Afilipi 4:19 - UPANGANO UPYA

¹⁹ Na Leesa wane alumupa vyonsi fino mulusita ukuyana nu usavi wakwe, umu ukulu, muli Klisto Yesu.

Afilipi 4:19 ပူးပေါင်းရင်းမြစ်များ

Mateo 6:32

Kuno ifiintu fi fyooshi akulukuwa yakulushita; kuno So wino uwa mwiyulu amanyile fino mulushita fiyo fyooshi.

Yoane 20:17

Yesu wannena, waati: “Utandema, kuno nchili mpite ukuya kuli Tata; leelo pita uku yachane, ukayanene fino: napita ukuya kuli Tata, nawe iSo wino, kuli Leesa wane, nawe iLeesa wino.”

Yoane 20:27

Nga wanena Toma, waati: “Leta pa unwe wako, ulole amakasa yane, ulete ikasa lyako, ulitele unduwazu lwane, utawa untazumila, leelo wino aluzumila.”

Aloma 1:8

Intangulo ndunsamalisha Leesa wane muli Yesu Klisto kuli mwemwe mwensi, kuno usumilo wino ulupulikikwa umunsi yoshi.

Aloma 11:33

Vino zili nukulu insao na mano nu kumanya kwi Leesa, Uputusi waakwe utakufipililwa nanti nsila shaakwe sitangi sisitike!

Aloma 2:4

Nanti ukusula uvuzu wa utontesye waakwe nu kuzizimizya kwakwe ni chelelezi chakwe, uta-manya fino utonte wi Leesa ungakutwala un-nzila ya kuvipela?

Aloma 8:18

Kuno ndwelengula amachulo ya makati ya kasalaka, fino chisi chimwi apa ukulu ulye uno uluswelulwa kuli sweswe.

Aloma 9:23

Na kaili aumanyisya uwinji wa utensyo waakwe muli fiyo ififya fya kukumbukilwa, fino wateinye fuma kali viwe nukulu.

2 Kolinto 12:21

Chileka ndopa, pano nacha nisa kaili, Leesa wane alunchefya kuli mwemwe, nene ndulola chikonko pa nnanduwa inji yano yaifya fuma kali, nanti kuvipela uku utakati nu pundu nu nyamfi, uno yachisile.

2 Kolinto 4:17

Kuno uchusi witu uwa manda mache, uno ulusila suwa, ulutuchitila ukulu wa manda yoshi uno ulufulisha.

Aefeso 1:18

Amanso ya myenzo yino yatelwe umwengelela; mumanye utailo wa lwito lwakwe, fino uli, nu savi wa ukulu wa upyani waakwe um-yaswefiwa, fino uli.

Aefeso 1:7

Muli Wenewe tuli nukuluzi uku wasi wakwe, ukwelelwa kwa maifyo, ukuyana nu kuvula kwa nkumbu zyaakwe,

Aefeso 2:7

Ukuti um-myaka ino ilwiza, alange uvuzu wa nkumbu zyaakwe zino zitangizilingwe, uku utonsu waakwe kuli sweswe muli Klisto Yesu.

Aefeso 3:16

amupe, ukuyana ufyashi wa ukulu wakwe, amukomye uku maka uku nnimo wa Mweso wakwe, um-ntu wa nkashi.

Aefeso 3:8

Nemwi ne nnono nkani apa aswefiwe yoshi, napilwe inkumbi zi, ukusunda akulukuwa usavi wi Klisto, uno utangi ulingwe na chimwi,

Afilipi 4:7

Nu welesho wi Leesa uno ulusile amano yoshi, ulusunga imyenso yino na melengusi ino muli Klisto Yesu.

Akolosai 1:27

Yano Leesa wakasime ukuyamanyisya usafi wa ukulu wa melengwe ya uku yakulukuwa: nawe i Klisto ali muno muli, utailo wa ukulu.

Akolosai 3:16

Iswi li Klisto livulisye nu kwikala muno muli; uku mano yoshi musambilizyanye nu kusundana uku Sabuli ni myimbo ni ntensyo-zyamweso, angi mululundila Leesa um-myenzo ino ku nsamalizyo.

1 Tesalonike 2:12

nu kwimikila ushuta, kuti muwe ndi fino chimuile pali Leesa, wino alumwita mwingile um-wene waakwe num-ukulu wakwe.

1 Timoteo 6:17

Asafi ya kuno kunshi kwa kasalaka, uyasunde yatachiuwanza, nanti yatachiutaila usavi uno ukusila zuwa, leelo yataile Leesa wino akutupa ifintu fyonshi uku winji, ukuti tuviombele uku kuchimba.

Filemoni 1:4

Ndusamalizya Leesa wane amanda yoshi, pano nakwe lengula um-mapepo yane.

1 Petlo 5:1

Ndukonkomesha ayikolo yano yali kuno muli, nene ne wikolo nachao na shuta wa machulo yi Klisto, nu muminkani kwene uwa ukulu uno uluswelulwa:

1 Petlo 5:10

Na Leesa wa nkumbu shosi wino wamwisile mwingila um-ukulu waakwe uwa manda ti muli Klisto, pano mwachula manda mache, unkola alumuyanya nu kumukomya nu kumupa amaka nu kumupa inzyansyo.