Afilipi 3:8 - UPANGANO UPYA

⁸ Endita, na nkani, ndusolozya ifintu vyonsi ukuwa ivya chaka, uku nnandu wa uzipe uno wavulisya uwa kummanya Klisto Yesu, Mwene wane. Wino kuli Wenewe nalovya ifintu vyonsi, navilola ukuwa wa mavi, ukuti inzane Klisto.

Afilipi 3:8 ပူးပေါင်းရင်းမြစ်များ

Luka 1:43

Lyangisila uli iswi li, lino nyina wa Mwene wane awise kunondi?

Luka 11:20

Leelo ngi nemwi ndufumya ifiwa uku maka yi Leesa, fwandi uwene-wi-Leesa uumwisila.

Yoane 14:20

Uwanda uo mulumanya fino ndi muli Tata, nemwe muli nene, nene muli mwemwe.

Yoane 14:7

Ngangi mumanile nene, ngangi mumanile na Tata; ukufuma li kwene mummanile na kaili mwannola.”

Yoane 16:3

Ni ifintu vi yalumuchusha, kuno yatammanile Tata nanti nene.

Yoane 17:3

Nupuma wa manda yoshi uli u, yakumanye we Leesa wenga uwa chumi na Yesu Klisto wino watumile.

Yoane 17:8

Kuno amaswi yano wampile, nayapa, nayo yayapokelela, yamanya ningo fino nafumile kuli wewe, yasumile fino wewe wantumile.

Yoane 20:13

Nayo yannena, yaati: “Mama, ululila chani?” Wayanena, waati: “Kuno iyaatisya umwene wane, nga ntamanyile kuno iyamwika.”

Yoane 20:28

Toma wannena, waati: “Mwene wane na Leesa wane!”

Milimo 20:24

Leelo ntalulanga um-mweso uwikalo wane, kuno chisi chimwi, ndi fino ngamalila insila yane, leelo icha ningo ukumalila ulwendo lwane nuomfi wane, uno napokelile uku Mwene Yesu, ukwimikila iswi-sipe ilya nkumbu shi Leesa.

Aloma 8:18

Kuno ndwelengula amachulo ya makati ya kasalaka, fino chisi chimwi apa ukulu ulye uno uluswelulwa kuli sweswe.

Aloma 8:39

nanti fino fili umwiyulu, nanti fino vili apansi, nanti chi-lengwa chimwi chonsi, chitangi chitupalushe nu lukundo lwi Leesa, luno luli muli Klisto Yesu Mwene witu.

1 Kolinto 2:2

Kuno nakasime kuti ntamanye chimwi kuno muli siku Yesu Klisto, nawe wakonkomilwe.

1 Kolinto 9:10

Chene! ataluvwangila kuno tuli? Endita! Chaandikwe kuno tuli. Kuno wino alulima, alulima nutailo, na wino alupula ali nutailo wa kupungwilwa chimwi.

2 Kolinto 4:4

yano lesa wansi ii wapofusha amelengusi yao yano yatasumile, kuti yatachilola umwengelela wiswi-siipe ilya ukulu wi Klisto, wino ali ichata chi Leesa.

2 Kolinto 4:6

Kuno Leesa wino waatile: “Umwengelela ulochelesha ukufuma un-chanda,” uli wino wochelishe um-myenzo itu, atupe umwengelela wa kumanya ukulu wi Leesa apa maaso yi Klisto.

Agalatia 1:16

Pano wawine fino chizifile ukuswelula uMwanakwe muli nene, ukuti nsunde akulukuwa amaswi yaakwe, liyo kwene ntavwanzile na antu ya mwili nu wasi.

Aefeso 4:13

Fika na lino neswe twacha twafikilila uuminkano wa usumilo nu kummanyikisya nkani uMwana wi Leesa, fika nu kuwa ntu wino aile, nu kufikilila uku ukulu wa chimo cha kuzyula kwi Klisto,

Afilipi 1:1

Paulo na Timoteo, aomvi yi Klisto Yesu, uku yaswefiwa yoshi muli Klisto Yesu, yano yali uku Filipi, ponga na Yaskofu (yakangalila yikongani) na Diakoni. (yakazwilizya)

Afilipi 3:10

Ukuti immanye unkola na maka ya kututuluka kwakwe, nu uminkano wa machulo yaakwe, nu kufwa kwane nkolenkane nu kufwa kwakwe.

Afilipi 3:12

Asi kuti naya nafika, nanti nati mbwa wa mpomvu; awe, leelo ndulemasya umpito wane, kuti indeme chilye chino kuli chenecho ndemilwe na Klisto Yesu.

Afilipi 3:7

Leelo fintu fino vyali unzano kuli nene, navilola ukuwa ivya chaka, uku nnandu wi Klisto.

2 Timoteo 4:6

Kuno, nemwi ntifimwa mbwe chipelo nu kufwa kwane ikupalamila.

Aeblania 3:14

Kuno twati tuminkana na Klisto, ndi twalemasha uku maka intangulo ya utailo witu, fika ni chisila.

1 Petlo 2:7

Ichino unchisi u ukuli mwemwe yano mwasumila; leelo kuli yano yatasumile, “Ifinga lino yakakula yasula, lyawa ifinga ilya kumbali lya chiimbili;

2 Petlo 1:2

Inkumbu nutekano fyungilisike kuno muli, un-kumanya Leesa na Yesu, Mwene witu.

2 Petlo 1:3

Kuno amaka yaakwe aya ulesa yatupa ifintu fyonsi yino fiile uku lipuma nu nchinsi-kuli-Leesa, uku kummanya wino watwisile uku ukulu nusipe waakwe unkola.

2 Petlo 1:8

Kuno ifintu fi ndi fyawa kuno muli nu kufulisha, fitalumuehita ukosu, nanti wa antu yano yasi ni fisêke, uku kummanya uMwene witu Yesu Klisto.

2 Petlo 3:18

Leelo mukule unnkumbu nu kummanya uMwene witu na Katula Yesu Klisto. Ukulu uli nawe, kasalaka na manda ti.

1 Yoane 1:3

Lino twalola nu kulipulika tulumusunda nemwe kwene, ukuti nemwe kwene muminkane neswe. Nu uminkano witu uli onga na Tata, ponga nu mwanakwe Yesu Klisto.

1 Yoane 2:19

Yafumile kuno tuli, leelo yatali aya kumwitu. Kuno ngi yali yawe aya kumwitu, yali yikalane ponga neswe. Leelo yafumile, kuti yasweluliwe fino yoshi yasi ya kumwitu.

1 Yoane 5:20

Neswe tumanyile fino Mwana wi Leesa wata wisa, nawe watupa mano kuti tummanye uWa-Chumi. Neswe tuli muli wenewe uWa-Chumi, muli Yesu Klisto Mwanakwe. Wiyo ali Leesa wa chumi nupuma wa manda ti.