Afilipi 2:25 - UPANGANO UPYA

²⁵ Leelo nawine chiile, uku tuma Epaflodito kuli mwemwe, uwachane nu momvi ponga nene, unsalifi ponga nene, kaili untumi wino, umuofi wa kungazwa um-ifintu fino nasitanga.

Afilipi 2:25 ပူးပေါင်းရင်းမြစ်များ

Yoane 13:16

Umwenemo, umwenemo, ndumunene: Umuofi atangi alute umwene wakwe, nanti katumwa atangi alute wino amtumile.

Yoane 17:18

Ndi fino wantumile nene ukunsi, ifino nene kwene nayatumile ukunsi.

Aloma 16:3

Mundawile Pilisika na Akila, aomvi ya nnimo ponga nene muli Klisto Yesu.

Aloma 16:9

Mundawile Ulubano umuofi wa nnimo ponga nene muli Klisto. Na Staku unkundikwa wane.

1 Kolinto 3:9

Kuno swemwi yaomvi ponga na Leesa; mwemwi mwe chalo chi Leesa, mwe ng'anda yi Leesa.

2 Kolinto 2:13

Ntawine utekano um-mweso. wane, kuno ntawine Tito uwachane. Leelo nalambalikine nayo, impita ukuya uku Masedonia.

Afilipi 2:26

Kuno wali ni chilûka kuli mwemwe mwensi; akungumala nkani kuno mwapulika fino unnwale.

Afilipi 4:18

Leelo apa kasalaka ndi ni ifintu vyonsi nu kuluta; na kaili nazuziliziwa nkani, napokelela ukwikasa lyi Epaflodito ifintu fino vyafumile kuno muli, unnunkililo wa wila uno wazumilwa, uzipile Leesa.

Afilipi 4:3

Endita, ndupapata newe kwene, wachane wa kutailwa, uyazwe anachi yao; kuno yalwilile ponga nene umwiswi-zipe na Klementi kwene, na yalye anji yano yaomvile unnimo ponga nene, yano amazina yao yali un-chitabu cha upuma.

Akolosai 1:7

Ndi fino mwasambiliziwa na Epafla umuofi nachitu un-kundikwa, umuofi uwa kutailwa uwi Klisto kuno muli.

Akolosai 4:11

Na Yesu wino yakuluti i Yusto; yao yatatu sile aYudea, yano yali aomvi ponga nene uku nnandu wa Wene-wi-Leesa, nayo kunondi yantekezya.

1 Tesalonike 3:2

twatuma Timoteo uwachitu, umuofi wi Leesa ponga neswe umwiswi-zipe ilyi Klisto, ukumukomya mwemwe nu kumusungula uku usumilo wino.

Filemoni 1:24

Na Malko na Alistako na Dema na Luka, aomvi ponga nene.

Aeblania 3:1

Ichino yachane yaswefiwa, yano mwisilwe kufuma mwiyulu wi sweswe kwene, mulolekesye nkani Untume na Kapela-nkulu wa usumilo witu, ali Yesu.