Afilipi 3:19 - UPANGANO UPYA

¹⁹ Ukusila kwao ukuola, Leesa wao inda, ukulu wao uli un-nsoni shao, yalusita ifintu vya kunzi.

Afilipi 3:19 ပူးပေါင်းရင်းမြစ်များ

Mateo 16:23

Nga asenuka, aneena Petlo, ati: “Yaanga uku chisila chaane, Shetani. Ululeka ndukumika, kuno utalwelengula ayi Leesa, leelo aya aantu.”

Mateo 25:41

Apano aluneena na yalye yano yali ukwikasa lyaakwe ilya kuli kamani, aati: ‘Tinini panondi, yano mwatipwilwa, yangini um-mooto wa maanda ti, uno wawikilwa Chiwa na yamalaika yaakwe.

Luka 12:19

Apano mbunena nti: Mweso, uli ni ifintu tupu ifisipe, fino wauwikila uku myaka tupu, pusanga nu kulya nu kunwa nu kuchimba.’

Luka 16:19

Nga wati: “Pali untu wenga unsafi waswalanga imyenda ya mala ya zambalau nayo imitele, walyanga ifinone manda yoshi.

Luka 18:4

Nawe walile akana, nga ichisila um-mweso waakwe wati: ‘Nanti fino ntachindike Leesa nanti ukumanya antu;

Aloma 16:18

Kuno yano yali fiyo yataluombela uMwene witu Klisto, leelo inda zyao akola, nu ku maswi matonsu aya kuupapatizya, yaluzosya antu yano yatamanyile.

Aloma 6:21

Mwali nu nzano chi amanda yalye? Ifintu fino na li kwene vilumukulisya imitwe. Kuno ukusila kwa ifintu fiyo infwa.

1 Kolinto 3:3

Kuno ngi muchili nusuwa ni fitina, Chene! musi yantu ya ntambi-yamwili? ni miele ino isi ya chiuntu?

1 Kolinto 5:2

Nemwe muluuwanzya nanti kulola chikonko, ukuti atisiwe muno muli untu wino wachisile ichintu chiyo.

1 Kolinto 5:6

Ukuutensya kwino kutazifile. Mutamanyile fino isasyo ziche zikulusasya ikamantwa lyonsi?

2 Kolinto 11:12

Leelo chino nduomba, nkuombaa, ukuti mpingule yao yano yalusita uwasa, yataulola, ukuti ukwiswi liyo lino yaluutensesha, yakolane neswe.

2 Kolinto 11:15

Ichino chisi chimwi cha kusunguka, nga omvi yaakwe yausenulula, yawe wa yaomfi ya chumi; leelo ukusila kwao kuluwa wa milimo yao.

Agalatia 6:13

Kuno noya kwene yano yachitwa ichibalu, yatalondile iNtambi, leelo yalusita nemwe kwene muchitwe ichibalu, kuti yawe ni chakuutensezya uku myili yino.

Afilipi 2:21

Kuno yoshi yalusita ivyao akola sile, ivisi vyi Klisto Yesu.

Akolosai 3:2

Mwelengulae ifintu ivya mwiyulu, asi vya pano api nsi.

2 Tesalonike 1:9

Yano yalulambulwa uononi wa manda ti, ukutana nusyu wa Mwene nukulu wa maka yaakwe,

2 Tesalonike 2:12

Kuti yoshi yaputwilwe imilandu, yano yatasumile ichumi, leelo yachimbanga um-viipe.

2 Tesalonike 2:8

Apano aluswelulwa untalamanu, wino uMwene Yesu alumola uku mpu wa un-nnomo wakwe, nu kumonona apa kusweluka kwa kwisa kwakwe.

1 Timoteo 6:5

Nu lupaka luno lususila uku yantu yano yononeka amano yao, yano yaulwa ichumi, nakuno angi yalwelengula vini chopo-kuli-Leesa inzila ya kuzanile chimwi.

2 Timoteo 3:4

Yakasongelela, apotenkanya, akaivuna, yano akunde ivya munsi ukuluta Leesa.

Yakobo 4:16

Leelo kasalaka muluuwanzya un-chilumba chino, ukuuwanzya konsi ndi kuo kwaipa.

2 Petlo 2:1

Leelo kwakatwike amalau ya ufi unjantu, ndi fino na kuno muli kulukatuka yakasambilisha ya ufi, yalwingisha uku uchenjesu ifintu fya kulofya, nu kumkana uMwene kwene, wino wayakasile, yauletelela uononi uno utalusimba.

2 Petlo 2:13

Yasanwa ni fiipe, kuwa amalipilo ya uipe wao. Yakunda mfimbi nu ukolesi wa nsanya, yawa mala yikwi ni nsoni, nu kufimbilwa, yalusosha, pano yalulya ifimulo ponga nemwe,

2 Petlo 2:3

Nu ku kukumbuka kwao yaluusafya usafi kuno muli uku maswi ya kufinda; yano fuma kali uputusi wao wa milandu utalusimba, nu kononeka kwao kutalupunila.

Yuda 1:10

Leelo antu ya yakulunyata ifintu fino yatamanyile, ni ifintu fino yamanyile uku kafumo, yawonona kuli fyenefyo, wa finyama fino fitakwite amano.

Yuda 1:16

Antu ya yakung'wang'wintika nu kulalama, yalupita un-tama shao, ni milomo yao ilufwanga amaswi matale aya chilumba; yakuluwila aku yikolo, kuti yapiwe chimwi.

Yuda 1:4

Kuno kuli antu yano ingila nanti kumanyika, antu yano fuma kali yaandikilwa uputushi u uwa milandu yao, atakati, yano yaluseleula inkumbu shi Leesa witu siwe unyamfi, nga yalumkana uMwisikulu wenga, Mwene witu, Yesu, Klisto.

Uswelulo 18:7

Ndi fino wautensyanga nu kuwa ni mvimbi, ifino mpini machulo na amalanda. Kuno um-mweso waakwe aluti: ‘Nikala wa mwene mwanachi, insi wa msimbe, ntalulola malanda nanti uche.’

Uswelulo 19:20

Inkala iyo yalemwa ponga na kalauzya wilye uwa ufi, wilye wino wachisile ivilangizyo vilye apa maaso yaakwe, fino kuli wenewe wazosya antu yalye, yano kuli wenewe yapokelile akamanyililo ka nkala iyo, na yano yafukamile ichilui chakwe. Yao yaili yasumbwa yachili apuma muli yemba wa moto, wino alwaka uku sanku.

Uswelulo 21:8

Leelo aya ngofi na yano yatasumile, na autakati na yumozi, napundu, nalozi, na yao akupepa myao, na yaufi yoshi, uwikalo wao umuli yemba wilye uwa moto ni sanku; alai ali mfwa ya uwili.”

Uswelulo 22:15

Ukunzi kuo kuli imbwa, nalozi, napundu na yumozi na yano yakupepa imyao, na wensi wino wakunda ufi, nu kuuvwanga.