, kuno ulukundo lukulukuwa ukufula kwa maifyo.

2 Petlo 3:1

Yakunde, imbaluwa i iya uwili ukumwandikila mwemwe; kuli shonsi siili ndumulansha imyeso ino iya chumi uku kumwelengusha,

1 Yoane 3:18

Yana yanono, tutakundana uku maswi sile, nanti apa lulumi, leelo uku milimo ni chumi.

1 Yoane 3:3

Na wesi uwa utailo u muli wenewe, akuluuswefya ndi fino nawe unsevefu.

1 Yoane 4:1

Yakundikwa, mutazumila imyenzo yoshi, leelo mwezye imyenzo iyo, ngifumile kuli Leesa; kuno yakalauzya ainji aya ufi yatunka kuno ukunzi.