Afilipi 2:6 - UPANGANO UPYA

⁶ Wino wali um-mwata wi Leesa, wene atawine ukuwa wi Leesa, fino ichintu cha kulemantila.

Afilipi 2:6 ပူးပေါင်းရင်းမြစ်များ

Mateo 1:23

“Lola, unsuungu aluseenda iinda, nawe alufyala umwaana; nawe yalunta ishina lyaakwe: ‘Imanueli’,” alikuti: “Leesa apalipoonga neswe.”

Yoane 1:18

Kusi untu wino watana walola Leesa nanti limwi; uMwana wi Leesa wino ali pa chifuwa chi Tata, wafilwe wenga, uwino watulangilile.

Yoane 10:30

Nene na Tata tuli wenga.”

Yoane 10:33

aYudea yannena, yaati: “Tutalukutama na mafinga uku milimo misipe, leelo kuno ulusula Leesa na kuno wewe wenkola, we ntu uluuchita we Leesa.”

Yoane 10:38

Leelo ngi nduwomba, nanti mutantaile nene, tailini imilimo kwene iyo, ukuti mumanye nu kupulika fino Tata ali muti nene, nene ndi muli Tata.”

Yoane 14:28

Mwapulika fino namunenile, ukuti: ‘Napita, kaili ndwisa kuno muli.’ Ngangi mwankunda, ngangi muluchimba kuno naya kuli Tata, kuno Tata unkulu andusile.

Yoane 14:9

Yesu wannena, waati: “Inene nikala ponga nemwe amanda yoshi ya, newe utammanyile, Filipo? Wino wandola nene, walola Tata; nga wewe watuli ukuti: ‘Utulange Tata?’

Yoane 17:5

Nga kasalaka Tata, unkushe nene ponga newe, uku ukulu uu kwene uno nali nao ponga newe intangulo ya kulengwa kwansi.

Yoane 20:28

Toma wannena, waati: “Mwene wane na Leesa wane!”

Yoane 5:18

Chaleka aYudea yalusha ukusita nkani ifyakuti yamumole, kuno atononile uwanda wa Sabato sile, leelo apali ponga na fiyo, watangi Leesa i Tata, angalu ukolanya na Leesa.

Yoane 5:23

Ukuti antu yoshi yachindike uMwana, ndi fino yachindika Isi. Wino atachindike uMwana, atachindike isi wino wantumile.

Aloma 9:5

Ali yatatakulu ayao, na muli yeneyo wafumile Klisto afyalwa uku mwili, ali wino ali piyulu ya ifintu fyoshi, Leesa, watensiwa manda yoshi; chiwe fiyo kwene!

2 Kolinto 4:4

yano lesa wansi ii wapofusha amelengusi yao yano yatasumile, kuti yatachilola umwengelela wiswi-siipe ilya ukulu wi Klisto, wino ali ichata chi Leesa.

2 Kolinto 8:9

Kuno mwamanya inkumbu sha Mwene witu Yesu Kristo, wino wali umpina uku nnandu wino, nanti fino wali unsafi, ukuti mwemwe muwe yasafi uku upina wakwe.

1 Timoteo 1:17

Kasalaka uku Mwene wa manda ti, wino atalufwa, atakuloleka uku manso ya antu, Leesa wenga mpela, achindikwe na kulaliwe utensyo manda ti na ti. Chiwe fiyo kwene!

1 Timoteo 3:16

Kusi kutentenganya, inkama ya chopo-kuli-Leesa inkulu: walolike um-mwata wa ntu, wamanyika fino uwa chumi um-Mweso, waloleka na yamalaika, wasundwa unjantu akulukuwa, wazumilwa kuno ukunzi, wasendwa umwiyulu um-utensyo.

Tito 2:13

Angi tululolela utailo wa upepelelo nu kuloleka kwa utensho wi Klisto Yesu, Leesa witu unkulu na Katula witu.

Aeblania 1:3

Wenewe kuno umwengelela wa ukulu wakwe, ni chimanyisyo cha chata chakwe, wavisenda fyoshi ukwiswi lya maka yaakwe, pano wamala kuswefya antu ku maifyo yao, wikazile ukwikasa lya kwilunji ilya Ukulu umwiyulu.

Aeblania 1:6

Na pa Wanda, uno aluleta mwana wiyele kaili un-nsi, ati: “Chiyaile yamalaika yoshi ayi Leesa kumfukamila.”

Aeblania 1:8

Leelo pa Mwana avwanzile, ukuti: “Ichisumbi chako icha ukulu, we Leesa, icha manda ti na ti. Ni isumo lya uwene wako isumo lya ololosu.

Aeblania 13:8

Yesu Klisto uwiwi kwene iyulu ni leelo na manda ti.

Uswelulo 21:6

Waanena, waati: “Ichiombeka. Nene Alfa na Omega. Intangulo ni chisila. Nene namnwesya uwa lusala uwila kufuma kuli kafukoka wa manzi ya upuma.