Afilipi 2:2 - UPANGANO UPYA

² nfikilishini kuchimba kwane, uku kuwa numweeso onga, wa lukundo luli longa, na melenguzi ali yonga, nu kusita ichili chonga.

Afilipi 2:2 ပူးပေါင်းရင်းမြစ်များ

Yoane 3:29

Wino ali na nawinga ali siwinga; leelo chinsindi wi siwinga wino alwimilila nu kumpulika, aluchimbila nkani iswi li siwinga.

Milimo 1:14

Yao yoshi yali nu mweso onga uwa kusalika, ponga na yanachi yamwi na Malia nyina wi Yesu, nanina yaakwe.

Milimo 2:1

Nga pano uwanda wa Pentekoste wafika, yalipo yoshi apali ponga.

Milimo 2:46

Nga manda yoshi uku mweso onga yakonkowezya un-ng'anda-nkulu-iyi-Leesa, nu kukunyola unkate um-mang'anda yao, nu kulya ichakulya chao uku kuchimba ni myenzo na pe.

Milimo 5:12

Ifilangisho ni ifipesha-mano tupu fyaombike uku makasa ya mitume unjantu; nayo yoshi yali nu mweso onga yali undukungu lwi Salomoni.

Aloma 12:16

Muwe numweeso onga chila ntu nu nnina, mutalangilila myenzo ino uku ifintu vikulu, leelo londelini auchefya uku vya myenzo. Mutaulola fino mwe ya malango nkani.

1 Kolinto 1:10

Ichino ndumusunda yachane, ukwishina lya Mwene witu Yesu Klisto, ukuti mwensi muvwange ichili chonga, kutachiwa ukutana; leelo kuti muwe ichilichonga numweeso onga.

2 Kolinto 13:11

Apa kumalila, yachane, chimbini, muyane, musundane, muwe nu mweso onga, muweleshane; na Leesa wa lukundo nu kuweleshana aluwa ponga nemwe.

2 Kolinto 2:3

Nga naandike amaswi ya kwene, kuti pano nacha nisa, ntache nsusuwale kuli yano ngachimbila. Kuno namutaila mwensi, kuno ukuchimba kwane, ukuchimba kwino mwensi kwene.

2 Kolinto 7:7

Asi ku kwisa kwakwe sile, leelo uku kusungulwa kuno wasungwile kuno muli; atulandila ukulûka kwino, nu kulosha kwino, nunte wino uwa kunondi, ifino nachimbisha nu kuluta.

Afilipi 1:4

amanda yoshi pano ndumupepela mwemwe mwensi, pano nalomba insala zyane uku kuchimba.

Afilipi 2:16

ngi mwalema iswi lya upuma; kuti imbwe na chimwi cha kulolela ukulu apa wanda wi Klisto, fino ntitukanga chaka nanti kwamala sile.

Afilipi 2:20

Kuno ntakwite untu unji, wino ali numweeso wonga nene, wino angamulangamweeso ningo.

Afilipi 4:2

Ndusunda Eodia, ndusunda na Sintike, yawe numweeso onga um-Mwene.

Akolosai 2:5

Kuno nanti um-mwili wane nsi ponga nemwe, leelo um-mweso wane ndipo ponga nemwe, duchiimba ukulola ukusifya kwino nu kushuyansha kwa kusumila kwino muli Klisto.

2 Tesalonike 2:13

Leelo chituile ukusamalisha Leesa manda yoshi uku nnandu wino, yachitu akundikwa nu Mwene, kuno Leesa wamusolola fuma intangulo, mufyusiwe, un-kuswefiwa nu Mweso nu kuzumila ichumi.

2 Timoteo 1:4

Pano nelengula amonsozi yako, ndukumbuka nkani ukukulola, kuti nchimbe nkani.

Filemoni 1:20

Endi, wachane, ndusita ukupata chimwi kunuli uku Mwene; unteke umweso wane muli Klisto.

2 Yoane 1:4

Nachimvile nkani kimo nalola yamwi apa yanako yalondile chumi, ndi fino twapokelile ichilangaso kuli Tata.

3 Yoane 1:4

Ntakwite ukuchimba kuno kulusile pa, ukupulika ana yane yalupita un-chumi.